完整藏文原文 · 德格版页 当前仅加载第 83 函德格 329a 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་གྱིས་ཀྱང་གནས་པ་ལ་འཛམྦུའི་གླིང་པའི་འཇིག་རྟེན་འཛག་པའི་བདེ་བ་ཅན་དེ་རྣམས་ལོ་བརྒྱའི་ཚེ་རྣམས་སོ། །བཅོམ་ལྡན་འདས་བུད་མེད་མེད་པ་ལས་ཅི་ལྟར་ཁུ་བ་རེངས་པར་འགྱུར། ཁུ་བ་རེངས་པ་དང་བྲལ་བས་ཚེ་རིང་པོར་རྗེས་སུ་འགྲོ་བ་མེད་
D478.083.0329a01.01དོ། །ལྷ་མོ་དེའི་ཕྱིར་འོག་དང་སྟེང་དུ་རླུང་གི་རྒྱུ་བ་རྗེས་སུ་བཅིང་བར་བྱེད་པ་ལས། སྲོག་བརྟན་པར་བྱས་པ་ལ་ལུས་ལ་རྒས་པ་དང་འཆི་བ་མི་འབྱུང་ངོ་། །དང་པོར་ལུས་དག་པར་གྱུར་ནས་ཆོས་ཀྱི་ཕྱག་རྒྱ་རབ་ཏུ་བསྒྲུབ་པར་བྱའོ། །ཕྱིའི་དགའ་བ་ཇི་འདྲ་བ་དེ་དང་འདྲ་བར་
D478.083.0329a02.01བསྒོམ་པར་བྱའོ། །དེ་བཞིན་དུ་སླར་ཡང་རྣལ་འབྱོར་པས་ལས་ཀྱི་ཕྱག་རྒྱའི་དགའ་བ་རྩོམ་པར་བྱའོ། །རྐང་པ་གཡོན་པས་ཚངས་པའི་སྐུད་པ་ཀུན་ཏུ་བཙིར་ནས་ཁ་སྟེང་དུ་བྱས་ནས་ཧཱ་ཡིག་རྣམ་པར་བསམ་པར་བྱའོ། །སླར་ཡང་སཱི་ཏ་ཡིག་བྱས་ནས་ཧཱུྃ་ཡིག་སྙིང་
D478.083.0329a03.01གར་གནས་པའོ། །ཨཱཿཡིག་སླར་ཡང་བསྒོམ་པར་བྱའོ། །འདབ་མ་བརྒྱད་པ་གེ་སར་དང་བཅས་པ་དེའི་དབུས་སུ་ཧྲཱིཿཡིག་འབར་བ་དེ་ལ་འོད་ཟེར་དང་བཅས་པའོ། །དེ་ལས་འཐོན་པའི་རི་མོ་དཀར་པོ་ངེས་པར་བྱུང་བ་སླར་ཡང་འོངས་ཏེ་པདྨ་འདབ་མ་དྲུག་ཅུ་རྩ་བཞི་
D478.083.0329a04.01པའི་དབུས་སུ་སོ་ན་པར་བསམ་པར་བྱའོ། །སླར་ཡང་ཨཿཡིག་བསམ་པར་བྱ་སྟེ། རྣལ་འབྱོར་པས་སྲོག་གི་རླུང་སླར་ཡང་བཅིང་བར་བྱའོ། །དེའི་ཕྱོགས་སུ་ལྷ་མོས་ཕྱེ་བའི་ཚངས་པའི་མདུད་པ་ངེས་པར་བྱུང་ནས་བྷ་ག་དང་སྙིང་གར་ཡང་ལྡན་པར་བསམ་པར་
D478.083.0329a05.01བྱའོ། །པདྨ་འདབ་མ་བརྒྱད་པ་དེ་ལ་ཕྱོགས་སུ་དམར་པོར་བསམ་པར་བྱའོ། །མེའི་ཟུར་དུ་མེ་དང་དེ་བཞིན་དུ་སླར་ཡང་རླུང་དུའོ། །དབང་ལྡན་དུ་སྔོན་པོ་ཡང་ངོ་། །དེ་བཞིན་དུ་སྲིན་པོའི་ཐུར་དུའོ། །དེའི་དབུས་སུ་སོན་པའི་ཧཱུྃ་ཡིག་ཁ་དོག་ནག་པོ་འོད་ཟེར་དང་
D478.083.0329a06.01བཅས་པའོ། །དེ་ལས་ངེས་པར་བྱུང་བའི་རི་མོ་སྤྱི་བོར་སོན་པ་རྣམ་པར་བསམ་པར་བྱའོ། །འོག་དང་སྟེང་དུ་ཧཱུྃ་ཡིག་ཁ་དོག་ནག་པོ་འོད་ཟེར་དང་བཅས་པ་དེར་སོན་པར་བསམ་པར་བྱའོ། །རི་མོ་འབར་བར་བྱེད་པ་ནི་ཡང་ནས་ཡང་དུ་དེ་བཞིན་ནོ། །དེའི་ཚེ་ཁྱོ་གིས་བྱ་
D478.083.0329a07.01