完整藏文原文 · 德格版页 当前仅加载第 44 函德格 153b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་བརྗོད་པར་བྱའོ། །འོད་སྲུང་དེ་ལ་དགེ་སྦྱོང་གི་དྲི་མ་རྣམས་གང་ཞེ་ན། འོད་སྲུང་སུམ་ཅུ་རྩ་གཉིས་པོ་འདི་དག་ནི་དགེ་སྦྱོང་གི་དྲི་མ་སྟེ། དེ་དག་སྤངས་ན་དགེ་སྦྱོང་དགེ་སྦྱོང་ཞེས་བྱའོ། །སུམ་ཅུ་རྩ་གཉིས་གང་ཞེ་ན། འདོད་པ་ལ་རྣམ་པར་རྟོག་པ་དགེ་སྦྱོང་གི་དྲི་མ་དང་། གནོད་སེམས་ཀྱི་རྣམ་
D88.044.0153b01.01པར་རྟོག་པ་དགེ་སྦྱོང་གི་དྲི་མ་དང་། རྣམ་པར་འཚེ་བའི་རྣམ་པར་རྟོག་པ་དགེ་སྦྱོང་གི་དྲི་མ་དང་། བདག་ལ་བསྟོད་པ་དགེ་སྦྱོང་གི་དྲི་མ་དང་། གཞན་ལ་བརྙས་པ་དགེ་སྦྱོང་གི་དྲི་མ་དང་། མི་འཐུན་པའི་རྙེད་པ་ཀུན་དུ་ཚོལ་བ་དགེ་སྦྱོང་གི་དྲི་མ་དང་། རྙེད་པས་རྙེད་པར་བྱེད་འདོད་པ་དགེ་སྦྱོང་གི་དྲི་མ་དང་།
D88.044.0153b02.01དད་པས་བྱིན་པ་ཆུད་གཟོན་པ་དགེ་སྦྱོང་གི་དྲི་མ་དང་། ལྟུང་བ་འཆབ་པ་དགེ་སྦྱོང་གི་དྲི་མ་དང་། ཁྱིམ་པ་ལ་སྟེན་པ་དགེ་སྦྱོང་གི་དྲི་མ་དང་། རབ་ཏུ་བྱུང་བ་དང་སྟེན་པ་དགེ་སྦྱོང་གི་དྲི་མ་དང་། འདུ་འཛི་ལ་མངོན་པར་དགའ་བ་དགེ་སྦྱོང་གི་དྲི་མ་དང་། རྙེད་པ་ཡོངས་སུ་མ་གྲུབ་པར་རྟོག་པ་དགེ་སྦྱོང་གི་དྲི་
D88.044.0153b03.01མ་དང་། བདག་གི་རྙེད་པས་ཆོག་པར་མི་འཛིན་པ་དགེ་སྦྱོང་གི་དྲི་མ་དང་། ཕ་རོལ་བསོད་སྙོམས་རྙེད་པ་ལ་ཕྲག་དོག་དང་སེར་སྣ་བྱེད་པ་དགེ་སྦྱོང་གི་དྲི་མ་དང་། ཕ་རོལ་གྱི་རྙེད་པ་ལ་འདོད་པ་དགེ་སྦྱོང་གི་དྲི་མ་དང་། བདག་གི་འཁྲུལ་པ་ལ་མི་རྟོག་པ་དགེ་སྦྱོང་གི་དྲི་མ་དང་། གཞན་གྱི་འཁྲུལ་པ་ཡོངས་
D88.044.0153b04.01སུ་ཚོལ་བ་དགེ་སྦྱོང་གི་དྲི་མ་དང་། སོ་སོར་ཐར་པ་དང་འདུལ་བ་མི་སྲུང་བ་དགེ་སྦྱོང་གི་དྲི་མ་དང་། ཁྭ་ལྟར་མུ་ཅོར་སྨྲ་བ་དགེ་སྦྱོང་གི་དྲི་མ་དང་། མ་གུས་པ་དང་། རྒོད་པ་དང་། ཁེངས་པ་དགེ་སྦྱོང་གི་དྲི་མ་དང་། ལྟ་བས་ཀུན་ནས་དཀྲིས་པ་དགེ་སྦྱོང་གི་དྲི་མ་དང་། རྟེན་ཅིང་འབྲེལ་བར་འབྱུང་བ་དང་
D88.044.0153b05.01འགལ་བ་དགེ་སྦྱོང་གི་དྲི་མ་དང་། མཐར་ལྟ་བ་ལ་གནས་པ་དགེ་སྦྱོང་གི་དྲི་མ་དང་། འཁོར་བ་ལ་མངོན་པར་དགའ་བ་དགེ་སྦྱོང་གི་དྲི་མ་དང་། མྱ་ངན་ལས་འདས་པ་ལ་མངོན་པར་མི་དགའ་བ་དགེ་སྦྱོང་གི་དྲི་མ་དང་། འཇིག་རྟེན་རྒྱང་པན་པའི་གསང་ཚིག་འཛིན་པ་དགེ་སྦྱོང་གི་དྲི་མ་དང་། སྒྲིབ་
D88.044.0153b06.01པས་ཀུན་ནས་དཀྲིས་པ་དགེ་སྦྱོང་གི་དྲི་མ་དང་། ལས་ཀྱི་རྣམ་པར་སྨིན་པ་དང་འགལ་བ་དགེ་སྦྱོང་གི་དྲི་མ་དང་། རྣམ་པར་ཐར་པའི་སྒོ་གསུམ་གྱིས་སྐྲག་པ་དགེ་སྦྱོང་གི་དྲི་མ་དང་། ཆོས་ཟབ་མོ་སྤོང་བ་དགེ་སྦྱོང་གི་དྲི་མ་དང་། ཆོས་དང་འགལ་བར་གནས་པ་དགེ་སྦྱོང་གི་དྲི་མ་དང་། དཀོན་མཆོག་
D88.044.0153b07.01