完整藏文原文 · 德格版页 当前仅加载第 44 函德格 156b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་ཟད་པར་འགྱུར་ཡང་སྲིད་ཀྱི་དེའི་བསོད་ནམས་ཀྱི་རྒྱུ་འཐུན་པ་ནི་ཡོངས་སུ་ཟད་པར་གང་ཡང་མི་འགྱུར་རོ། །འོད་སྲུང་གང་ཞིག་སྦྱིན་པ་པོ་དང་། སྦྱིན་བདག་གི་དད་པས་བྱིན་པ་ཡོངས་སུ་སྤྱད་ནས་འཆལ་བའི་ཚུལ་ཁྲིམས་ཀྱིས་ལོག་པར་ལྟུང་བར་བྱེད་ན་མི་གཏི་མུག་པ་དེ་གནོད་པ་ཇི་
D88.044.0156b01.01ཙམ་གྱི་ཕྱིར་ཞུགས་པ་ལ་ལྟོས། འོད་སྲུང་དེ་ལྟ་བས་ན་དགེ་སྦྱོང་གི་དྲི་མ་དང་། དགེ་སྦྱོང་གི་སྐྱོན་དང་། དགེ་སྦྱོང་གི་མི་དྲང་བ་དང་། དགེ་སྦྱོང་གི་གཡོ་དང་། དགེ་སྦྱོང་གི་སྒྱུ་དང་། དགེ་སྦྱོང་གི་གྱ་གྱུ་རྣམ་པ་དེ་ལྟ་བུ་དེ་དག་ནི་དགེ་སྦྱོང་བསམ་པ་དག་པས་ཡོངས་སུ་སྤོང་བར་བྱའོ། །
D88.044.0156b02.01འོད་སྲུང་དགེ་སྦྱོང་དགེ་སྦྱོང་ཞེས་བྱ་བ་ནི་གང་མིག་ནས་མི་ཟག་ཅིང་རྣ་བ་ནས་མ་ཡིན། སྣ་ནས་མ་ཡིན། ལྕེ་ནས་མ་ཡིན། ལུས་ལས་མ་ཡིན། ཡིད་ནས་ཀྱང་མི་ཟག་པ་སྟེ། དེའི་ཕྱིར་དགེ་སྦྱོང་དགེ་སྦྱོང་ཞེས་བྱའོ། །སྐྱེ་མཆེད་དྲུག་རིག་པ་དང་མངོན་པར་ཤེས་པ་དྲུག་དང་།
D88.044.0156b03.01རྗེས་སུ་དྲན་པ་དྲུག་དང་ལྡན་པ་དང་། དམ་པ་རྣམས་ལ་གུས་པར་གནས་པ་དང་། ཕ་རོལ་དུ་འགྲོ་བའི་ཆོས་དྲུག་ལ་གནས་པ་སྟེ། དེའི་ཕྱིར་དགེ་སྦྱོང་དགེ་སྦྱོང་ཞེས་བྱའོ། །དགེ་སྦྱོང་གི་ལེའུ་སྟེ་དང་པོའོ།། །།འོད་སྲུང་དགེ་སློང་དགེ་སློང་ཞེས་བྱ་བ་ནི།
D88.044.0156b04.01ཉོན་མོངས་པ་བཅོམ་པའི་ཕྱིར་དགེ་སློང་ཞེས་བྱའོ། །བདག་ཏུ་འདུ་ཤེས་པ་བཅོམ་པ་དང་། སེམས་ཅན་དུ་འདུ་ཤེས་པ་དང་། སྲོག་ཏུ་འདུ་ཤེས་པ་དང་། གསོ་བར་འདུ་ཤེས་པ་དང་། གང་ཟག་ཏུ་འདུ་ཤེས་པ་དང་། སྐྱེས་པར་འདུ་ཤེས་པ་དང་། བུད་མེད་དུ་འདུ་ཤེས་པ་དང་།
D88.044.0156b05.01ཁྱེའུར་འདུ་ཤེས་པ་དང་། བུ་མོར་འདུ་ཤེས་པ་བཅོམ་པ་སྟེ། དེའི་ཕྱིར་དགེ་སློང་དགེ་སློང་ཞེས་བྱའོ། །ལུས་བསྒོམས་པ་དང་། ཚུལ་ཁྲིམས་བསྒོམས་པ་དང་། སེམས་བསྒོམས་པ་དང་། ཤེས་རབ་བསྒོམས་པ་དང་། འཇིགས་སྐྲག་པ་མེད་པ་དང་། སྲིད་པའི་ཆུ་བོ་ལས་
D88.044.0156b06.01རྒལ་བ་དང་། འབྱུང་བ་དང་། འཇིག་པ་ལ་ལྟ་བ་དང་། འཇིགས་པ་ཐམས་ཅད་དང་བྲལ་བ་དང་། འཇིགས་པ་མེད་པའི་ལམ་ལ་གནས་པ་སྟེ། དེའི་ཕྱིར་དགེ་སློང་དགེ་སློང་ཞེས་བྱའོ། །འོད་སྲུང་གང་ལ་ལ་ཞིག་ཆོས་འདི་དག་དང་མི་ལྡན་ལ་བདག་ནི་དགེ་སློང་དགེ་སློང་ངོ་སྙམ་དུ་
D88.044.0156b07.01