完整藏文原文 · 德格版页 当前仅加载第 44 函德格 167a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། འཁོར་བས་འཇིགས་སྐྲག་པ་དང་། ཕུང་པོ་ནི་གཤེད་མ་སྟེ་ཕྱིར་རྒོལ་བར་རིག་པ་དང་། ཁམས་བཞི་ལ་མྱུར་དུ་གདུག་པའི་དུག་ཏུ་འདུ་ཤེས་པ་དང་། སྐྱེ་མཆེད་དྲུག་ལ་གྲོང་སྟོང་པ་ལྟར་མོས་པ་དང་། རྟེན་ཅིང་འབྲེལ་པར་འབྱུང་བ་ལ་འཇུག་པ་ལ་མཁས་པ་
D88.044.0167a01.01དང་། རྟག་པ་དང་ཆད་པར་ལྟ་བ་ཡོངས་སུ་སྤངས་པ་དང་། སེམས་ཅན་མེད་པ་དང་། སྲོག་མེད་པ་དང་། གསོ་བ་མེད་པ་དང་། གང་ཟག་མེད་པར་རྣམ་པར་སྤྱོད་པ་དང་། སྟོང་པ་ཉིད་ལ་མོས་པ་དང་། མཚན་མ་མེད་པ་སྤྱོད་ཡུལ་པ་དང་། སྨོན་པ་མེད་པའི་སེམས་སྤེལ་བ་དང་།
D88.044.0167a02.01ཁམས་གསུམ་ལ་རྟག་ཏུ་འཇིག་པའི་ཡིད་དང་ལྡན་པ་དང་། རྟག་ཏུ་མགོ་དང་གོས་ལ་མེ་འབར་བ་བཞིན་དུ་བརྩོན་འགྲུས་རྩོམ་པ་དང་། བརྩོན་པ་མི་འདོར་བ་དང་། ལུས་ཀྱི་སྐྱོན་ལ་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་པ་དང་། སེམས་ཀྱི་སྐྱེ་བ་དང་། འཇིག་པ་ལ་ལྟ་བ་དང་།
D88.044.0167a03.01སྡུག་བསྔལ་ཡོངས་སུ་ཤེས་པ་ལ་མངོན་པར་བརྩོན་པ་དང་། ཀུན་འབྱུང་བ་ཐམས་ཅད་ཀྱི་སྲེད་པ་སྤངས་པ་དང་། འགོག་པ་མངོན་སུམ་དུ་བྱ་བ་ལ་ཞུགས་པ་དང་། ལམ་བསྒོམ་པའི་རྣལ་འབྱོར་ལ་བརྩོན་པ་དང་། ཕྱིའི་སྤྱོད་ཡུལ་དྲན་པ་ཉེ་བར་གཞག་པ་ལ་རབ་ཏུ་གནས་པ་དང་།
D88.044.0167a04.01མི་དགེ་བའི་ཆོས་དང་བྲལ་བ་དང་། དགེ་བའི་ཆོས་ལ་མངོན་དུ་ཕྱོགས་པ་དང་། ཡང་དག་པའི་སྤོང་བ་ལ་ཤིན་ཏུ་གནས་པ་དང་། རྫུ་འཕྲུལ་གྱི་རྐང་པ་མངོན་དུ་གྱུར་པ་དང་། དབང་པོ་ལྔ་དང་ལྡན་པ་དང་། སྟོབས་ལྔའི་ཤུགས་དང་ལྡན་པ་དང་། བྱང་ཆུབ་ཀྱི་ཡན་ལག་བདུན་ལ་བསམ་
D88.044.0167a05.01གཏན་པ་དང་། འཕགས་པའི་ལམ་ཡན་ལག་བརྒྱད་པ་ལ་མངོན་པར་བརྩོན་པ་དང་། ཞི་གནས་ལ་གནས་པ་དང་། ལྷག་མཐོང་གིས་བལྟ་བར་བྱ་སྟེ། འོད་སྲུང་དེ་ལྟ་བུའི་གོ་ཆ་འདི་དག་བགོས་ནས་ནམ་གྱི་ཆ་སྟོད་དང་། ནམ་གྱི་ཆ་སྨད་ལ་མི་ཉལ་ཞིང་རྣལ་འབྱོར་ལ་བརྩོན་པ་དང་།
D88.044.0167a06.01རྟག་ཏུ་ཁྱད་པར་དུ་འགྲོ་བར་དགོན་པའི་གནས་དེ་ན་གནས་པར་བྱའོ། །དེ་དགོན་པའི་གནས་དེ་ན་གནས་པ་ན་ལུས་བརྒྱན་པར་སྦྱོར་བ་ལ་བརྩོན་པར་མི་བྱའོ། །མལ་ཆས་བརྒྱན་པ་ལ་བརྩོན་པར་མི་བྱའོ། །ཆོས་གོས་ཀྱིས་བརྒྱན་པ་ལ་བརྩོན་པར་མི་བྱའོ། །དེས་རྩྭ་རྙིང་
D88.044.0167a07.01