完整藏文原文 · 德格版页 当前仅加载第 44 函德格 170b 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །འདི་ལྟ་བུའི་གོ་ཆ་བགོ་བར་ཡང་བྱ་སྟེ། རྙེད་པ་མ་རྙེད་ཀྱང་ཡོངས་སུ་ཡི་ཆད་པར་མི་བྱ་བ་དང་། ངན་པ་དང་བཟང་པོའི་འདུ་ཤེས་བསྐྱེད་པར་མི་བྱ་བ་འདི་ནི་དགེ་སློང་བསོད་སྙོམས་སྤྱོད་པ་དག་གི་ཆོས་ཉིད་དོ། །དེ་ཅིའི་ཕྱིར་ཞེ་ན། སེམས་ཅན་ཕལ་ཆེར་ནི་རོ་ལ་བརྐམ་
D88.044.0170b01.01སྟེ། ཟས་ཀྱི་ཕྱིར་སྡིག་པའི་ལས་རྣམས་བྱས་ནས་སེམས་ཅན་དམྱལ་བ་རྣམས་སུ་སྐྱེའོ། །གང་དག་ཆོག་ཤེས་པ། མི་བརྐམ་པ། མ་ཞེན་པ་དང་། རོ་ལ་མི་གདུ་བ། ལྕེའི་དབང་པོ་ཆོག་ཤེས་པ། ཟས་ངན་ངོན་ཇི་ཙམ་གྱིས་ཀྱང་འཚོ་བ་དེ་དག་ནི་ཤི་འཕོས་ཏེ། ཤི་
D88.044.0170b02.01བའི་དུས་བྱས་ནས་མཐོ་རིས་སུ་སྐྱེ་བར་འགྱུར། ལྷ་དང་མི་རྣམས་ཀྱི་ནང་དུ་བདེ་འགྲོར་འགྲོ་བར་འགྱུར། ལྷར་སྐྱེས་ནས་བདུད་རྩི་ཟ་བར་འགྱུར་རོ། །འོད་སྲུང་དེ་ལྟར་ན་བསོད་སྙོམས་སྤྱོད་པའི་དགེ་སློང་གིས་རོ་ལ་སྲེད་པ་བཟློག་སྟེ་སེམས་ངེས་པར་སེམས་པས་ལྷག་ཟན་ཞག་
D88.044.0170b03.01བདུན་ལོན་པ་ཟ་ཡང་ཡི་ཆད་པར་མི་བྱའོ། །དེ་ཅིའི་ཕྱིར་ཞེ་ན། ལུས་གསོ་བ་དང་། འཕགས་པའི་ལམ་གྱི་ཚོགས་བསགས་པའི་དོན་དུ་བདག་གིས་ཟས་བཟའོ་སྙམ་པའི་ཕྱིར་རོ། །འོད་སྲུང་བསོད་སྙོམས་སྤྱོད་པའི་དགེ་སློང་གི་ལྷུང་བཟེད་དུ་འོངས་པ། ལྷུང་བཟེད་དུ་ཆུད་པ་
D88.044.0170b04.01ཆོས་དང་ལྡན་པ། ཆོས་ཀྱི་རྙེད་པ། ཚངས་པ་མཚུངས་པར་སྤྱོད་པའི་དགེ་སློང་དག་དང་ཐུན་མོང་དུ་བྱས་ལ་བཟའ་བར་བྱའོ། །འོད་སྲུང་གལ་ཏེ་དགེ་སློང་བསོད་སྙོམས་སྤྱོད་པ་ན་བར་གྱུར་ཏེ། ནད་གཡོག་མེད་ལ་བསོད་སྙོམས་ལ་འཇུག་ཀྱང་མི་ནུས་ན། དེས་འདི་སྙམ་དུ་བདག་ནི་
D88.044.0170b05.01གྲོགས་མེད་ལ། བདག་ནི་གཅིག་པུ་གཉིས་སུ་མེད་པ། བདག་ནི་རབ་ཏུ་བྱུང་བ། བདག་གི་གྲོགས་པོ་ནི་ཆོས་ཡིན་ཏེ། བདག་ནི་ཆོས་ལ་རྟོན་པ་ཡིན་ལ། བདག་ནི་མི་བདེ་ཞིང་སྡུག་བསྔལ་ཏེ་རབ་ཏུ་ན་བས་དེ་བཞིན་གཤེགས་པས་ཆོས་ཀྱི་སྨན་གསུངས་པ་གང་ཡིན་པ་དེ་ཇི་ལྟར་
D88.044.0170b06.01ཐོས་པ་བཞིན་དུ་ཆོས་དེ་དག་བདག་གིས་ཚུལ་བཞིན་བརྟག་པར་བྱའོ་སྙམ་དུ་སེམས་བསྐྱེད་པར་བྱའོ། །འོད་སྲུང་དེ་ལ་གང་ལུས་འདི་ལ་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་པ་འདི་ནི་ཚུལ་བཞིན་ལ་སྦྱོར་བའོ། །དེ་ལུས་འདི་ལ་སྐྱོན་དུ་ཡང་དག་པ་ཇི་ལྟ་བ་བཞིན་དུ་སོ་སོར་རྟོག་པ་
D88.044.0170b07.01