完整藏文原文 · 德格版页 当前仅加载第 44 函德格 175a 版页；藏文 NFD、目录标记与异常页序保留在来源切片中，重复版页行以稳定序号区分。
པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱིས་དཀོན་མཆོག་བརྩེགས་པའི་ཆོས་ཀྱི་རྣམ་གྲངས་འདིར་ནན་ཏན་སྙིང་པོར་བགྱིད་པའི་གང་ཟག་ཆོས་ཀྱི་དབང་ཕྱུག་རྣམས་ལ་སངས་རྒྱས་བཅོམ་ལྡན་འདས་རྣམས་ཀྱི་ཐུགས་རྗེ་ཆེན་པོ་གང་ལགས་པ་དེ་རྒྱ་ཆེར་
D88.044.0175a01.01ཡང་དག་པར་རབ་ཏུ་བཤད་ལགས་སོ། །བཅོམ་ལྡན་འདས་སེམས་ཅན་གང་དག་ཆོས་ཀྱི་རྣམ་གྲངས་འདི་ཐོས་ནས་མོས་ཤིང་དེ་བཞིན་ཉིད་དུ་སྒྲུབ་པ་དེ་དག་ནི་སངས་རྒྱས་ཀྱིས་ཡོངས་སུ་བཟུང་བ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། འོད་སྲུང་དེ་དེ་བཞིན་ནོ། །དེ་དེ་
D88.044.0175a02.01བཞིན་ཏེ། གང་དག་ཆོས་ཀྱི་རྣམ་གྲངས་འདི་ཐོས་ནས་མོས་ཤིང་། དེ་བཞིན་ཉིད་དུ་སྒྲུབ་པའི་སེམས་ཅན་དེ་དག་ནི་སངས་རྒྱས་ཀྱིས་ཡོངས་སུ་བཟུང་བ་ཡིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཁྱོད་ཀྱིས་རིགས་ཀྱི་བུ་དང་།
D88.044.0175a03.01རིགས་ཀྱི་བུ་མོ་དགེ་བའི་རྩ་བ་བསྐྱེད་པ། ཞི་བ་འདོད་པ་གྲོལ་བར་འདོད་པ་དེ་དག་གི་ཆེད་དུ་ཆོས་ཀྱི་ལེའུ་འདི་ཟུང་ཤིག །ཁྱིམ་པ་དང་རབ་ཏུ་བྱུང་བ་དེ་དག་ཀྱང་ཆོས་འདི་ལ་བསླབས་ནས་ཕུང་པོ་ཐམས་ཅད་རབ་ཏུ་སྤངས་པའི་མྱ་ངན་ལས་འདས་པ་ཐོབ་པར་འགྱུར་རོ། །གསོལ་པ། བཅོམ་
D88.044.0175a04.01ལྡན་འདས་བདག་གིས་ཆོས་ཀྱི་རྣམ་གྲངས་འདི་གཟུང་ལགས་ན། བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། འདི་ཇི་ལྟར་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་དེའི་ཕྱིར་ཆོས་ཀྱི་རྣམ་གྲངས་འདི་ཆོས་ཐམས་ཅད་ཡང་དག་པར་བསྡུས་
D88.044.0175a05.01པ་ཞེས་བྱ་བར་ཟུང་ཤིག །འཕགས་པའི་རིགས་སྦྱངས་པའི་ཡོན་ཏན་གྱི་གནས་དང་། ཚུལ་ཁྲིམས་དང་ལྡན་པ་ཡོངས་སུ་འཛིན་པ་དང་། ཚུལ་ཁྲིམས་འཆལ་པ་སྤ་འགོང་བ་དང་། རིན་པོ་ཆེ་བརྩེགས་པ་དང་། རིན་པོ་ཆེའི་ཕུང་པོ་དང་། རིན་པོ་ཆེ་བསགས་པ་དང་། རིན་པོ་ཆེའི་ཆོས་
D88.044.0175a06.01ཀྱི་སྒོའི་ལེའུ་ཞེས་བྱ་བར་ཡང་ཟུང་ཤིག །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་འོད་སྲུང་ཆེན་པོ་དང་། ཚེ་དང་ལྡན་པ་ཀུན་དགའ་བ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་
D88.044.0175a07.01