完整藏文原文 · 德格版页 当前仅加载第 44 函德格 169b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་འཛིན་པ་མེད་པ་དེ་ལྟར་གཡོ་བ་མེད་ཅིང་བྱེད་པ་མེད་དེ། སྟོང་བཞིན་དུ་སྐྱེ་ཞིང་འཇིག་ལ་སུ་ཡང་དེ་དག་སྐྱེ་བར་མི་བྱེད། འགོག་པར་མི་བྱེད་པའི་མཚན་མ་བཟུང་ལ། དེ་བཞིན་དུ་ལུས་འདི་ཡང་རྩྭ་དང་། རྩིག་པ་དང་། ཤིང་དང་། བོང་བ་དང་། མིག་ཡོར་ལྟ་
D88.044.0169b01.01བུ་སྟེ། བདག་པོ་མེད་པ། བདག་གི་བ་མེད་པ། ཡོངས་སུ་འཛིན་པ་མེད་པ། གཡོ་བ་མེད་པ། བྱེད་པ་མེད་པ། རྒྱུ་དང་རྐྱེན་ཚོགས་པ་ལས་འབྱུང་གི །རྒྱུ་དང་རྐྱེན་མ་ཚང་ན་མི་འབྱུང་བ་སྟེ། འདི་ལ་དོན་དམ་པར་སྐྱེ་བ་དང་། འགག་པའི་ཆོས་གང་ཡང་མེད་དོ་སྙམ་དུ་
D88.044.0169b02.01མཚན་མ་གཟུང་བར་བྱའོ། །འོད་སྲུང་དེ་ལྟར་དགེ་སློང་དགོན་པ་པས་ཆོས་ཀྱི་ཡི་དམ་གྱི་སྤྱོད་པ་འདི་ལྟ་བུས་དགོན་པ་ལ་གནས་པར་བྱའོ། །དེ་ལྟ་བུའི་ཆོས་ལ་གནས་པ་དེ་ཉན་ཐོས་ཀྱི་ཐེག་པ་པ་འམ། རང་སངས་རྒྱས་ཀྱི་ཐེག་པ་པའམ། བྱང་ཆུབ་སེམས་དཔའི་ཐེག་པ་པ་
D88.044.0169b03.01ཞིག་ཏུ་མྱུར་དུ་ཁྱད་པར་དུ་འགྱུར་རོ། །གལ་ཏེ་ཉན་ཐོས་ཀྱི་ཐེག་པ་པར་གྱུར་ན་ནི་དེ་མྱུར་དུ་འབྲས་བུ་ཐོབ་པར་འགྱུར་རོ། །ཅི་སྟེ་དེ་ལས་ཀྱི་སྒྲིབ་པས་བསྒྲིབས་ཏེ་འབྲས་བུ་ཐོབ་པར་མ་གྱུར་ན་ཡང་དེ་ཟག་པ་རྣམས་ལས་སེམས་རྣམ་པར་གྲོལ་གྱི་བར་དུ་དེ་བཞིན་གཤེགས་པ་གཉིས་སམ་
D88.044.0169b04.01གསུམ་ལས་མི་འདའོ། །གལ་ཏེ་རང་སངས་རྒྱས་ཀྱི་ཐེག་པ་པར་གྱུར་ན་ནི་དེ་མྱུར་བ་ཉིད་དུ་རང་བྱང་ཆུབ་ཐོབ་པར་འགྱུར་རོ། །གལ་ཏེ་བྱང་ཆུབ་སེམས་དཔའི་ཐེག་པ་པར་གྱུར་ན་ནི་དེ་ཚེ་འདི་ཉིད་ལ་མི་སྐྱེ་བའི་ཆོས་ལ་བཟོད་པ་ཐོབ་པར་འགྱུར་ཏེ། དེ་སྒྲིབ་པ་མེད་པར་སངས་རྒྱས་མཐོང་བར་
D88.044.0169b05.01འགྱུར་རོ། །སྒྲིབ་པ་མེད་པར་སངས་རྒྱས་མཐོང་ནས་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །དགོན་པ་པའི་ལེའུ་འདི་བཤད་པ་ན་དགེ་སློང་ལྔ་བརྒྱ་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །དགོན་
D88.044.0169b06.01པ་པའི་ལེའུ་སྟེ་ལྔ་པའོ།། །།འོད་སྲུང་དེ་ལ་ཇི་ལྟར་ན་དགེ་སློང་བསོད་སྙོམས་སྤྱོད་པ་ཡིན་ཞེ་ན། འོད་སྲུང་འདི་ལ་དགེ་སློང་བསོད་སྙོམས་སྤྱོད་པས་འདི་ལྟར་བདག་བསོད་སྙོམས་ཀྱི་ཁ་ཟས་ལ་གནས་ཏེ། ལེགས་པར་གསུངས་པའི་ཆོས་འདུལ་བ་ལ་རབ་ཏུ་བྱུང་ལ་
D88.044.0169b07.01