完整藏文原文 · 德格版页 当前仅加载第 44 函德格 173b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་འདུ་ཤེས་དང་། བདག་གི་བ་མེད་ཅིང་ཡོངས་སུ་འཛིན་པ་མེད་པའི་འདུ་ཤེས་ཀྱིས་ལུས་ལ་ཕྱག་དར་ཁྲོད་པ་དག་བགོ་བར་བྱའོ། །འདི་ལྟར་ཡང་སེམས་ཀྱིས་ལུས་དག་པར་འགྱུར་གྱི། ལུས་ཀྱིས་སེམས་དག་པར་ནི་མི་འགྱུར་རོ། །དེ་བས་ན་སེམས་དག་པར་འགྱུར་བར་བྱའི་ལུས་ཆ་བས་
D88.044.0173b01.01དག་པ་ནི་མ་ཡིན་ཏེ། སེམས་དག་པ་ནི་བཅོམ་ལྡན་འདས་ཀྱི་བསྟན་པ་ལ་ཚངས་པར་སྤྱོད་པ་ཞེས་གསུངས་སོ་སྙམ་དུ་སེམས་ངེས་པར་བསམ་པར་བྱའོ། །འོད་སྲུང་དེ་ལྟར་ན་དགེ་སློང་ཕྱག་དར་ཁྲོད་པ་པས་ཁྱོད་དང་ངའི་རྗེས་སུ་བསླབ་པར་བྱའོ། །འོད་སྲུང་འདི་ལྟ་བུའི་དུས་དང་། འདི་ལྟ་
D88.044.0173b02.01བུའི་མན་ཡོད་དེ། འོད་སྲུང་ཆོས་གོས་ངན་པ་གྱོན་པ། ཆོས་གོས་ངན་ངོན་གྱིས་ཆོག་པར་འཛིན་པ་ཁྱོད་གང་དུ་ཆོས་གོས་སྣམ་སྦྱར་ཁྲིའུ་འམ་ཁྲིའི་སྟེང་དུ་བཞག་སྟེ། ཁྱོད་བླ་གོས་གྱོན་ནས་འཆག་སར་འཆག་པའི་ཚེ་ལྷ་བརྒྱ་སྟོང་ཕྲག་མང་པོ་དག་དེར་ལྷགས་ནས་འདི་ནི་ཚུལ་ཁྲིམས་དང་།
D88.044.0173b03.01ཏིང་ངེ་འཛིན་དང་། ཤེས་རབ་ཀྱིས་ཡོངས་སུ་བསྒོས་པའི་ལུས་ལ་བགོ་བགོ་བའི་ཆོས་གོས་སོ་ཞེས་ཁྱོད་ཀྱི་ཆོས་གོས་སྣམ་སྦྱར་དེ་ལ་ཕྱག་འཚལ་བར་འགྱུར་རོ། །འོད་སྲུང་ལྟོས། ཆོས་གོས་ལ་ཡང་ཕྱག་འཚལ་བར་འགྱུར་ན་ལུས་ལ་ལྟ་ཅི་སྨོས། འོད་སྲུང་ཇི་ལྟར་ན་དགེ་སློང་ངའི་
D88.044.0173b04.01རྗེས་སུ་སློབ་པ་དག་དེ་བཞིན་དུ་སྒྲུབ་པར་འགྱུར་སྙམ་སྟེ་ངས་འཁོར་ལོས་སྒྱུར་བའི་རྒྱལ་སྲིད་སྤངས་ནས་རབ་ཏུ་བྱུང་སྟེ། ཀ་ཤི་པ་ཕྲ་མོ་དང་། དུ་གུ་ལའི་རས་དང་། ཀོ་ཏམ་པའི་རས་དང་། ངང་རིས་ཅན་གྱི་ཆོས་གོས་རྣམས་སྤངས་ནས་འཕགས་པའི་རིགས་ལ་དགའ་བའི་ཕྱིར་ཤ་ནའི་རས་
D88.044.0173b05.01ཀྱི་གོས་རྣམས་ལུས་ལ་བགོས་སོ། །འོད་སྲུང་ངས་ཁྱོད་ལས་དར་གོས་ངན་པ་བླངས་ཏེ། ངས་ཁྱོད་ལ་ཤ་ནའི་རས་བྱིན་པ་གང་ཡིན་པ་དེ་ཐམས་ཅད་ཀྱང་ཁྱོད་ཉིད་ལ་སྙིང་བརྩེ་བའི་ཕྱིར་ཡིན་གྱི། ཆགས་པའི་ཕྱིར་མ་ཡིན། ལུས་བརྒྱན་པའི་ཕྱིར་མ་ཡིན་ནོ། །འོད་སྲུང་འདི་ལ་
D88.044.0173b06.01མི་གཏི་མུག་པ་ཁ་ཅིག་ཁྱོད་དང་ངའི་རྗེས་སུ་མི་སློབ་ཅིང་བརྐམ་པ་དང་ཆགས་པའི་ཟིལ་གྱིས་ནོན་པ། ཆོས་གོས་སོགས་པར་བྱེད་པ། ལྷུང་བཟེད་སོགས་པར་བྱེད་པ། འཇིག་རྟེན་གྱི་ཟང་ཟིང་སོགས་པར་བྱེད་པ། འགྲོན་བུ་དང་། གསེར་དང་། ནོར་བུ་དང་། འབྲུ་སོགས་པར་བྱེད་པ།
D88.044.0173b07.01