完整藏文原文 · 德格版页 当前仅加载第 44 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །འོད་སྲུང་དགེ་སྦྱོང་གི་ཁ་དོག་དང་གཟུགས་ཅན་ལ་གནོད་པ་བྱེད་པ་ཞེས་བྱ་བ་ཉི་ཚེ་བའི་སེམས་ཅན་དམྱལ་བ་ཡོད་དེ། འོད་སྲུང་ཉི་ཚེ་བའི་སེམས་ཅན་དམྱལ་བ་དེར་དགེ་སྦྱོང་གི་གཟུགས་སུ་གྱུར་བཞིན་དུ་གོས་འབར་བ་དག་དང་། མགོ་འབར་བ་དག་དང་། ལྷུང་བཟེད་
D88.044.0155a01.01འབར་བ་དག་དང་། སྟན་འབར་བ་དག་དང་། མལ་ཆ་འབར་བ་དག་གནོད་པ་བྱེད་དེ། དེ་དག་གི་ལོངས་སྤྱོད་དང་ཡོངས་སུ་སྤྱད་པ་གང་ཅི་ཡོད་པ་དེ་དག་ཐམས་ཅད་འབར་རབ་ཏུ་འབར་ཏེ་ཀུན་དུ་རབ་ཏུ་མཆེད་ཅིང་འབར་ལ་དེ་མེར་གྱུར་ཏེ། དགེ་སྦྱོང་གི་ཁ་དོག་དང་གཟུགས་ཀྱིས་གནོད་པ་
D88.044.0155a02.01དེ་དག་མྱོང་བར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་ལུས་དང་ངག་དང་ཡིད་ཀྱི་ལས་ཡོངས་སུ་མ་དག་པ་དང་ལྡན་པའི་ཕྱིར་ཏེ། ལུས་དང་ངག་དང་ཡིད་ཀྱི་ལས་ཡོངས་སུ་མ་དག་པ་དང་ལྡན་པ་དེ་དག་གི་འགྲོ་བ་ཡང་ཡོངས་སུ་མ་དག་པ་ཉིད་དུ་འགྱུར་རོ། །འོད་སྲུང་དགེ་སྦྱོང་
D88.044.0155a03.01མ་ཡིན་ལ་དགེ་སྦྱོང་དུ་ཁས་འཆེ་བ་དང་། ཚངས་པར་སྤྱོད་པ་མ་ཡིན་ལ་ཚངས་པར་སྤྱད་པར་ཁས་འཆེ་བ་གང་ཞིག་ཚུལ་ཁྲིམས་དང་ལྡན་པ་རྣམས་དང་། ཡོན་ཏན་དང་ལྡན་པ་རྣམས་ཀྱིས་ཕྱག་བྱས་པ་བདག་གིར་བྱེད་ན་དེ་མི་དགེ་བའི་ལས་དེས་བརྙས་པ་བརྒྱད་འཐོབ་སྟེ། བརྒྱད་
D88.044.0155a04.01གང་ཞེ་ན། བེམས་པོ་ལྟ་བུར་འགྱུར་བ་དང་། གོ་དཀའ་ཞིང་ལེ་ལོ་ཅན་དུ་འགྱུར་བ་དང་། སྐྱེ་བོ་མང་པོས་བགད་པའི་བུད་མེད་དུ་འགྱུར་བ་དང་། རང་དབང་མེད་ཅིང་བྲན་དུ་འགྱུར་བ་དང་། མདོག་ངན་ཞིང་མི་སྡུག་པར་འགྱུར་བ་དང་། མདོག་ངན་ཞིང་དབང་ཆུང་བར་གྲགས་པར་
D88.044.0155a05.01འགྱུར་བ་དང་། དེ་ལ་སུ་ཡང་སྩུ་བར་མི་འགྱུར་བ་དང་། སྦྱིན་གནས་རྣམས་ལ་མགུ་བར་མི་བྱེད་པ་སྟེ། བརྙས་པ་བརྒྱད་པོ་དེ་དག་འཐོབ་བོ། །འོད་སྲུང་དེ་ལྟ་བས་ན་བཟང་པོ་མ་ཡིན་པའི་ཆོས་འདི་ལྟ་བུ་འདི་དག་ཐོས་ནས་དགེ་སྦྱོང་སྡིག་པ་ཅན་གྱིས་གཞན་གྱིས་ཕྱག་བྱས་པ་བདག་གིར་
D88.044.0155a06.01མི་བྱའི། འོད་སྲུང་གང་དགེ་སྦྱོང་མ་ཡིན་ལ་དགེ་སྦྱོང་དུ་ཁས་འཆེ་བ་དང་། ཚངས་པར་སྤྱོད་པ་མ་ཡིན་ལ་ཚངས་པར་སྤྱོད་པར་ཁས་འཆེ་བ་ནི་ཐ་ན་ས་ཆེན་པོ་འདི་ལ་མཆིལ་མའི་ཐལ་བ་ཙམ་འདོར་བ་དེ་ཡང་ངས་རྙེད་པར་མི་འགྱུར་ན་གོམ་པ་འདེག་པ་དང་འཇོག་པ་ལྟ་ཅི་སྨོས། དེ་
D88.044.0155a07.01