完整藏文原文 · 德格版页 当前仅加载第 44 函德格 167b 版页；藏文 NFD、目录标记与异常页序保留在来源切片中，重复版页行以稳定序号区分。
པ་སྐམས་པ་བླངས་ལ་འཆག་ས་དང་འདུག་སར་ལེགས་པར་བཏིང་སྟེ་བདག་འདུག་པ་དང་། དགེ་འདུན་གྱི་དང་། ཕྱོགས་བཞིའི་དགེ་འདུན་གྱི་དང་། མ་འབགས་པ་དང་། བདག་གི་གོས་ཀྱིས་ཆོག་ཤེས་པར་དགོན་པའི་གནས་དེར་གནས་པར་བྱའོ། །འོད་སྲུང་དགེ་སློང་དགོན་
D88.044.0167b01.01པ་པ་གང་གི་ཚེ་ལུས་གསོ་བ་དང་། འཕགས་པའི་ལམ་ཉེ་བར་བརྟེན་པའི་ཕྱིར་གྲོང་ངམ། གྲོང་ཁྱེར་རམ། གྲོང་རྡལ་དུ་བསོད་སྙོམས་ཀྱི་ཕྱིར་འཇུག་པ་ན་དེས་སེམས་འདི་ལྟ་བུས་དགོན་པའི་གནས་དེ་ནས་འགྲོ་བར་བྱ་སྟེ། མ་རྙེད་ཀྱང་ཡོངས་སུ་ཡི་ཆད་པར་མི་བྱ། རྙེད་ཀྱང་
D88.044.0167b02.01དགའ་བ་བསྐྱེད་པར་མི་བྱ། ལས་ཀྱི་རྣམ་པར་སྨིན་པ་ཡིད་ལ་བྱ། བསོད་ནམས་ཉེ་བར་བརྟེན་པར་བྱ། དེ་བཞིན་གཤེགས་པ་ཡིད་ལ་བྱ་བ་བསམ་ཞིང་དེས་གྲོང་དང་། གྲོང་ཁྱེར་དང་། གྲོང་རྡལ་དུ་བསོད་སྙོམས་ཀྱི་ཕྱིར་འཇུག་པར་བྱའོ། །དེ་གྲོང་དང་། གྲོང་ཁྱེར་དང་།
D88.044.0167b03.01གྲོང་རྡལ་དུ་བསོད་སྙོམས་སྤྱོད་པ་ན་ཆོས་ཀྱི་གོ་ཆ་བགོས་ལ་བསོད་སྙོམས་སྤྱད་པར་བྱའོ། །དེ་ལ་ཆོས་ཀྱི་གོ་ཆ་གང་ཞེ་ན། མིག་གིས་ཡིད་དུ་འོང་བའི་གཟུགས་རྣམས་མཐོང་ན་རྗེས་སུ་ཆགས་པར་མི་བྱའོ། །ཡིད་དུ་མི་འོང་བའི་གཟུགས་རྣམས་མཐོང་ན་ཡང་ཁོང་ཁྲོ་བར་མི་
D88.044.0167b04.01བྱའོ། །དེ་བཞིན་དུ་སྒྲ་དང་། དྲི་དང་། རོ་དང་། རེག་བྱ་ཡིད་དུ་འོང་བ་དང་། ཡིད་དུ་མི་འོང་བ་རྣམས་ལ་རྗེས་སུ་ཆགས་པ་དང་ཁོང་ཁྲོ་བར་མི་བྱའོ། །དབང་པོ་ཤིན་ཏུ་བསྡམས་པ་དང་། མིག་མི་གཡེང་བ་དང་། གཉའ་ཤིང་གང་ཙམ་དུ་ལྟ་བ་དང་། དུལ་བ་དང་། ཅང་ཤེས་ཀྱི་
D88.044.0167b05.01སེམས་དང་། སྔོན་ཡིད་ལ་བྱེད་པའི་ཆོས་མི་འདོར་བ་དང་། ཟང་ཟིང་གིས་མ་འབགས་པའི་རྒྱུད་ཀྱིས་བསོད་སྙོམས་སྤྱད་པར་བྱའོ། །མཐར་ཆགས་སུ་བསོད་སྙོམས་བླང་བར་བྱའོ། །གང་ནས་བསོད་སྙོམས་རྙེད་པ་དེར་རྗེས་སུ་ཆགས་པར་མི་བྱའོ། །གང་ནས་མ་
D88.044.0167b06.01རྙེད་པ་དེར་ཡང་ཁོང་ཁྲོ་བར་མི་བྱའོ། །ཁྱིམ་བཅུར་བསླངས་པ་ལས་ཁྱིམ་བཅུ་གཅིག་པ་ལས་བསོད་སྙོམས་མ་རྙེད་ན་ཡང་ཡོངས་སུ་ཡི་ཆད་པར་མི་བྱའི། དེ་འདི་སྙམ་དུ་བྲམ་ཟེ་དང་ཁྱིམ་བདག་འདི་དག་ནི་བྱ་བ་མང་བ་དག་ཡིན་པས་དེ་དག་གིས་བདག་ལ་སྦྱིན་པར་ངེས་པ་
D88.044.0167b07.01