完整藏文原文 · 德格版页 当前仅加载第 44 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ལང་དང་། ལུག་དང་། བྱ་གག་དང་། ཕག་དང་། བོང་བུ་དང་། རྟ་དང་། ཐོང་གཤོལ་དང་། ཤིང་རྟ་འདྲེན་པ་དག་ཉེ་བར་འཇོག་པར་བྱེད་པ། ཁྱིམ་པའི་ལས་ཀྱི་མཐའ་སྤྱོད་པ་དག་པས་ནི་འོད་སྲུང་ཁྱིམ་པ་དག་ལ་ཁྱད་པར་དུ་འགྱུར་བ་ཡོད་ཀྱི། མི་བླུན་པོ་རབ་ཏུ་
D88.044.0174a01.01བྱུང་བའི་མཚམས་ལས་འདས་པ་དེ་དག་ལ་ནི་ཁྱད་པར་དུ་འགྱུར་བ་གང་ཡང་མེད་དོ། །འོད་སྲུང་ཁྱིམ་པ་རྣམས་ཁྱད་པར་དུ་འགྱུར་བ་ནི་དགེ་སྦྱོང་མ་ཡིན་ལ་དགེ་སྦྱོང་དུ་ཁས་འཆེ་བ། ཚངས་པར་སྤྱོད་པ་མ་ཡིན་ལ་ཚངས་པར་སྤྱོད་པར་ཁས་འཆེ་བ། གོས་ངུར་སྨྲིག་བགོས་ཤིང་བྱ་བ་མང་
D88.044.0174a02.01བ། སྦག་པ་སྣ་ཚོགས་ཀྱིས་སྦགས་པ། ཟས་དང་གོས་ལྷུར་ལེན་པ་དེ་དག་ཁྱིམ་པ་དག་གིས་གོས་ངུར་སྨྲིག་གྱོན་པར་རིག་ནས་རྗེས་དང་གུས་པ་བསྐྱེད་པ་དང་། ཆོས་གོས་དང་། བསོད་སྙོམས་ཀྱིས་སྡུད་པར་བྱེད་པ་དང་། གུས་པར་སྨྲ་ཞིང་ཕྱག་འཚལ་ལ་ལྡང་བར་བྱེད་པ་སྟེ། འོད་
D88.044.0174a03.01སྲུང་འདི་ནི་ཁྱིམ་པ་དེ་དག་གི་ཁྱད་པར་དུ་འགྱུར་བ་ཡིན་གྱི། དེ་དག་རབ་ཏུ་བྱུང་བ་དེ་དག་ལ་ནི་མེད་པའོ། །དེ་ཅིའི་ཕྱིར་ཞེ་ན། འདི་ལྟར་དེ་དག་ནི་ཡོངས་སུ་ལེན་པ་ལ་བརྩོན་པ་མ་ཡིན་ཞིང་ཅི་ཡང་མི་སོགས་པའི་ཕྱིར་རོ། །འོད་སྲུང་དེའི་ཚེ་དེའི་དུས་ན་དགེ་སློང་ཕལ་ཆེར་ལྷུང་བཟེད་དང་
D88.044.0174a04.01ཆོས་གོས་མང་ཞིང་སྣོད་སྤྱད་མང་བ་དང་རྙེད་པ་མང་བར་འགྱུར་ཏེ། དེ་དག་ལ་བསྟི་སྟང་བྱེད་པར་འགྱུར། བཙུན་པར་བྱེད་པར་འགྱུར། རི་མོ་བྱེད་ཅིང་མཆོད་པ་བྱེད་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་དེ་སྦྱིན་པ་དང་། ཕྱིར་སྦྱིན་པ་དུས་དུས་ས་བྱེད་ཅིང་བྱ་བ་ཇི་ལྟ་བ་བཞིན་དུ་
D88.044.0174a05.01ཡོངས་སུ་འཛིན་པའི་ཕྱིར་རོ། །དགེ་སློང་གང་དག་ཚུལ་ཁྲིམས་དང་ལྡན་པ། དགེ་བའི་ཆོས་ཅན། ཟག་པ་རྣམས་ཟད་པར་བྱེད་པ་ལ་མངོན་པར་བརྩོན་པ་དང་། ཡིད་བྱུང་བ། མགོ་དང་གོས་ལ་མེ་འབར་བ་བཞིན་དུ་བརྩོན་པ། དོན་ཉུང་བ་བྱེད་པ་ཉུང་བ། རང་གི་དོན་ལ་བརྩོན་
D88.044.0174a06.01པ། འདྲིས་པར་བྱེད་པ་ཡོངས་སུ་སྤངས་པ་དག་འབྱུང་བ་དེ་དག་གི་གན་དུ་ནི་དེའི་ཚེ་དེའི་དུས་ན་སུ་ཡང་མི་འགྲོ །མི་སྟེན་ཅིང་བསྙེན་བཀུར་མི་བྱེད་པར་འགྱུར་རོ། །དེ་ཅིའི་ཕྱིར་ཞེ་ན། འདི་ལྟར་ཁྱིམ་བདག་ནི་ཆགས་པའི་རང་བཞིན་ཅན་ཚེ་འདི་ལྷུར་ལེན་གྱི། ཚེ་རབས་ཕྱི་མ་ལྷུར་ལེན་པ་
D88.044.0174a07.01