完整藏文原文 · 德格版页 当前仅加载第 63 函德格 268a 版页；藏文 NFD、目录标记与异常页序保留在来源切片中，重复版页行以稳定序号区分。
འབྱུང་བའི་སེམས་ཀྱིས་སེལ་བ་དེ་དག་ནི་དེའི་རྣམ་པར་དཔྱོད་པ་ཡིན་ནོ། །དེ་ལ་དགའ་ཞིང་ཚིམ་པ་གང་ཡིན་པ་དང་། སེམས་རྩེ་གཅིག་པ་ཉིད་གང་ཡིན་པ་དང་། གཡེང་བ་མེད་པ་གང་ཡིན་པ་དེས་ན་དེ་ངེས་པར་འབྱུང་བ་ལ་གནས་ཤིང་རྣམ་པར་རྟོག་པ་དང་། རྣམ་པར་དཔྱོད་པ་
D230.063.0268a01.01སྤོང་བའི་སེམས་དང་ལྡན་པ་ཡིན་ནོ། །དེ་ལྟར་ན་དེར་དེས་རྣམ་པར་རྟོག་པ་དང་། རྣམ་པར་དཔྱོད་པ་དང་བཅས་པའི་བསམ་གཏན་དང་པོ་ཐོབ་པ་ཡིན་ནོ། །དེ་ལ་མཚན་མ་འདི་དག་འབྱུང་སྟེ། དེའི་ལུས་ཐམས་ཅད་གཡོ་བར་འགྱུར་རོ། །དྲོ་བར་འགྱུར་རོ། །དེར་དེ་འདོད་པའི་འདུན་པའི་སྒྲིབ་
D230.063.0268a02.01པ་སྤོང་བ་ཡིན་ནོ། །དེ་མི་དགེ་བའི་ཆོས་ཐམས་ཅད་གནོན་པར་བྱེད་དོ། །དེ་གང་གི་ཚེ་བརྩོན་པ་དྲག་པོས་ཡིད་ལ་བྱེད་ཅིང་གནས་པ་དེས་ན་དེ་རྣམ་པར་རྟོག་པ་དང་། རྣམ་པར་དཔྱོད་པ་ཉེ་བར་ཞི་བ་ཡིན་ཏེ། དེས་ན་རྣམ་པར་རྟོག་པ་དང་། རྣམ་པར་དཔྱོད་པ་མེད་པའི་བསམ་
D230.063.0268a03.01གཏན་གཉིས་པ་ཐོབ་པ་ཡིན་ནོ། །དེ་ལྟར་དེའི་ལུས་ཐམས་ཅད་ཤིན་ཏུ་སིམ་པ་དང་། བདེ་བ་དང་། ཚིམ་པར་འགྱུར་བ་ནི་དཔེར་ནའོ་མ་འཇམ་ཙམ་གྱིས་ལུས་ལ་ཅིག་ཅར་བླུགས་ན་བདེ་བ་མྱོང་བ་བཞིན་ནོ། །དེས་བདག་ནི་འདི་ལྟར་གྱུར་པར་ཤེས་ཏེ། དེས་ཟང་ཟིང་མེད་པའི་དགའ་བ་དང་
D230.063.0268a04.01བདེ་བ་དེ་ལྟ་བུ་དང་ལྡན་ནོ་སྙམ་དུ་ཤེས་སོ། །བྱང་ཆུབ་སེམས་དཔའ་དེས་དཀོན་མཆོག་གསུམ་ལ་དད་པ་ཐོབ་ནས། དེ་འདི་སྙམ་དུ་བདག་གིས་ནི་སེམས་ཅན་ཐམས་ཅད་ཀྱི་དོན་དུ་གོ་ཆ་ཆེན་པོ་བགོས་ནས། བསམ་གཏན་ལ་ཡང་མངོན་པར་བརྩོན་པར་བྱ་ཞིང་། བདག་གིས་ཅི་
D230.063.0268a05.01ནས་ཀྱང་ལུས་དང་སེམས་ཀྱི་བདེ་བ་ཡང་དོར་བར་བྱའོ་སྙམ་དུ་སེམས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་དབུགས་རྔུབ་པ་དང་། དབུགས་འབྱུང་བ་གོམས་པར་བྱ་བ་སེམས་ཀྱི་དམིགས་པ་དག་འདོར་བར་བྱེད་དོ། །དེ་སྣའི་རྩེ་མོར་སེམས་གཏོད་པར་བྱེད་དེ་གང་
D230.063.0268a06.01གིས་འཇུག་པ་དང་། ངེས་པར་འབྱུང་བ་དབུགས་རྔུབ་པ་དང་། དབུགས་འབྱུང་བ་ལ་གནས་པའི་སེམས་ཀྱིས་ཉེ་བར་རྟོག་པར་བྱེད་དོ། །དེ་སེམས་དེའི་སྐད་ཅིག་མ་ལ་ཞིག་པ་དང་། སྐྱེ་བ་དང་། འཇིག་པ་ཉེ་བར་རྟོག་པར་བྱེད་དེ། སེམས་དང་། ཡིད་དང་། རྣམ་པར་
D230.063.0268a07.01