完整藏文原文 · 德格版页 当前仅加载第 63 函德格 269a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བར་མི་སྨོད་ཅིང་འཇིག་པའི་ཚུལ་གྱིས་དམིགས་པས་ཉེ་བར་རྟོག་པར་ཡང་བྱེད་དོ། །དེ་ལ་ཡང་དག་པའི་སྤོང་བ་བཞི་བསྒོམ་པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་
D230.063.0269a01.01པ་དང་། དབུགས་འབྱུང་བའི་སྐྱེ་བ་དང་། ནུབ་པའི་མཚན་མ་ལ་ཉེ་བར་རྟོགས་པར་ཡང་བྱེད་དོ། །དེ་རྫུ་འཕྲུལ་གྱི་རྐང་པ་བཞི་བསྒོམ་པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བའི་མཚན་མ་ལ་དམིགས་པས་ཉི་ཟེར་གྱི་རྡུལ་དང་འདྲ་བར་ཕྱེ་མར་
D230.063.0269a02.01རླགས་པ་བཞིན་དུ་རང་གི་ལུས་ལ་ཉེ་བར་རྟོག་པར་ཡང་བྱེད་དོ། །དེ་དབང་པོ་ལྔ་བསྒོམ་པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བ་སྐྱེ་བ་དང་། ནུབ་པའི་ཚུལ་གྱིས་འདུ་བྱེད་གསུམ་ལ་ཉེ་བར་རྟོག་པར་ཡང་བྱེད་དོ། །དེ་སྟོབས་ལྔ་བསྒོམ་
D230.063.0269a03.01པ་ཡོངས་སུ་རྫོགས་པར་ཡང་འགྱུར་ལ། ཡང་ན་དབུགས་རྔུབ་པ་དང་། དབུགས་འབྱུང་བའི་ཚོར་བའི་མཚན་མ་གསལ་བའི་ཚུལ་གྱིས་ཕུང་པོ་དག་ལ་ཞི་བ་དང་ཉེ་བར་ཞི་བར་རྟོག་པར་ཡང་བྱེད་དོ། །དེ་བཞིན་དུ་བྱང་ཆུབ་ཀྱི་ཡན་ལག་བདུན་བསྒོམ་པ་ཡོངས་སུ་རྫོགས་པར་ཡང་འགྱུར་ལ།
D230.063.0269a04.01ཡང་ན་དབུགས་རྔུབ་པ་དང་། དབུགས་འབྱུང་བའི་རླུང་གི་རྣལ་འབྱོར་ཡིད་ལ་བྱེད་པས་སའི་ཁམས་གཟུགས་སུ་སྣང་བ་ཐམས་ཅད་རྡུལ་དུ་རླགས་ཏེ་གཏོར་ནས་མཚན་མ་མེད་པ། ལུས་པ་མེད་པ། བརྗོད་དུ་མེད་པ། མཚན་ཉིད་མེད་པ། རྣམ་པར་རིག་པ་མེད་པ། འདུ་བྱེད་གསུམ་ཞི་བ།
D230.063.0269a05.01ཉེ་བར་ཞི་བ། འགགས་པ། དམིགས་པ་མེད་པའི་ཏིང་ངེ་འཛིན་དག་རབ་ཏུ་ཐོབ་བོ། །བསམ་གཏན་ལ་རྣམ་པར་རྩེ་བའི་ཏིང་ངེ་འཛིན་དེ་ལྟ་བུ་དེ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་བསམ་གཏན་གྱི་ཕ་རོལ་ཏུ་ཕྱིན་པ་ཡོངས་སུ་སྦྱོང་བ་ཐུན་མོང་བ་ཡིན་ལ། བསམ་གཏན་
D230.063.0269a06.01གྱི་ཕ་རོལ་ཏུ་ཕྱིན་པ་ཡོངས་སུ་སྦྱོང་བ་ནི་ཉན་ཐོས་དང་། རང་སངས་རྒྱས་ཐམས་ཅད་ཀྱི་ཡང་ཐུན་མོང་ཡིན་ནོ། །གང་དག་ཁ་ཅིག་དེ་ལ་གནས་ན་རྒྱུན་དུ་ཞུགས་པའི་འབྲས་བུ་ལ་གནས་པ་ཡིན་ནོ། །བརྩོན་འགྲུས་ཞན་པ་ཁ་ཅིག་ནི་ཉན་ཐོས་ཀྱི་ཆོས་རྣམས་ལ་འཕེལ་ལོ། །ཁ་ཅིག་ནི་དགྲ་
D230.063.0269a07.01