完整藏文原文 · 德格版页 当前仅加载第 63 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
པར་འགྱུར་བ་དེ་ལྟར་ཕྱོགས་བཅུ་ན་གང་དག་དེ་བཞིན་གཤེགས་པ་མ་ལུས་པར་བཞུགས་ཤིང་འཚོ་ལ་གཞེས་པ་ཐམས་ཅད་འདིར་དགོངས་སུ་གསོལ། ཏདྱ་ཐཱ། མུ་ནི་ཤི་བ། མུ་ནི་ན་ཏྲེ། མུ་ནི་པ་ལ། མུ་ནི་ས་ལེ། སན་ཏ་ཨུ་ས་ཀྵི་ཏི། ཀྵ་ནུ་པྲ་ཎ་ནཱི་ལ་བ་ཡ་བ་སརྦ་བཱི་ཛ་བ་སྟི་ལ་ལི་སྭཱ་ཧཱ། དེ་ནས་བཅོམ་
D230.063.0297a01.01ལྡན་འདས་ཀྱིས་ལེགས་སོ་ཞེས་བྱ་བ་གནང་ནས་དཔལ་ལྷ་མོ་ཆེན་མོ་ལ་འདི་སྐད་ཅེས་བཀའ་སྩལ་ཏོ། །དཔལ་ཆོ་ག་ཤེས་ཁྱོད་ཀྱིས་གླིང་བཞི་པ་འདིར་ས་བོན་དང་། མྱུ་གུ་དང་། ལོ་ཏོག་འཕེལ་བར་བྱ་བ་དང་། སེམས་ཅན་ཡོངས་སུ་སྨིན་པར་བྱ་བའི་ཕྱིར་ཁྱོད་ནི་སངས་རྒྱས་བཅོམ་ལྡན་འདས་
D230.063.0297a02.01འཁོར་ཚོགས་པ་དང་བཅས་པ་མ་ལུས་པ་ཐམས་ཅད་ཀྱིས་བྱིན་གྱིས་བརླབས་སོ། །དེ་ནས་ལྷའི་དབང་པོ་བརྒྱ་བྱིན་ཀཽ་ཤི་ཀས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཆོས་ཀྱི་རྣམ་གྲངས་འདིའི་མིང་ཅི་ལགས། ཆོས་ཀྱི་རྣམ་གྲངས་འདི་ཇི་ལྟར་གཟུང་བར་བགྱི་ལགས།
D230.063.0297a03.01བཅོམ་ལྡན་འདས་ཀྱིས་བཀའ་སྩལ་པ། དེ་བཞིན་གཤེགས་པའི་དཔལ་གྱི་དམ་ཚིག་ཅེས་བྱའོ། །རིའི་སྙིང་པོས་ཞུས་པ་ཞེས་བྱའོ། །གཟུངས་ཀྱི་ཟ་མ་ཏོག་ཅེས་བྱའོ། །སའི་བཅུད་འཕེལ་བར་བྱེད་པ་ཞེས་བྱའོ། །ཏིང་ངེ་འཛིན་གྱི་རྣལ་འབྱོར་སེམས་ཅན་ཡོངས་སུ་
D230.063.0297a04.01སྨིན་པར་བྱེད་པ་ཞེས་བྱའོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དཔལ་ལྷ་མོ་ཆེན་མོ་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རིའི་སྙིང་པོ་དང་། ཐམས་ཅད་དང་ལྡན་པའི་འཁོར་རྣམས། བཅོམ་ལྡན་འདས་ཀྱིས་
D230.063.0297a05.01གསུངས་པ་ལ་ཡི་རངས་ཏེ་མངོན་པར་བསྟོད་དོ།། །།འདུས་པ་ཆེན་པོ་ཐེག་པ་ཆེན་པོའི་མདོ་སྡེ་ལས་དེ་བཞིན་གཤེགས་པའི་དཔལ་གྱི་དམ་ཚིག་ཅེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་སརྦ་ཛྙཱ་དེ་བ་དང་། ཞུ་ཆེན་གྱི་ལོ་ཙཱ་བ་བན་
D230.063.0297a06.01དེ་དཔལ་བརྩེགས་ཀྱིས་བསྒྱུར་ཅིང་ཞུས་ནས་གཏན་ལ་ཕབ་པ།། །།ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་དྲཏ། ཏེ་ཥཱཉྩ་ཡོ་ནི་རོ་དྷ་ཨེ་བཾ་བཱ་དཱི་མ་ཧཱ་ཤྲ་མ་ཎཿ། མངྒ་ལཾ།། །།
D230.063.0297a07.01