完整藏文原文 · 德格版页 当前仅加载第 63 函德格 292b 版页；藏文 NFD、目录标记与异常页序保留在来源切片中，重复版页行以稳定序号区分。
བདུད་ཀྱི་བུ་དང་། བདུད་ཀྱི་འཁོར་གྱི་ཚོགས་གང་གིས་ཀྱང་གནོད་པར་བགྱི་བའམ། ཆུད་གཟོན་པའམ། ཚིག་པར་བགྱི་བའམ། བསྐམ་པའམ། མདངས་འཕྲོག་པའམ། མཐུ་ཆུང་བར་བགྱི་བའམ། མ་མཆིས་པར་བགྱི་བ་དག་ཏུ་རྔོ་མི་ཐོགས་ན་སེམས་ཅན་དང་།
D230.063.0292b01.01སེམས་ཅན་གྱི་གྲངས་སུ་གཏོགས་པ་གཞན་དག་གིས་ལྟ་སྨོས་ཀྱང་ཅི་འཚལ། དེ་ནས་བཅོམ་ལྡན་འདས་ཀྱིས་འཇམ་དཔལ་གཞོན་ནུར་གྱུར་པ་དེ་ལ་ལེགས་སོ་ཞེས་བྱ་བ་གནང་སྟེ། རིགས་ཀྱི་བུ་ཁྱོད་གླིང་བཞི་པ་འདིར་སྦྱིན་པ་ཆེན་པོའི་དཔལ་གྱི་ཤིང་རྟ་ལ་ཞོན་ནས། རིགས་
D230.063.0292b02.01ཀྱི་བུ་འདིར་བླ་ན་མེད་པའི་བྱང་ཆུབ་ཀྱི་ལམ་དུ་སེམས་ཅན་དཔག་ཏུ་མེད་པ་རྣམས་རྟོན་པར་བྱེད་པ་ནི་རིགས་ཀྱི་བུ་ཁྱོད་ལེགས་སོ་ལེགས་སོ། །དེ་ནས་དེ་ཉིད་དུ་བྱང་ཆུབ་སེམས་དཔའི་འཁོར་ཐམས་ཅད་ཀྱིས་ཀྱང་འཇམ་དཔལ་གཞོན་ནུར་གྱུར་པ་ལ་ལེགས་སོ་ཞེས་བྱ་བ་བྱིན་ཏེ། རིགས་ཀྱི་
D230.063.0292b03.01བུ་ཁྱོད་ཀྱིས་དེ་ལྟར་བྱས་པ་ནི་ལེགས་སོ་ལེགས་སོ། །དེའི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གིས་བྱང་ཆུབ་སེམས་དཔའ་བྱམས་པ་ལ་འདི་སྐད་ཅེས་སྨྲས་སོ། །བྱམས་པ་ཁྱོད་ལ་བདག་གིས་དཔལ་མེ་ཏོག་སར་པ་ཞེས་བྱ་བའི་
D230.063.0292b04.01གཟུངས་ཆེན་པོ་(སྒྱིན་,སྦྱིན་)གྱིས། གཟུངས་ཆེན་པོ་དེས་ན་རིགས་ཀྱི་བུ་ཁྱོད་ཀྱིས་བྱམས་པ་ཆེན་པོའི་གོ་བགོས་ནས། འདིར་སེམས་ཅན་རྣམས་ལ་ཚིག་གིས་ཆོས་སྟོན་ན་ཏིང་ངེ་འཛིན་གྱི་རྣམ་པར་འཕྲུལ་པའི་སྟོབས་བསྐྱེད་པའི་ཆོས་དེ་དག་སེམས་ཅན་གང་དག་གིས་ཐོས་པའི་
D230.063.0292b05.01སྡིག་པའི་སེམས་དང་། སྡིག་པའི་ལྟ་བ་དག་སྤོང་བར་བྱེད་དོ། །སྡིག་པའི་གྲོགས་པོ་དང་། སྡིག་པའི་བཤེས་གཉེན་དག་སྤོང་བར་བྱེད་དོ། །སེམས་ཀྱིས་བྱམས་པ་དང་། སྙིང་རྗེ་དང་། དགེ་བའི་རྩ་བ་དག་ཡིད་ལ་བྱེད་པར་འགྱུར་རོ། །སེམས་ཅན་ཐམས་
D230.063.0292b06.01ཅད་ལ་སྙིང་བརྩེ་བ་དང་། སེམས་འཇིག་རྟེན་ཕ་རོལ་ལ་ལྟ་བ་ཅན་དུ་འགྱུར་རོ། །སེམས་མི་དགེ་བ་བཅུའི་ལས་ཀྱི་ལམ་དག་ལས་ལྡོག་པར་འགྱུར་རོ། །སེམས་དགེ་བ་བཅུའི་ལས་ཀྱི་ལམ་དག་ལ་རྣམ་པར་གནས་པར་འགྱུར་རོ། །སེམས་སེམས་ཅན་
D230.063.0292b07.01