完整藏文原文 · 德格版页 当前仅加载第 63 函德格 277b 版页；藏文 NFD、目录标记与异常页序保留在来源切片中，重复版页行以稳定序号区分。
ས་ར་གུན་ཙི། དུང་གུང་། བ་ར་ཛ་བཻ་སྭཱ་ཧཱ། འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་ནི་དེ་ཡིན་ཏེ། གཟུངས་ཀྱི་སྙིང་པོ་འདིས་དེ་ལྟ་བུར་སེམས་ཅན་རྣམས་ཤིན་ཏུ་ཡོངས་སུ་སྨིན་པར་བྱེད་ནུས་སམ། རིགས་ཀྱི་བུ་དེར་བདག་གིས་ནི་དེ་བཞིན་གཤེགས་པ་དབང་པོའི་ཏོག་གི་
D230.063.0277b01.01རྒྱལ་མཚན་རྒྱལ་པོ་དེ་ལས་འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་འདི་མནོས་སོ། །མནོས་ནས་ཀྱང་དེ་བཞིན་གཤེགས་པ་དེ་ལ་བདག་གིས་མཆོད་པ་དང་། རིམ་གྲོ་རྣམ་པ་སྣ་ཚོགས་འདི་དག་བྱས་ཏེ། ཚུལ་ཁྲིམས་དང་། ཐོས་པ་དང་། བརྟུལ་ཞུགས་དག་ཀྱང་
D230.063.0277b02.01སྤྱད་དོ། །དེའི་འོག་ཏུ་ཡང་སངས་རྒྱས་ཁྲི་སྙེད་ལ་དེ་ལྟ་བུའི་སྨོན་ལམ་དག་བཏབ་པ་དེས་ན་བདག་གིས་ད་ལྟར་བསྐལ་པ་བཟང་པོ་འདི་ལ་དཔལ་ཆེན་པོའི་གོ་འཕང་ཐོབ་པ་ཡིན་ནོ། །ད་ལྟར་བདག་འདིར་དོན་ཆེན་པོ་དེ་ལྟ་བུ་བགྱིད་པའི་ཚེ་མི་ཉལ་བ་དེ་ཅིའི་སླད་དུ་ཞེ་ན། དེ་ཚུན་ཆད་ཀླུ་ཁྲོ་བོ་
D230.063.0277b03.01ཕལ་མོ་ཆེ་དག་བྱུང་བ་དང་། གནོད་སྦྱིན་དང་། སྲིན་པོ་དང་། ལྷ་མ་ཡིན་དང་། གྲུལ་བུམ་དང་། {ཡི་དགས་,ཡི་དྭགས་}དང་། ཤ་ཟ་མ་རུངས་པ་རྩུབ་པ། མ་དད་པ། སྙིང་རྗེ་མེད་པ། སྙིང་བརྩེ་བ་མེད་པར་ཞུགས་པ་ཕལ་མོ་ཆེ་དག་ལྷགས་པས་སྲོག་ཆགས་སུ་གྱུར་པ་རྣམས་ལ་གནོད་པ་དང་།
D230.063.0277b04.01ཡ་ང་བར་སྤྱོད་པ་དེ་དག་གིས་དུས་མ་ཡིན་པའི་རླུང་དང་། ཆར་མོ་ཆེ་དང་། ཐན་ཆེན་དང་། སེར་དྲག་འབེབས་པ་དང་། ཚ་བ་དང་། གྲང་བ་དག་འབྱིན་པར་བྱེད་དོ། །ཕྱི་དགྲ་དང་། ནང་འཁྲུག་དང་། ཕུང་བར་འགྱུར་བ་དང་། ཕས་ཀྱི་དམག་ཚོགས་ཀྱི་གནོད་པ་དང་། ཐབ་མོ་
D230.063.0277b05.01དང་། ཉི་མས་གདུངས་པ་དང་། རླུང་དམར་དག་གཏོང་བར་བྱེད་དོ། །དེ་དག་ཀྱང་སྔོན་གྱི་རྒྱལ་བས་བྱིན་གྱིས་མ་བརླབས་ལ། དེ་དག་འཇིག་རྟེན་ཕ་རོལ་ལ་ཡང་མི་ལྟ་བས་འབྱོར་བྱེད་ཆུ་ཁྱིམ་སྙིང་པོ་ཞེས་བྱ་བའི་གཟུངས་འདི་ལ་རི་མོ་མི་བྱེད་དེ། དེ་དག་སེམས་ཅན་རྣམས་ཀྱི་ས་
D230.063.0277b06.01བོན་དང་། མྱུ་གུ་དང་། འདབ་མ་དང་། མེ་ཏོག་དང་། འབྲས་བུ་དང་། རོ་དང་། འབྲུ་དང་། སྨན་དང་། ལོངས་སྤྱོད་དང་། ཉེ་བར་སྤྱོད་པ་དག་ཆུད་གཟོན་པར་བྱེད་དོ། །འཇིག་པར་བྱེད་དོ། །མདངས་འཕྲོག་པར་བྱེད་དོ། །དེ་དག་སའི་བཅུད་རྣམས་ལ་དབུགས་གཏོང་བར་བྱེད་
D230.063.0277b07.01