完整藏文原文 · 德格版页 当前仅加载第 63 函德格 295b 版页；藏文 NFD、目录标记与异常页序保留在来源切片中，重复版页行以稳定序号区分。
རོ། །གལ་ཏེ་དེ་དག་ཡུན་རིང་པོ་འདས་ནས་བརྒྱ་ལ་བརྒྱ་ལམ་ན་མིའི་ལུས་ཐོབ་ན་ཡང་ཁ་ཅིག་ནི་ཡན་ལག་ཉམས་པར་འགྱུར་རོ། །ཁ་ཅིག་ནི་དྲན་པ་ཉམས་པར་འགྱུར་རོ། །གདོལ་པའི་རིགས་སུ་ཡང་སྐྱེ་བར་འགྱུར་རོ། །གཡུང་པོའི་རིགས་དང་། སྨྱིག་མ་མཁན་གྱི་རིགས་
D230.063.0295b01.01དང་། བཀྲེན་པ་དབུལ་པོའི་རིགས་རྣམས་སུ་ཡང་སྐྱེ་བར་འགྱུར་རོ། །བཟའ་བ་དང་བཏུང་བའི་ལོངས་སྤྱོད་དང་། ཡོངས་སུ་སྤྱོད་པ་དག་དང་ཡང་བྲལ་བར་འགྱུར་ལ། ཡང་རྒྱུ་དེས་ན་དགེ་བའི་བཤེས་གཉེན་དང་བྲལ་ནས་ལུས་དང་། ངག་དང་། ཡིད་ཀྱི་ལས་ཀྱི་སྒྲིབ་
D230.063.0295b02.01པ་མི་བཟད་པ་དག་ཀུན་ཏུ་སྤྱོད་པར་བྱེད་དོ། །ཡང་ཁ་ཅིག་ངན་སོང་གསུམ་པོ་དང་། མནར་མེད་པ་དག་ཏུ་ཡང་གཞོལ་བར་འགྱུར་རོ། །རིགས་ཀྱི་བུ་དེ་ལྟར་ལོངས་སྤྱོད་དང་། ཉེ་བར་སྤྱོད་པ་དང་མི་ལྡན་པའི་སེམས་ཅན་རྣམས་འཁོར་བར་ཡུན་རིང་དུ་ཉམ་ཐག་པར་འགྱུར་རོ། །
D230.063.0295b03.01ངན་སོང་གསུམ་པོ་དག་ཏུ་སྡུག་བསྔལ་མི་བཟད་པ་སྣ་ཚོགས་དག་ཉམས་སུ་མྱོང་བར་འགྱུར་རོ། །གསོལ་པ། སྡུག་བསྔལ་གང་ཅུང་ཟད་ཅི་བྱུང་བ་ཐམས་ཅད་ནི་ཟས་ཀྱི་རྐྱེན་ལས་གྱུར་པ་ལགས་ཏེ། ཟས་མ་མཆིས་ན་སྡུག་བསྔལ་འབྱུང་བ་ཡང་མ་མཆིས་ལགས་
D230.063.0295b04.01སོ། །དེ་ནས་དེའི་ཚེ་བརྒྱ་བྱིན་གཟི་བརྗིད་དྲི་མ་མེད་པས་ཚིགས་སུ་བཅད་དེ་འདི་སྐད་ཅེས་གསོལ་ཏོ། །སྲེད་པའི་དུག་གིས་བསྒྱུར་བས་ན། །ངུ་བ་དང་ནི་དགོད་པར་བགྱིད། །ཉེ་བར་གནས་ཤིང་ལྟུང་བར་བགྱིད། །ཀུན་ཏུ་སྤྱོད་ཅིང་རྣམ་པར་རྒྱུག །ས་གཞི་དག་ལ་
D230.063.0295b05.01ཏིལ་བརྡུངས་ལྟར། །སྡུག་བསྔལ་འཁྲུལ་འཁོར་གནོད་པར་བགྱིད། །ལྷར་བཅས་འཇིག་རྟེན་ཐམས་ཅད་ལ། །དེ་ལྟར་སྲེད་པས་གནོད་པར་བགྱིད། །ཀྱེ་མ་སྲིད་པའི་ཞགས་པ་ཡིས། །སྲིད་པའི་རྩེ་མོའི་མཐར་གཏུགས་པས། །དེ་ལྟར་ཞགས་འདི་རྒྱ་ཆེ་བ། །
D230.063.0295b06.01ཁ་ཟས་དག་གི་རྒྱུ་ལས་བྱུང་། །སོ་སོའི་སྐྱེ་བོ་རྒྱུ་གཉིས་ཀྱི། །སྲེད་པའི་རྡུལ་གྱིས་ཡན་ལག་བཅིངས། །{རི་དགས་,རི་དྭགས་}ཞགས་པས་བཅིངས་པ་ལྟར། །འབྲོས་པ་དག་ཏུ་ནུས་མ་ལགས། །ལྷར་བཅས་འཇིག་རྟེན་སེམས་ཅན་དག །སྲེད་པས་གར་བགྱིད་རྩོལ་
D230.063.0295b07.01