完整藏文原文 · 德格版页 当前仅加载第 63 函德格 288b 版页；藏文 NFD、目录标记与异常页序保留在来源切片中，重复版页行以稳定序号区分。
མེ་གྷ་སང་ཀྲ་མེ། བྱ་པུ་ཊུ་ཀེ་ཤེ། དྲུ་མོ་དེ། མཱ་ཡེ་ཏ་ན་ཀུ་སེ། ཙ་ར་མ་ཧི་ཀེ །ཙ་ལང་གེ། ནཱ་ནཱ་དཏྟེ། ཀ་ཊུ་ཀ་ཏཱུ་ལེ་སྭཱ་ཧཱ། སྔར་ཇི་སྐད་གསུངས་པའི་བར་དུའོ། །དེའི་ཚེ་ཀླུའི་རྒྱལ་པོ་ཡིད་{བཟངས་,བཟང་}སྟན་ལས་ལངས་ཏེ། བཅོམ་ལྡན་འདས་ག་ལ་བ་དེ་ལོགས་སུ་ཐལ་མོ་སྦྱར་བ་
D230.063.0288b01.01བཏུད་ནས་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ལ་རྟེན་པའི་ཀླུ་དང་། ཀླུ་ཆེན་པོ་དེ་དག་ནི་སྒོ་ང་ལས་སྐྱེ་བ་དང་། མངལ་ནས་སྐྱེ་བ་དང་། དྲོད་གཤེར་ལས་སྐྱེ་བ་དང་། རྫུས་ཏེ་སྐྱེ་བ་དག་ལགས་སོ། །བཙུན་པ་བཅོམ་ལྡན་འདས་ད་ལྟར་དང་མ་འོངས་
D230.063.0288b02.01པའི་དུས་སུ་རྒྱལ་རིགས་གདོལ་པ་དེ་དག་གིས་རྒྱལ་རིགས་ཀྱི་ཆོས་སྤངས་ནས་དམངས་རིགས་ཀྱི་ཆོས་རྣམས་སྤྱོད་པར་བགྱིད་དེ། སེམས་ཅན་དམྱལ་བ་མནར་མ་མཆིས་པའི་བར་དག་ལ་གཞོལ་བ་ལགས་སོ། །རྒྱལ་རིགས་གདོལ་པ་དེ་དག་གི་སྐྱོན་གྱིས་ཀླུ་རྣམས་མ་
D230.063.0288b03.01ནོངས་བཞིན་དུ་གྲགས་པ་མ་ལགས་པས་གོས་པར་འགྱུར་ལགས་སོ། །རྒྱུ་དེས་ན་ཀླུ་རྣམས་ལས་ཀྱི་སྒྲིབ་པ་དག་བགྱིད་པར་འགྱུར་ལགས་སོ། །དེ་ལྟ་ལགས་པས་བདག་ཅག་གིས་ནི་བཅོམ་ལྡན་འདས་ཀྱི་བཀའ་ལ་བཀུར་སྟི་བགྱི་ཞིང་གཟུང་བར་བགྱི་སྟེ། དཔེར་
D230.063.0288b04.01བགྱི་ན་འཁོར་ལོས་སྒྱུར་བའི་རྒྱལ་པོ་དེས་ཡུལ་གྱི་བུད་མེད་བཟང་མོ་ཁྲུས་ལེགས་པར་བགྱིས་ཏེ་སྤོས་ཀྱིས་བྱུགས་ནས་གོས་མཆོག་ཏུ་བཟང་བ་བསྐོན་ཏེ། ཡན་ལག་གི་དམ་པ་མགོ་བོ་ལ་རིན་པོ་ཆེ་སྣ་བདུན་ལས་གྲུབ་པའི་ཕྲེང་བ་མང་པོ་དག་བཏགས་ཤིང་དཔུང་རྒྱན་དང་།
D230.063.0288b05.01གསེར་སྐུད་དང་། སོར་གདུབ་དང་། ལག་རྒྱན་དང་། རྐང་རྒྱན་དག་གིས་བརྒྱན་ནས་གླང་པོ་ཆེའི་བཞོན་པ་ལ་བསྐྱོན་ཏེ། འཁོར་ཕལ་མོ་ཆེ་དང་ལྷན་ཅིག་ཁྲིད་པ་དེ་བཞིན་དུ་ད་ལྟར་འཁོར་ལོས་སྒྱུར་བའི་རྒྱལ་པོ་ཆོས་དང་ལྡན་པ། དེ་བཞིན་གཤེགས་པས་ཀྱང་
D230.063.0288b06.01བདག་ཅག་ཀླུ་རྣམས་དུད་འགྲོའི་སྐྱེ་གནས་སུ་བསྡུས་པའི་ལུས་མ་སྣད་མ་ཉམས་ལ། མཆོག་ཏུ་ཁྲོ་བ་དང་། ང་རྒྱལ་དང་། དྲེགས་པའི་དྲི་མས་བསྒོས་པ། བདག་ཅག་ཀླུ་ཐམས་ཅད་རྒྱགས་པས་མྱོས་པ་མ་མཆིས་པའི་ཆོས་ཀྱི་ཆུས་བཀྲུས་ལགས་སོ། །
D230.063.0288b07.01