完整藏文原文 · 德格版页 当前仅加载第 63 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
བུ་དེའི་ཚེ་བདག་གིས་དེ་བཞིན་གཤེགས་པ་དབང་པོའི་ཏོག་གི་རྒྱལ་མཚན་རྒྱལ་པོའི་སྤྱན་སྔར་འདི་ལྟ་བུར་དམ་བཅས་ཏེ། བདག་ཡུན་ཇི་སྲིད་དུ་འཁོར་བ་ན་འཁོར་བ་དེ་སྲིད་ཀྱི་བར་དུ་བརྟུལ་ཞུགས་དང་། དཀའ་ཐུབ་དང་། དཀའ་བ་སྤྱད་པ་དང་། སྦྱིན་པ་དང་། དུལ་བ་དང་། སྡོམ་
D230.063.0276b01.01པ་དང་། བསམ་གཏན་དང་། ཐོས་པ་དང་། གཏོང་བ་དང་། ཞལ་ཏ་སྣ་ཚོགས་དག་ལ་གོམས་པར་བགྱིའོ། །དཀའ་བ་སྤྱད་པ་དང་། ཡོངས་སུ་གཏོང་བ་རྣམ་པ་སྣ་ཚོགས་དག་ལ་གོམས་པར་བགྱིའོ། །གང་གི་ཚེ་སྐྱེ་དགུའི་ཚེ་ལོ་བརྒྱ་པའི་ཚེ་ཉོན་མོངས་པ་དང་། ཉོན་མོངས་
D230.063.0276b02.01པའི་རྙོག་པ་དག་གིས་ཀུན་ཏུ་རྨོངས་པར་གྱུར་པའི་ཞིང་དག་ཏུ་བདག་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་བའི་ཞིང་དེར་བདག་གིས་ཀྱང་དཔལ་གྱི་གོ་འཕང་གི་བདག་པོ་བླ་ན་མེད་པ་དག་བསྟན་པར་བགྱིའོ། །དེའི་བསྟན་པ་ལ་བཟའ་བ་དང་།
D230.063.0276b03.01བཏུང་བའི་ཡོ་བྱད་བླ་ན་མེད་པའི་སྦྱིན་པ་པོར་འགྱུར་བར་བགྱིའོ། །དེ་ན་དེ་བཞིན་གཤེགས་པ་ཤཱཀྱ་ཐུབ་པ་འཁོར་དང་བཅས་པ་དག་ལ་བདག་གིས་ཞལ་ཟས་དང་། བཏུང་བ་སྣ་ཚོགས་དག་གིས་རིམ་གྲོ་བགྱིའོ། །དེར་དེ་བཞིན་གཤེགས་པ་ཤཱཀྱ་ཐུབ་པས་མངོན་སུམ་དུ་བདག་
D230.063.0276b04.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་ཐོབ་པར་བགྱིའོ། །དེར་སེམས་ཅན་གང་དག་མ་རུངས་པ། རྩུབ་པ། སྙིང་མི་བརྩེ་བ། བྱས་པ་མི་གཟོ་བ། མི་མཉམ་པ། ཡང་བར་སྤྱོད་པ། སྡིག་པའི་སེམས་དང་ལྡན་པ་དག་འབྱུང་བར་འགྱུར་བ་དེ་དག་
D230.063.0276b05.01གིས་དུས་མ་ཡིན་པའི་རྫི་ཆར་དང་། ཚ་བ་དང་། གྲང་བ་དང་། ཆར་མོ་ཆེ་དག་འབེབས་པར་བྱེད་པས་གང་དག་སེམས་ཅན་རྣམས་ཀྱི་འབྲུ་དང་། འབྲས་བུ་དང་། ལོ་ཏོག་དང་། སྨན་དང་། ལྗོན་ཤིང་དང་། རོ་དག་མ་རུང་བར་བྱེད་པ། མདངས་འཕྲོག་པ། སེམས་ཅན་
D230.063.0276b06.01རྣམས་ཀྱི་ལོངས་སྤྱོད་དང་། ཡོངས་སུ་སྤྱོད་པ་དག་ཆུད་གཟོན་པར་བྱེད་པ། མུན་གནག་ཏུ་བྱེད་པ་དེ་དག་ཐམས་ཅད་བདག་གིས་བསོད་ནམས་ཀྱི་མཐུ་དང་ཤེས་རབ་ཀྱི་སྟོབས་ཀྱིས་བཟློག་པར་བགྱིའོ། །དད་པར་བགྱིའོ།། །།བམ་པོ་གཉིས་པ། གང་གི་
D230.063.0276b07.01