完整藏文原文 · 德格版页 当前仅加载第 63 函德格 291a 版页；藏文 NFD、目录标记与异常页序保留在来源切片中，重复版页行以稳定序号区分。
ནངྒ་ལ་སཱུ་རྱེ། བྷ་ག་བ་རི་ཎེ། ཨན་དྷརྦ་ཨུ་རེ། ཀ་ར་ཧྲུ་ཛེ། ཀེ་ཤ་ལོ་ཧི། ས་མཱ་དྷི་དྷུ་རེ་སྭཱ་ཧཱ། དེ་ནས་དེ་ཉིད་དུ་བཅོམ་ལྡན་འདས་ཀྱིས་ལེགས་སོ་ཞེས་བྱ་བ་གནང་ངོ་། །ཐམས་ཅད་དང་ལྡན་པའི་འཁོར་དེས་ཀྱང་ལེགས་སོ་ཞེས་བྱ་བ་བྱིན་ནོ། །དེའི་ཚེ་བྱང་ཆུབ་
D230.063.0291a01.01སེམས་དཔའ་སེམས་དཔའ་ཆེན་པོ་བློ་གྲོས་མི་ཟད་པས་འདི་སྐད་ཅེས་གསོལ་ཏོ། །བདག་གིས་དེ་བཞིན་གཤེགས་པ་ཐམས་ཅད་ཀྱི་གསུང་དབྱངས་དང་། སྒྲ་བརྗོད་པར་བགྱིད་པ། གདུགས་དང་རྒྱལ་མཚན་གྱི་སྨོན་ལམ་གྱི་ཚུལ་ཞེས་བགྱི་བའི་གཟུངས་ཆེན་པོ་དེ་བཤད་
D230.063.0291a02.01པར་འཚལ་གྱིས། བཅོམ་ལྡན་འདས་དེ་བཞིན་གཤེགས་པ་འཁོར་དང་བཅས་པ་རྣམས་བདག་ལ་རྗེས་སུ་ཡི་རང་བར་མཛད་དུ་གསོལ། དེ་ནི་མཐུ་ཆེ་ཞིང་སྟོབས་ཆེ་ལ་ཕ་རོལ་གནོན་པ་སྣང་བར་བགྱིད་པ་ཆེན་པོ་ལགས་ཏེ། བཅོམ་ལྡན་འདས་ཀྱི་ཉན་ཐོས་རྣམས་ཀྱི་ཐོས་པ་
D230.063.0291a03.01ཡོངས་སུ་རྫོགས་པར་བགྱིད་པའི་གཏེར་དང་། ཡེ་ཤེས་ཡོངས་སུ་རྫོགས་པར་བགྱིད་པའི་གཏེར་དུ་འགྱུར་བ་ལགས་སོ། །བཙུན་པ་བཅོམ་ལྡན་འདས་བཅོམ་ལྡན་འདས་ཀྱི་སླད་དུ་ཇི་སྲིད་འཚོའི་བར་དུ་སྡོམ་པ་ལ་གནས་པ་འདི་ལྟ་སྟེ། དགེ་བསྙེན་གྱི་སྡོམ་པ་དང་། དགེ་
D230.063.0291a04.01སྦྱོང་གི་སྡོམ་པ་དང་། བསྙེན་པར་རྫོགས་པའི་སྡོམ་པ་ལ་གནས་པ་སྣོད་དུ་གྱུར་པ་དང་། སྣོད་དུ་མ་གྱུར་པ་དག་གིས་གདུགས་དང་། རྒྱལ་མཚན་གྱི་སྨོན་ལམ་གྱི་ཚུལ་ཞེས་བགྱི་བའི་གཟུངས་ཆེན་པོ་འདི་ལྷག་མཐོང་གི་སྦྱོར་བས་ཉིན་མཚན་བདུན་གྱི་བར་དུ་ཀློག་ན་ཕྱིར་ཞིང་
D230.063.0291a05.01ཉེ་བར་ལེན་པའི་ཕུང་པོ་ལྔ་པོ་དག་ལ་རྟོག་པར་འགྱུར་རོ། །ཉིན་མཚན་བདུན་འདས་ནས་གདུགས་དང་རྒྱལ་མཚན་གྱི་སྨོན་ལམ་ཞེས་བགྱི་བའི་གཟུངས་ཆེན་པོ་ལན་འབུམ་སྙེད་དུ་ཡང་དང་ཡང་དྲན་པར་བགྱིད་པ་དེ་ནི་རྒྱལ་རིགས་རྣམས་དང་། བྲམ་ཟེའི་རིགས་རྣམས་དང་།
D230.063.0291a06.01རྗེའུ་རིགས་རྣམས་དང་། དམངས་རིགས་རྣམས་དད་པར་བགྱིད་པ་ནས་སེམས་ཅན་ཐམས་ཅད་ཀྱི་བར་དུ་ཤིན་ཏུ་མངོན་པར་དད་པར་བགྱིད་པ་ལགས་སོ། །ཐམས་ཅད་ལོངས་སྤྱོད་པ་དང་། ཡོངས་སུ་སྤྱོད་པ་རྒྱ་ཆེན་པོ་མཆོག་དང་མི་འབྲལ་ཞིང་མཐོ་རིས་ལ་གཞོལ་བར་
D230.063.0291a07.01