完整藏文原文 · 德格版页 当前仅加载第 80 函德格 38b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་དེ་སངས་རྒྱས་ཐམས་ཅད་ཉིད། །རྡོ་རྗེ་སེམས་དཔའི་ཕྱག་ན་གནས། །རྡོ་རྗེ་སྙིང་པོ་བརྟུལ་ཞུགས་བརྟན། །ཁྱོད་ཀྱིས་ཀྱང་ནི་རྟག་ཏུ་ཟུང་། །ཨོཾ་སརྦ་ཏ་ཐཱ་ག་ཏ་སིདྡྷི་བཛྲ་ས་མ་ཡ་ཏིཥྛ་ས་མ་ཡ་སྟཾ་ཨེ་ཥོ་ཧྃ་ཏྭ་དྷ་ར་ཡཱ་མི་ཧཱི་ཧི་ཧི་ཧི་ཧི་ཧི་ཧཱུྃ། ཀུན་ཀྱང་ཆོ་ག་གཅིག་པ་ཡིས། །རྟག་ཏུ་བླ་མེད་
D419.080.0038b01.01མཆོད་པས་ནི། །སློབ་མ་རྡོ་རྗེ་བརྟུལ་ཞུགས་སྦྱིན། །ཕྱིས་ནི་རྡོ་རྗེ་ལག་ནས་ལག །སེམས་དཔའ་ཐོག་མ་ཐ་མ་མེད། །རྡོ་རྗེ་སེམས་དཔའ་དགའ་ཆེན་པོ། །ཀུན་ཏུ་བཟང་པོ་ཀུན་གྱི་བདག །རྡོ་རྗེ་སྙིང་པོའི་བདག་པོའི་བདག །ཡང་ན་དེ་རིང་དྲིལ་བུ་སྦྱིན། །ཤེས་རབ་ཕ་རོལ་
D419.080.0038b02.01ཕྱིན་སྐྱེས་པའི། །རྡོ་རྗེ་དྲིལ་བུ་ཞེས་བྱ་བ། །སེམས་ཅན་ཀུན་གྱི་དོན་གྱི་ཕྱིར། །འདི་དེ་སངས་རྒྱས་ཐམས་ཅད་ཀྱི། །ཤེས་རབ་དབྱངས་ཀྱི་རྗེས་འགྲོར་བརྗོད། །རྒྱལ་བས་བྱང་ཆུབ་མཆོག་བརྗོད་པ། །ཁྱོད་ཀྱིས་ཀྱང་ནི་རྟག་ཏུ་བཟུང་། །དབུགས་འབྱིན་ཐམས་ཅད་བྱིན་ནས་ནི། །ཤཱཀྱ་
D419.080.0038b03.01ཐུབ་པར་རང་གྱུར་པས། །སློབ་མ་ཆེན་པོ་ལུང་བསྟན་ཏེ། །སངས་རྒྱས་ཉིད་དུ་ཐེ་ཚོམ་མེད། །ཁྱོད་ནི་འཆི་འཇིགས་མྱ་ངན་མེད། །དེ་བཞིན་ནད་དང་ཚབ་མེད། །བདེ་ཆེན་ཐེག་པ་ཆེན་པོ་ནི། །འདི་ལས་ང་ཡིས་ལུང་བསྟན་བུ། །ཨོཾ་ཨེ་ཥོ་ཧྃ་བྱཱ་ཀ་རོ་མི་ཏྭྃ་བཛྲ་སཏྭ་ཏ་ཐཱ་ག་ཏ། སྲིད་
D419.080.0038b04.01པའི་ངན་འགྲོ་ལས་བསྒྲལ་ཏེ། །ཤིན་ཏུ་སྲིད་པའི་དངོས་གྲུབ་ཕྱིར། །ཀྱེ་འགྲུབ་འགྱུར་དེ་བཞིན་གཤེགས་པ་ཡི། །མིང་ནི་རྡོ་རྗེ་ཞེས་བྱར་འགྱུར། །དེ་ལྟར་བཅོམ་ལྡན་འདས་ཀྱིས་རིག་མ་ཆེན་མོའི་དབང་གི་དམ་ཚིག་བཀའ་སྩལ་ཏོ། །དེ་ནས་བཅོམ་ལྡན་འདས་རྡོ་རྗེ་ཆེན་པོ་ཏིང་ངེ་འཛིན་
D419.080.0038b05.01རྡོ་རྗེ་སྟོན་པ་པོས། དམ་ཚིག་རྡོ་རྗེ་ཞེས་བྱ་བ་བཏོན་ཏེ། ཚིག་འདི་སྐད་བཀའ་སྩལ་པ། བླ་མ་རྡོ་རྗེ་རྣམས་མཆོད་ཅིང་། །བདུན་པོ་རྣམ་པར་དག་པར་བྱ། །བྱང་ཆུབ་སེམས་ནི་བསྐྱེད་ནས་སུ། །ཆོས་ཀྱི་འབྱུང་གནས་རྣམ་པར་བསྒོམ། །དེ་ལ་སངས་རྒྱས་གནས་པས་མས་ནས། །རྣམ་
D419.080.0038b06.01པ་ལྔ་ནི་བསྒོམ་པར་བྱ། །དང་པོ་སྐྱེས་བུ་བསམ་དེ་ནས། །མཁའ་འགྲོ་མ་ཡི་འཁོར་ལོ་སྤྲོ། །དྲི་ཟ་མཉམ་པར་ཞུགས་པ་ནི། །ཁུ་བར་རྗེས་སུ་དྲན་པར་བྱ། །མཚམས་ཀྱི་ལྷ་མོས་བསྐུལ་བར་བྱ། །འཁོར་ལོའི་འདྲེན་པ་བསྐུལ་ནས་ནི། །མིག་ལ་སོགས་པ་གཏི་མུག་སོགས། །རྡོ་རྗེ་གསུམ་
D419.080.0038b07.01