完整藏文原文 · 德格版页 当前仅加载第 80 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
བསྒོམ་པ་དང་ནི་སྔགས་ཉིད་དང་། །སྐད་ཅིག་སངས་རྒྱས་རྣམ་སྣང་མཛད། །སྤྱན་གྱིས་འཕྲག་ནས་འཁྱུད་པའོ། །སྐད་ཅིག་ལ་ནི་གཉིས་མེད་ལྡན། །དགའ་བ་ཆེན་པོ་མཆོག་ཏུ་དགའ། །རྡོ་རྗེ་འཛིན་རྒྱལ་སྐད་ཅིག་གིས། །མཱ་མ་ཀཱི་དང་བདེ་བ་སྡོམ། །རྡོ་རྗེ་པདྨའི་རྩེ་མཆོད་པས། །སྐད་ཅིག་
D419.080.0064a01.01གིས་ནི་གཉིས་མེད་ལྡན། །རྡོ་རྗེ་པདྨ་རབ་སྦྱར་བས། །རྡོ་རྗེ་གུས་པའི་ཕ་རོལ་སོན། །རྡོ་རྗེ་པདྨ་མཆོད་བྱ་ཞིང་། །པདྨའི་འདོད་པ་སྤང་བར་བྱ། །བདག་ཉིད་རང་བདག་བསམས་ནས་ནི། །རྡོ་རྗེ་པདྨ་རབ་སྦྱོར་བས། །རྡོ་རྗེ་བུ་མོ་ཆེར་གྲགས་པ། །རྡོ་རྗེ་ནག་པོ་ལྟ་བུ་མཆོད། །རང་རིག་སྐྱེས་བུ་བསམས་ནས་ནི། །རྡོ་
D419.080.0064a02.01རྗེ་པདྨའི་རྩེ་མཆོད་པས། །བུ་མོ་དེ་བཞིན་གཤེགས་མ་མཆོག །ཕྱག་རྒྱའི་དངོས་གྲུབ་དོན་དུ་མཆོད། །རང་གི་རིག་མ་སྐྱེས་བུ་བསམ། །རྡོ་རྗེ་པདྨའི་རྩེ་མཆོད་པས། །གདོལ་པ་ཆེན་པོ་ལས་བྱུང་བ། །ཕྱག་རྒྱའི་དངོས་གྲུབ་དོན་དུ་མཆོད། །ཕྱག་རྒྱ་ཆེན་པོ་རབ་བསྒྲུབ་པ། །རྣམ་པར་རྒྱལ་བའི་སྟོབས་
D419.080.0064a03.01རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །ཉི་མ་གཅིག་གིས་འགྲུབ་པར་འགྱུར། །ཉི་མ་གཉིས་ཀྱི་ཆོ་ག་དང་། །ཉི་མ་གསུམ་གྱི་སྦྱོར་བ་དང་། །དེ་བཞིན་དུ་ནི་ཉི་མ་བཞི། །ཉི་མ་ལྔ་པའི་སྦྱོར་བ་ཡིས། །འགྲུབ་འགྱུར་འདི་ལ་ཐེ་ཚོམ་མེད། །མེ་ཏོག་ལ་སོགས་མཆོད་བྱས་ནས། །བསམ་གཏན་གནས་སུ་
D419.080.0064a04.01འདུག་པ་དང་། །ཕྱག་རྒྱ་ལྷན་ཅིག་ཞུགས་ནས་ནི། །རྡོ་རྗེ་སྦྱོར་བ་ཡང་དག་བརྩམ། །རྡོ་རྗེ་ཉི་མ་ནུབ་པ་ན། །སྦྱོར་བ་འདི་ནི་ཡང་དག་བརྩམ། །ཉི་མ་ཤར་པའི་དུས་སུ་ནི། །འགྲུབ་འགྱུར་འདི་ལ་ཐེ་ཚོམ་མེད། །འདོད་ཆགས་ཆེན་པོས་རྗེས་ཆགས་པས། །འདོད་ཆགས་ཆེན་པོའི་རང་བཞིན་ལས། །ཆགས་
D419.080.0064a05.01ཆེན་ཏིང་འཛིན་གནས་ནས་ནི། །ཕྱག་རྒྱ་ཆེན་པོ་རབ་བསྒྲུབ་པ། །ཤིན་ཏུ་དགའ་བ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །པདྨར་རྡོ་རྗེ་ཅན་བཅུག་ནས། །རང་གི་རིག་མ་བདག་མར་བྱས། །དེ་དང་ལྷན་ཅིག་འགྲུབ་པར་འགྱུར། །འདི་ནི་ཕྱག་རྒྱ་ཆེན་པོར་བརྗོད། །མི་ཡི་ཕྱག་རྒྱ་བླངས་ནས་ནི། །དེ་ལ་འཁོར་
D419.080.0064a06.01ལོ་རབ་ཏུ་དབྱེ། །དྲི་དང་མེ་ཏོག་མཐུན་བྱས་ནས། །འཁོར་ལོ་གོམས་པར་ཡང་དག་བརྩམ། །སྤྱན་དང་བདག་མ་སྒྲོལ་མ་དང་། །དཀར་མོ་ཤིན་ཏུ་ཡིད་འཕྲོག་མ། །མེ་ཏོག་དྲི་ཡིས་མཐུན་བྱས་ནས། །རྡོ་རྗེ་མཆོད་པ་ཡང་དག་བརྩམ། །སྔགས་པས་ཕན་པར་འགྲུབ་འགྱུར་ཞིང་། །ཕྱག་ན་རྡོ་
D419.080.0064a07.01