完整藏文原文 · 德格版页 当前仅加载第 80 函德格 52a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཟླ་མཛེས་དྲི་མ་མེད། །དང་པོ་དམར་པོ་ཤེས་པར་བྱ། །ལྷག་མའི་ཞལ་ནི་བུང་བ་མཚུངས། །ཞལ་བརྒྱད་པ་ལ་ཞབས་བཞི་པ། །རྡོ་རྗེ་ཆོས་ནི་གཟི་བརྗིད་ཆེ། །འདོད་ཆགས་ཆེན་པོའི་རྗེས་ཆགས་པས། །བདུད་བཞི་མཉམ་པར་མནན་པའོ། །མ་མོའི་
D419.080.0052a01.01དཀྱིལ་འཁོར་དབུས་གནས་པར། །རྡོ་རྗེ་རྣམ་སྣང་དྲན་པར་བྱ། །དབུ་རྒྱན་རྡོ་རྗེ་འཛིན་པ་བསམ། །སྐུ་མདོག་དཀར་པོ་གཟི་བརྗིད་ཆེ། །ཕྱག་ནི་བཅུ་དྲུག་ཞལ་བརྒྱད་པ། །ཞབས་བཞི་པ་སྟེ་འཇིགས་པ་པོ། །ཆོས་ཀྱི་འཁོར་ལོ་སྤྱི་བོར་འཛིན། །འདོད་ཆགས་ཆེན་པོའི་རྗེས་ཆགས་པ། །
D419.080.0052a02.01སྤྱན་དང་གཉིས་མེད་སྦྱོར་བ་ཡིས། །འཇིགས་པ་ཡང་ནི་འཇིགས་པར་མཛད། །དང་པོའི་ཞལ་ནི་དཀར་པོ་སྟེ། །ནག་པོ་དམར་པོས་རྣམ་པར་བརྒྱན། །ལྷག་མའི་ཞལ་ནི་བུང་བ་མཚུངས། །མ་མོའི་དཀྱིལ་འཁོར་དབུས་གནས་པར། །རྡོ་རྗེ་ཉི་མ་རྣམ་པར་བསྒོམ། །ཅོད་པན་རིན་ཆེན་
D419.080.0052a03.01འཛིན་པར་བསམ། །རྡོ་རྗེ་གཟི་བརྗིད་འོད་པོ་ཆེ། །ཕྱག་ནི་བཅུ་དྲུག་ཞལ་བརྒྱད་པ། །ཞབས་བཞི་བ་སྟེ་འཇིགས་པ་པོ། །སེམས་ཀྱི་རིན་ཆེན་སྤྱི་བོར་འཛིན། །བཙོ་མ་གསེར་ལྟར་གཟི་བརྗིད་ཆེ། །དང་པོའི་ཞལ་ནི་སེར་པོ་སྟེ། །གཡས་པ་སྔོན་པོ་འདྲ་བའོ། །གཡོན་པ་ཟླ་འོད་
D419.080.0052a04.01བཟང་པོ་སྟེ། །ལྷག་མའི་ཞལ་ནི་བུང་བ་མཚུངས། །མ་མོའི་དཀྱིལ་འཁོར་དབུས་གནས་པར། །རྟ་མཆོག་རྣམ་པར་བསྒོམ་པར་བྱ། །དབུ་རྒྱན་རལ་གྲི་འཛིན་པར་བསམ། །མ་རྒད་ཨུཏྤལ་མཚུངས་པའོ། །ཞལ་བརྒྱད་པ་ལ་ཞབས་བཞི་བ། །བཅུ་དྲུག་ཕྱག་གིས་རྣམ་པར་བརྒྱན། །
D419.080.0052a05.01དང་པོའི་ཞལ་ནི་སྔོ་བསངས་ཏེ། །རྟ་ཡི་གཟུགས་ཏེ་འཇིགས་པ་པོ། །གཡས་པ་ཁ་དོག་ནག་པོ་སྟེ། །གཡོན་པ་ཟླ་མཛེས་དྲི་མ་མེད། །རལ་གྲི་དངོས་གྲུབ་སྤྱི་བོར་འཛིན། །ལྷག་མའི་ཞལ་ནི་བུང་བ་མཚུངས། །རྡོ་རྗེ་ཉི་མ་རྟ་ཉིད་ཀྱི། །ཕྱག་རྒྱ་འདི་ནི་སྒྲོལ་མའི་གཟུགས། །ལྷ་མོ་རྣམས་ཀྱི་ཕྱག་
D419.080.0052a06.01གཉིས་བརྗོད། །གྲི་གུག་དང་ནི་ཐོད་པ་འཛིན། །ཀྱེ་རྡོ་རྗེ་ལ་དཀྱིལ་འཁོར་མཆོག །རལ་གྲི་དག་ནི་རྟག་པ་ཉིད། །ཕན་པར་མེ་ལོང་དེ་བཞིན་ནོ། །རྟ་མགྲིན་ལ་ནི་གོས་བཟང་སྟེ། །རྡོ་རྗེ་ཉི་མ་ལ་ནི་གསེར། །རྟ་མཆོག་ལ་ནི་འགྲོ་མགྱོགས་ཏེ། །མཆོག་ཏུ་ཕན་པ་ཉིད་ཀྱི་ཡོན། །སངས་རྒྱས་འབྲས་བུ་
D419.080.0052a07.01