完整藏文原文 · 德格版页 当前仅加载第 80 函德格 49b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མངོན་དགའ་ཞིང་། །རྟག་ཏུ་འཁོར་བའི་ཕ་རོལ་འགྲོ། །རྡོ་རྗེ་མཁའ་འགྲོའི་བཀའ་ཇི་བཞིན། །འདི་རྣམས་བླ་མེད་མཆོད་པའོ། །མེ་ཏོག་སྤོས་སོགས་མངོན་སུམ་དུ། །འཇིག་རྟེན་སྤྱོད་པར་གནས་པ་ཡིས། །སྣ་ཚོགས་མཆོད་པ་མཆོག་ཉིད་མིན། །དེ་ཉིད་བྱང་ཆུབ་ཡན་ལག་
D419.080.0049b01.01མིན། །དཀར་པོ་ཞི་བར་བྱེད་པར་བརྗོད། །སེར་པོ་རྒྱས་པའི་སྒྲུབ་ཐབས་ལ། །དབང་དང་དགུག་པར་དམར་པོ་སྟེ། །ཐ་མའི་ལས་ལ་ནག་པོའོ། །ཞི་བ་ལ་ནི་མེ་ཏོག་དཀར། །སེར་པོ་རྒྱས་པའི་རྡོ་རྗེ་ལ། །མེ་ཏོག་ནག་པོ་ཐ་མ་ལ། །དབང་དང་དགུག་ལ་དམར་པོ་བཟང་། །རྣལ་འབྱོར་
D419.080.0049b02.01པ་གང་དབང་བསྐུར་མེད། །དཀྱིལ་འཁོར་དུ་ནི་མ་ཞུགས་དང་། །གང་ཞིག་རབ་གནས་མ་མཐོང་དང་། །གང་ཞིག་སྦྱིན་སྲེག་མ་བྱས་པ། །འཇིག་རྟེན་འདི་དང་ཕ་རོལ་དུ། །དེ་ཡི་དངོས་གྲུབ་མཆོག་ཉིད་མེད། །གང་གིས་སློབ་དཔོན་གསོལ་མ་བཏབ། །འདིར་ནི་རིགས་སུ་སྐྱེ་བ་མེད། །
D419.080.0049b03.01སངས་རྒྱས་ཐམས་ཅད་བསྒོམ་པར་བྱ། །གང་གིས་བྱང་ཆུབ་མ་ཐོབ་ནའང་། །འཁོར་ལོས་སྒྱུར་བའི་གནས་སུ་དེའི། །སྐྱེ་ཞིང་སྐྱེ་བར་སྐྱེ་བར་འགྱུར། །ཡང་ན་ས་ཡི་བདག་པོ་ཉིད། །དག་པའི་གནས་སུ་མངོན་པར་འགྲོ། །བདེ་བ་ཅན་དང་མཁའ་འགྲོ་དང་། །དགའ་ལྡན་དུ་ནི་བློ་ལྡན་
D419.080.0049b04.01སྐྱེ། །འཇིག་རྟེན་འདིར་ནི་གང་འགྲུབ་པ། །སངས་རྒྱས་དེ་ནི་ཅི་ཞིག་སྨོས། །ཁམས་གསུམ་བདག་པོ་ཆེན་པོ་ཉིད། །འཆི་མེད་རྒས་པས་ཁྱབ་པ་མེད། །ཚངས་པ་བརྒྱ་བྱིན་དེ་བཞིན་དྲག །སྒྲ་གཅན་མེད་དང་རླུང་དང་ནི། །འདོད་པའི་ལྷ་དང་ཐོང་ལྡན་ཉིད། །འདི་རྣམས་དེ་ཡི་འཁོར་དུ་འགྱུར། །
D419.080.0049b05.01ལྷ་ཀླུ་དེ་བཞིན་གནོད་སྦྱིན་དང་། །དྲི་ཟ་ལྷ་མ་ཡིན་དང་མི། །མིའམ་ཅི་དང་མཁའ་སྤྱོད་གང་། །དེ་རྣམས་འཁོར་འགྱུར་ཐེ་ཙོམ་མེད། །འདི་ནི་རང་བྱུང་བཅོམ་ལྡན་འདས། །ཆོས་ཀྱི་འཁོར་ལོ་བསྐོར་བ་དང་། །འཁྲུངས་དང་བྱང་ཆུབ་བྱེད་པ་དང་། །དེ་བཞིན་དུ་ནི་ལྷར་གཤེགས་དང་། །ཁྱིམ་
D419.080.0049b06.01ནས་འབྱུང་བར་བྱེད་པ་དང་། །རབ་ཏུ་བྱུང་བ་འཛིན་པ་དང་། །སྐྱེ་བ་ཡོངས་སུ་ལེན་པ་དང་། །ཡོངས་སུ་མྱ་ངན་འདས་པ་སྟོན། །འདུལ་བའི་འཇིག་རྟེན་མཐོང་ནས་ནི། །འདི་ནི་གཟུགས་ནི་དུ་མ་བྱེད། །སངས་རྒྱས་སེམས་ཅན་སྐྱབས་བཞེད་པས། །སངས་རྒྱས་གར་ནི་རོལ་པ་མཛད། །རི་བོང་
D419.080.0049b07.01