完整藏文原文 · 德格版页 当前仅加载第 80 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་གསོལ་བ་གདབ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །རིག་མའི་སྐྱེས་བུ་དབང་ཆེན་ལ། །ཅོད་པན་རང་གི་ལྷག་པའི་ལྷ། །དེས་ནི་དཀྱིལ་འཁོར་དབང་དང་ནི། །བསྟོད་དང་མཆོད་པ་ལ་སོགས་བྱ། །ཡེ་ཤེས་གཞུག་པ་དེ་བཞིན་ཡང་། །ལྕེ་ཡིས་རྡོ་རྗེ་བདུད་རྩི་མྱང་། །ནང་དུ་བརྗོད་
D419.080.0054b01.01པའི་སྦྱོར་བ་ལས། །བརྟུལ་ཞུགས་ཅན་གྱིས་སྔགས་བཟླས་བྱ། །རྣལ་འབྱོར་མ་འབྱུང་བ་ཞེས་བྱ་བའི་ལེའུ་སྟེ་བཅུ་གཉིས་པའོ།། །།དེ་ནས་བྱམས་པ་ལ་སོགས་པའི་བྱང་ཆུབ་སེམས་དཔའ་རྣམས་ཀྱིས་རང་རང་གི་རྣམ་པར་རྟོག་པ་སྐྱེས་པར་གྱུར་ཏེ། བཅོམ་ལྡན་འདས་ཇི་ལྟར་
D419.080.0054b02.01ན་རྣལ་འབྱོར་མའི་རྒྱུད་ཅེས་སྤྱད་པར་བགྱི། རྡོ་རྗེ་འཛིན་པས་བཀའ་སྩལ་པ། །ཤེས་རབ་ཕ་རོལ་ཕྱིན་པའི་ཐབས། །རྣལ་འབྱོར་མ་ཞེས་མངོན་པར་བརྗོད། །ཕྱག་རྒྱ་ཆེན་པོའི་སྦྱོར་བ་ལས། །གང་ཕྱིར་དེ་ཉིད་བསྟེན་པ་ཡི། །རྣལ་འབྱོར་མ་ཡི་རྡོ་རྗེ་གུར། །རྣལ་འབྱོར་མ་ཡི་རྒྱུད་ཅེས་
D419.080.0054b03.01བཤད། །ཕ་རོལ་ཕྱིན་པ་ཀུན་གྱི་ཐབས། །བསམ་གཏན་ཙམ་གྱིས་འགྲུབ་པར་འགྱུར། །དགའ་མཛེས་མཁའ་འགྲོ་བདེ་བའི་མཚོ། །མཁའ་དང་གསེར་གྱི་ཆར་པ་དང་། །དགའ་ཆེན་མ་དང་གྷསྨ་རཱི། །ཤིན་ཏུ་དགྱེས་རོལ་གསང་ཡིད་འཕྲོག །རྡོ་རྗེ་མཁའ་འགྲོ་ཕན་རྒྱུད་བརྒྱད། །
D419.080.0054b04.01ཀྱེ་ཡི་རྡོ་རྗེ་དཀྱིལ་འཁོར་སངས་རྒྱས་ཀུན། །གསང་མཛོད་རྡོ་རྗེ་བདུད་རྩི་འབྱུང་བ་དང་། །འཁོར་ལོ་སྡོམ་པ་གུར་དང་འབྱུང་གནས་ནི། །རྣལ་འབྱོར་མ་རྒྱུད་དྲུག་ཏུ་རབ་ཏུ་གྲགས། །སྐྱེས་བུ་རྣམས་ནི་གདུལ་བའི་ཕྱིར། །རྣལ་འབྱོར་རྒྱུད་ནི་ཡང་དག་བཤད། །བཙུན་མོ་རྣམས་ནི་བསྡུ་བའི་ཕྱིར། །
D419.080.0054b05.01རྣལ་འབྱོར་མ་ཡི་རྒྱུད་བཤད་དོ། །དམན་པ་རྣམས་ལ་བྱ་བའི་རྒྱུད། །བྱ་མིན་རྣལ་འབྱོར་དེ་ལྟག་ལ། །སེམས་ཅན་མཆོག་ལ་རྣལ་འབྱོར་མཆོག །རྣལ་འབྱོང་གོང་མེད་དེ་ལྷག་ལ། །དེ་ནས་བྱང་ཆུབ་སེམས་དཔའ་རྣམས་ཀྱིས་བཅོམ་ལྡན་འདས་ལ་གསོལ་པ། རེ་ཞིག་བདག་ཅག་གིས་
D419.080.0054b06.01སྤྱོད་ཡུལ་རྣམས་ནི་འཚལ་ནའང་། སེམས་ཅན་གཞན་རྣམས་ཀྱིས་ཇི་ལྟར་སངས་རྒྱས་ཀྱིས་གསུངས་པ་འཚལ་བ་ལགས། བཅོམ་ལྡན་འདས་ཀྱིས་བཀའ་སྩལ་པ། །སྟོང་པ་སྙིང་རྗེ་ཐ་དད་མེད། །གང་དུ་སེམས་ནི་རབ་བསྒོམས་པ། །འདི་ནི་སངས་རྒྱས་ཆོས་དང་ནི། །དགེ་འདུན་
D419.080.0054b07.01