完整藏文原文 · 德格版页 当前仅加载第 80 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
པས་འཛིན་པ་མོ། །རྡོ་རྗེ་སྐྱིལ་ཀྲུང་སྦྱོར་བ་ཡིས། །གནས་གསུམ་པ་ནི་བསྒྲུབ་པར་བྱ། །ཤར་དུ་མེ་ཏོག་སྒྲོལ་མ་སྟེ། །ཁ་དོག་དཀར་ཞིང་ཡིད་འོང་མ། །ཡི་གེ་ཨོཾ་ལས་སྐྱེས་པའོ། །མེ་ཏོག་ཕྲེང་བས་ལག་པ་ཁྱབ། །ཕྱག་གཉིས་ཞལ་ནི་གཅིག་མ་ཉིད། །རྒྱན་རྣམས་
D419.080.0047a01.01ཀུན་གྱིས་རྣམ་པར་བརྒྱན། །གཡས་སུ་བདུག་སྤོས་སྒྲོལ་མ་སྟེ། །མདོག་གནག་མཛེས་པའི་གཟུགས་ཅན་མ། །སྤོས་དང་དུང་གིས་ལག་པ་བྲེལ། །རྒྱན་རྣམས་ཀུན་གྱིས་རྣམ་པར་བརྒྱན། །ནུབ་ཏུ་མར་མེ་སྒྲོལ་མ་སྟེ། །མར་མེ་སྡོང་བུས་ལག་པ་ཁྱབ། །མདོག་སེར་རྣམ་པར་
D419.080.0047a02.01རྒྱན་ཆེན་མོ། །གཡོ་བ་གསེར་གྱི་རྣ་ཆ་མ། །བྱང་དུ་དྲི་ཡི་སྒྲོལ་མ་སྟེ། །དྲི་ཡི་དུང་གིས་ལག་ཁྱབ་པ། །ཁྲག་གི་མདོག་ལྟར་ལྷ་མོ་ནི། །དཀྱིལ་འཁོར་སྙིང་པོ་བསྒོམ་པར་བྱ། །ལྕགས་ཀྱུ་ལ་སོགས་རབ་དབྱེ་བས། །དེར་ནི་སྒོ་ཡི་སྲུང་མ་བསམ། །སྟེང་དུ་གཙུག་ཏོར་རྣམ་རྒྱལ་མ། །
D419.080.0047a03.01འོག་ཏུ་གནོད་མཛེས་མ་རབ་བསྒོམ། །འཁོར་ལོ་ཀླུ་ཞགས་བསྣམས་ནས་ནི། །སྤྲོ་ཞིང་སྔགས་ནི་བཟླ་བར་བྱ། །ཨོཾ་ཏཱ་རེ་ཏུཏྟཱ་རེ་ཏུ་རེ་སྭཱ་ཧཱ། ཡི་གེ་བཅུ་ཡིས་ལྷ་མོ་བཅུ། །ཕ་རོལ་ཕྱིན་བཅུ་ལ་གནས་མ། །འབྲས་བུ་ཐམས་ཅད་རབ་བསྒྲུབ་ཕྱིར། །རབ་ཏུ་འབད་པས་བསྒོམ་པར་བྱ། །
D419.080.0047a04.01སྔགས་ནི་མཆོག་དང་ཕུལ་ཏུ་ཕྱིན། །སངས་རྒྱས་ཀུན་གྱིས་ཕྱག་མཛད་མ། །བཀླགས་པས་འགྱུར་བྱེད་དྲག་པོ་སྟེ། །རྡོ་རྗེ་གུར་གྱིས་བཤད་པའོ། །སྔགས་འདིས་གོས་ཀྱི་ཐུ་བར་བདུན། །མངོན་པར་བསྔགས་པ་བྱ་བ་སྟེ། །མདུད་པས་བཅིངས་ཏེ་ནགས་ཚལ་དུ། །འགྲོ་ནའང་
D419.080.0047a05.01སུས་ཀྱང་མི་འཁྱེར་ཏེ། །སྟག་དང་ཆོམ་རྐུན་དང་ཆུ་སྲིན་སྣ་འཐུང་དང་སེང་གེ་དང་སྦྲུལ་དང་མཆེ་བ་ཅན་དང་མ་ཧེ་དང་། །དོམ་དང་སྙུག་གླང་ལ་སོགས་དྲན་པ་ཙམ་གྱིས་ཉམས་ཤིང་ཡིབ་བོ། །སྔགས་འདིས་ཨུཏྤ་ལ་ལ་སྦྱིན་སྲེག་ཇི་སྲིད་དུ། ལན་བརྒྱ་རྩ་བརྒྱད་ཇི་ཙམ་གྱིས་བསྐུ་བར་
D419.080.0047a06.01བྱ་སྟེ། །ཨོཾ་ཏཱ་རེ་ཏུཏྟཱ་རེ་ཏུ་རེ་མ་མུ་ཀཾ་མེ་ཝ་ཤ་མཱ་ནཱ་ཡ་སྭཱ་ཧཱ། ཡང་སྔགས་དེ་ཉིད་ཀྱིས་ཁྭའི་སྒྲོལ་ལན་སུམ་ཅུ་རྩ་གཉིས་ཡོངས་སུ་བཟླས་ཏེ། དགྲའི་ཁྱིམ་དུ་སྦས་ན། ཉི་མ་བདུན་གྱིས་སྐྲོད་པར་བྱེད། ཨོཾ་ཏཱ་རེ་ཏུཏྟཱ་རེ་ཏུ་རེ་ཙ་ལ་བྲ་ཙ་ལ་ཤཱི་གྷཱཾ་གཱ་མི་ནི་དེ་ཝ་ད་ཏྟཾ་ཨུཙྪ་ཊ་ཡ་ཧཱུྃ་ཕཊ། དེ་ནས་
D419.080.0047a07.01