完整藏文原文 · 德格版页 当前仅加载第 80 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
དྲི་བཟང་པོའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། བདུག་སྤོས་ཀྱི་མཆོད་པ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ཙནྡ་ན་ཉིད་དང་གུར་གུམ་དང་། །བྲག་ཞུན་དེ་བཞིན་འདོད་མ་ནི། །འདི་རྣམས་རྫས་ནི་བདུག་སྤོས་ཆེ། །ཧེ་རུ་ཀ་ལ་རབ་ཏུ་
D419.080.0060a01.01དབུལ། །ཀ་ཅོ་ར་དང་ཀུ་མ་ཉིད། །དེ་བཞིན་དུ་ཡང་སྐྲ་སྒྲ་ཉིད། །གདུག་བྱེད་སྙིང་པོ་འདི་རྣམས་ནི། །ཕན་པ་ལ་ནི་སྦྱོར་བར་བྱ། །ཀུན་ཏུ་རུ་དང་པོ་ལ་ཀ །{རི་དགས་,རི་དྭགས་}ལྟེ་བ་སེན་མོ་ནི། །རིན་ཆེན་རྒྱལ་པོའི་བདུག་པ་འདི། །ཀུན་ལ་མི་འཇིགས་གུར་གུམ་དང་། །ཤ་ཏྲཱི་ཡི་ནི་ཤཐཱི་དང་། །ཤ་ལི་
D419.080.0060a02.01ཛི་དང་ཤ་ལི་ཀ། །འཇིག་རྟེན་མགོན་གྱི་བདུག་པ་འདི། །རྟག་ཏུ་རྡོ་རྗེ་འཛིན་པས་གསུངས། །སྣ་ཚོགས་དྲི་ནི་ཁྱད་པར་དུ། །སྣ་ཚོགས་རྡོ་རྗེ་མཆོད་པ་ལས། །བདུན་གྱི་རྒྱལ་པོ་མཆོད་པ་འདི། །ཀུན་ཏུ་སྟོབས་ཀྱིས་བསྒྲུབས་པ་སྟེ། །ཇི་སྙེད་དྲི་ཡི་བསྟན་བཅོས་སུ། །གོང་བུའི་དུམ་བུའི་བདུག་
D419.080.0060a03.01པ་མཆོག །དེ་ཀུན་ཕྱག་ན་རྡོ་རྗེ་ཡི། །རྡོ་རྗེའི་མཆོད་པར་རབ་ཏུ་གྲགས། །དེ་ནས་བཅོམ་ལྡན་འདས་རྡོ་རྗེ་གོམ་པ་རྣམ་པར་དགོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རྡོ་རྗེ་གར་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །གུས་བཅས་དང་པོར་སྒེག་པར་ལྡན། །
D419.080.0060a04.01དང་པོ་བརྩེ་བཅས་རྗེས་རྒྱུ་བས། །རྐང་སྟབས་བརྒྱད་དུ་ཆོ་ག་ཡིས། །རྡོ་རྗེ་གོམ་པས་རོལ་པ་བྱ། །མེ་ཏོག་སྙིམ་པའི་སྦྱོར་བ་དང་། །སྤོས་ཀྱི་ཡལ་གའི་སྦྱོར་བ་དང་། །མར་མེ་སྡོང་བུའི་ལག་ཚུལ་དང་། །ཡར་ནི་བྱུག་པའི་ལུས་དང་ནི། །མིག་ལག་དེ་བཞིན་བརླ་ནང་དང་། །རྐང་པའི་ངོས་སུ་བསྐོར་བ་ནི། །
D419.080.0060a05.01བརྡུང་བའི་སྦྱོར་བས་རོལ་པ་བྱ། །དེ་བཞིན་དུ་ཡང་གཡོན་པས་སོ། །དེ་ནས་རྒྱུན་གྱི་གར་བྱས་ནས། །གཡོན་པས་ཡང་ནི་གར་བྱ་ཞིང་། །མྱུར་དུ་བརྡུངས་པས་དེ་བཞིན་གར། །བྱས་མས་འཁོར་ལོ་ལྟ་བུར་བསྐོར། །ཕྱི་ནས་གྲུ་བཞི་དགར་བར་བྱ། །ཕྱི་ནས་འདོད་པའི་ལག་པས་བསྐོར། །ས་ལ་པུས་ནི་གཉིས་
D419.080.0060a06.01བཙུགས་ནས། །ལག་པས་མཆོད་རྟེན་ལེགས་པར་བྱ། །ཇི་སྙེད་གར་གྱི་བསྟན་བཅོས་སུ། །བྱེད་པའི་ཆ་ལུགས་བརྗོད་པ་ནི། །དེ་སྙེད་རྡོ་རྗེ་སེམས་དཔའ་ཡི། །སྒེག་པས་བྱང་ཆུབ་སྒྲུབ་པའི་ཐབས། །དེ་ནས་བཅོམ་ལྡན་འདས་དམ་ཚིག་རྡོ་རྗེ་མཉེས་པར་བྱེད་པ་ཞེས་བྱ་བའི་ཏིང་ངེ་འཛིན་ལ་
D419.080.0060a07.01