完整藏文原文 · 德格版页 当前仅加载第 80 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
རལ་པ་འཛིན་པ་དང་། །བརྒྱད་གཉིས་ལོ་ལོན་སོར་མོ་ནི། །རྡོ་རྗེ་ཡན་ལག་མེད་པ་འགྲུབ། །དཔའ་བོའི་གཡས་པར་མདའ་ཉིད་དེ། །ལག་པ་གཉིས་པར་རལ་གྲི་ཉིད། །གསུམ་པར་མེ་ལོང་རིག་པར་བྱ། །ལག་པ་གཡོན་པར་གཞུ་ཉིད་དེ། །གཉིས་པ་ལ་ནི་དབང་མཆོག་ཉིད། །ཀྃ་ཀེལླ་ཡི་ཡལ་ག་
D419.080.0058b01.01སྟེ། །ཕྱག་དྲུག་ཉིད་དུ་བསྒོམ་པར་བྱ། །ཞབས་གཡོན་བརྐྱང་བས་གནས་པར་ནི། །བུ་མོའི་སྙིང་གར་བསམས་ནས་ནི། །རྡོ་རྗེ་བཙུན་མོ་འགྲུབ་པར་འགྱུར། །མངའ་ཡིས་འོ་མ་འཛིན་པ་འབིགས། །ཨ་ཤོ་ཀ་ཡིས་སྙིང་གར་བྲབ། །རལ་གྲིས་སྐྱེས་མ་བསྡིགས་པར་བྱ། །དེ་ནས་མེ་ལོང་
D419.080.0058b02.01བསྟན་པར་བྱ། །གཞུ་ཡིས་རྐང་པ་བཅིངས་ནས་ནི། །ཨུཏྤལ་ཞགས་པས་དགུག་པར་བྱ། །སྐྲ་གྲོལ་འོང་བར་འདོད་པ་དང་། །སྙན་པའི་སྐད་ནི་རབ་ཏུ་སྨྲ། །ཧ་དང་སི་ནི་བྱེད་པ་མོ། །རངས་ཤིང་ཡན་ལག་ཚད་མས་བརྒྱན། །ཁ་ནི་སོ་རྩིས་གང་བ་དང་། །འདོད་པ་སྟོབས་དང་བྲལ་བ་བསམ། །
D419.080.0058b03.01རྡོ་རྗེ་མཆོད་པའི་སྦྱོར་བ་ཡིས། །མི་འགྱུར་སེམས་ཀྱིས་རྗེས་ཆགས་བྱ། །འདོད་པའི་སྔགས་ནི་མ་བཅོས་པས། །དེ་ཡི་སྙིང་ནི་བསྐུལ་བར་བྱ། །ཨོཾ་ཨཱ་མུ་ཀཱ་མཱ་ཀར་ཥ་ཡ་མཉྫུ་གྷོ་ཥ་ཧྲཱིཿཛཿ། དེ་ལྟར་བསྒོམ་པར་བྱས་པ་ཡིས། །འཇམ་པའི་མགོན་པོའི་བཙུན་མོ་ནི། །སྒྲུབ་པ་པོ་ལ་འདོད་པ་
D419.080.0058b04.01དང་། །དབང་དུ་བྱེད་ཅིང་འོང་བར་འགྱུར། །ཟླ་བ་ཕྱེད་ཀྱི་སྦྱོར་བ་ཡིས། །བཟླས་པ་ཁྲི་ཡི་སྦྱོར་བ་ལས། །གཡོ་བ་གསེར་གྱི་རྣ་ཆ་མ། །ཤིན་ཏུ་དགའ་བའི་སེམས་ཀྱིས་བསྒྲུབ། །ཧྃ་གི་ས་བོན་ལས་སྐྱེས་པ། །ཐམས་ཅད་རྒྱན་གྱིས་རྣམ་པར་བརྒྱན། །ཆང་གི་བཏུང་བའི་རབ་སྦྱོར་བས། །
D419.080.0058b05.01རྡོ་རྗེ་ཡན་ལག་མེད་པ་བསྒྲུབ། །མ་བཅོས་མཆོག་གི་ས་བོན་ནི། །བདེ་དང་སྡུག་བསྔལ་རང་བཞིན་ཅན། །བདེ་བ་ཆེན་པོ་མཆོག་ཏུ་ཞི། །སེམས་ཅན་ཐམས་ཅད་དགའ་བར་བྱེད། །འདི་ནི་སྲོག་ནི་ཆེན་པོ་སྟེ། །མཆོག་ཏུ་དགའ་བ་མཛེས་མ་ཉིད། །བདེ་དང་སྡུག་བསྔལ་རྟག་ཏུ་དེའི། །དྲན་
D419.080.0058b06.01པ་དེ་ལྟར་རབ་ཏུ་གྲགས། །མྱ་ངན་འདོད་ཆགས་དེ་བཞིན་གདུངས། །དགའ་དང་དགའ་བྲལ་དེ་བཞིན་ནོ། །རྡོ་རྗེ་སེམས་དཔའ་རྒྱལ་པོ་ཆེ། །དེ་ཉིད་དབྱངས་ཡིག་དྲུག་པར་བརྗོད། །ཟླ་བ་ཕྱེད་པས་ཡང་དག་ལྡན། །ཐིག་ལེས་མགོ་བོ་ཉིད་དུ་མཆོད། །སེམས་ཅན་གྱི་ནི་ཀུན་གཞི་སྟེ། །རྒྱུད་
D419.080.0058b07.01