完整藏文原文 · 德格版页 当前仅加载第 80 函德格 51b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ། །མཆོད་ཡོན་ལ་སོགས་སྔར་བཞིན་བྱ། །ཡང་ན་དེ་ཉིད་སྦྱོར་བར་བྱ། །སྔ་བར་བླུགས་ཤིང་བྱིན་གྱིས་བརླབ། །མིག་ལ་སོགས་པར་གཏི་མུག་སོགས། །རྡོ་རྗེ་གསུམ་ནི་གནས་གསུམ་དགོད། །དབང་ནི་རང་གི་རིགས་ཉིད་ཀྱིས། །མཆོད་པ་ལ་སོགས་རིམ་པས་བརྩམ། །རང་གི་སྙིང་ནས་
D419.080.0051b01.01ཡེ་ཤེས་བསམ། །སངས་རྒྱས་བཞུགས་པར་བསང་གཏོར་བྱ། །ཡེ་ཤེས་བདུད་རྩིའི་སྦྱོར་བ་ཡིས། །རིམ་པས་མཆོད་པའི་ལྷ་མོ་སྤྲོ། །བྱང་ཆུབ་སེམས་མཆོག་བསམས་ནས་ནི། །སངས་རྒྱས་བསྟོད་པ་ཡང་དག་བརྩམ། །དངོས་པོ་ཀུན་གྱི་རང་བཞིན་གྱིས། །སྟོང་བ་སྙིང་རྗེ་ཐ་དད་མེད། །ཁྱོད་
D419.080.0051b02.01ནི་རྣལ་འབྱོར་མ་ཚོགས་ཡོངས་སུ་བསྐོར། །ཁྱོད་ནི་ཉིད་ཀྱི་ཐུགས་ཀྱིས་མཆོག་བརྙེས་པ། །ཁྱོད་ཀྱིས་རྒྱུ་དང་མི་རྒྱུའི་འགྲོ་བ་ཀུན་བསྒྲུབས་ཤིང་། །སྙིང་རྗེའི་ཐུགས་ཀྱིས་སེམས་ཅན་སད་མཛད་པ། །སྒྱུ་མའི་སྤྲོས་པས་རྡོ་རྗེ་འཕེན་མཛད་པ། །ཧེ་རུ་ཀ་དཔལ་རྡོ་རྗེ་ཡིད་ཀྱིས་དགྱེས། །རྡོ་རྗེ་སེ་གོལ་
D419.080.0051b03.01སྦྱོར་བ་ཡིས། །རྡོ་རྗེ་སྒོམ་པས་བསྒོམ་པར་བྱ། །རྡོ་རྗེ་ཡི་གེ་བླངས་ནས་ནི། །རྡོ་རྗེ་དཀྱིལ་འཁོར་བསྒོམ་པར་བྱ། །རྡོ་རྗེ་དཀྱིལ་འཁོར་དབུས་གནས་པར། །རྡོ་རྗེ་ཕུང་པོ་རྣམ་པར་བསྒོམ། །དེ་ནས་རྡོ་རྗེ་འཆོད་པ་བསམ། །རྡོ་རྗེ་ལྕེ་ཡི་སྦྱོར་བ་ལས། །སངས་རྒྱས་རྡོ་རྗེའི་རྗེས་བཅུག་ཉིད། །རྡོ་རྗེའི་སྔགས་
D419.080.0051b04.01ཀྱིས་བསང་གཏོར་བ། །བཅོམ་ལྡན་འདས་ཀྱིས་རྡོ་རྗེའི་བདུད་རྩིའི་རོ་མྱང་བའི་རྡོ་རྗེ་དེ་སྐད་ཅེས་བཀའ་སྩལ་ཏོ། །ནམ་མཁའི་ཁམས་ཀྱི་དབུས་སོན་པར། །རྩེ་མོ་ལྔ་པ་བྲིས་པ་ཡིས། །སངས་རྒྱས་དངོས་གྲུབ་འདོད་པ་ཡིས། །སྟོབས་ཀྱིས་སངས་རྒྱས་ཕུར་བུས་གདབ། །ཆོས་འབྱུང་གྲོང་
D419.080.0051b05.01ཁྱེར་ཡིད་འོང་བར། །རྡོ་རྗེ་མཛུབ་མོའི་སྦྱོར་བ་ལས། །གལ་ཏེ་དངོས་གྲུབ་མི་སྟེར་ན། །རྡོ་རྗེ་སེམས་དཔའ་གསད་པར་བྱ། །ཨོཾ་དུ་རུ་དུ་རུ། ཙྪིནྡ་ཙྪིནྡ། ཧཱུྃ་ཧཱུྃ། བཅོམ་ལྡན་འདས་ཀྱིས་ཕུར་བུས་གདབ་པ་ཆེན་པོ་རྡོ་རྗེ་དེ་སྐད་ཅེས་བཀའ་སྩལ་ཏོ། །མ་མོའི་དཀྱིལ་འཁོར་དབུས་གནས་པར། །
D419.080.0051b06.01རྟ་མགྲིན་རྣམ་པར་བསྒོམ་པར་བྱ། །དབུ་རྒྱན་ལ་ནི་རྡོ་རྗེ་ཆོས། །ཕྱག་རྒྱ་ཆེན་པོར་སྦྱོར་བ་ལས། །པད་མ་དམར་པོ་སྤྱི་བོར་འཛིན། །སྐུ་མདོག་དམར་པོ་སྟོབས་པོ་ཆེ། །གོས་དཀར་གཉིས་མེད་སྦྱོར་བ་ལས། །བཅུ་དྲུག་ཕྱག་གིས་རྣམ་པར་བརྒྱན། །གཡས་པའི་ཞལ་ནི་ནག་པོ་སྟེ། །གཡོན་
D419.080.0051b07.01