完整藏文原文 · 德格版页 当前仅加载第 80 函德格 62a 版页；藏文 NFD、目录标记与异常页序保留在来源切片中，重复版页行以稳定序号区分。
པོའི་འདུག་སྟངས་དང་། སྐྱིལ་ཀྲུང་ཕྱེད་པ་དང་། བཀྲ་ཤིས་ཀྱི་འདུག་སྟངས་ཏེ་འདུག་སྟངས་ཀྱི་དགོད་པའོ། །སྒེག་པའི་ང་རོ་དང་། དཔའ་བོའི་ང་རོ་དང་། མི་སྡུག་པའི་ང་རོ་དང་། དགོད་པའི་ང་རོ་དང་། དྲག་པོའི་ང་རོ་དང་། འཇིགས་སུ་རུང་བའི་ང་རོ་དང་། ཞི་བའི་ང་རོ་དང་། རྔམ་
D419.080.0062a01.01པའི་ང་རོ་དང་། སྙིང་རྗེའི་ང་རོ་དང་། དྲུག་གི་རྗེས་སུ་སྐྱེས་པའི་གླུ་དང་། དྲང་སྲོང་གི་རྗེས་ཀྱི་གླུ་དང་། དྲི་ཟའི་རྗེས་ཀྱི་གླུ་དང་། བར་མའི་རྗེས་ཀྱི་གླུ་དང་། ལྔ་བའི་རྗེས་ཀྱི་གླུ་དང་། བློ་གསལ་གྱི་རྗེས་ཀྱི་གླུ་དང་། འཁོར་ཉན་པའི་གླུའོ། །ཉུང་ངུའི་དབྱེ་བ་དང་། སྒྲོལ་མའི་དབྱེ་བ་དང་།
D419.080.0062a02.01འཇིག་པའི་དབྱེ་བ་དང་། གང་བ་དང་། ཕྱེད་ཕྱི་བ་དང་། རྣམ་པར་འདྲེ་བ་དང་། འདོད་ཆགས་གཉིས་མཚུངས་པར་བྱེད་པ་དང་། འདོད་ཆགས་གསུམ་མཚུངས་པར་བྱེད་པ་དང་། ལྐོག་མ་ཉེད་པ་དང་། རྐན་ཉེད་པ་དང་། ལྕེ་ཉེད་པ་དང་། སོ་ཉེད་པ་སྟེ་གླུ་དགོད་པའོ། །ས་གཞི་ཡོངས་བཟུང་
D419.080.0062a03.01དུས་སུ་ནི། །དམ་ཚིག་འདི་ནི་རབ་བསྐུལ་པ། །ཡེ་ཤེས་རྡོ་རྗེ་ཅན་གྱིས་བྱ། །འདི་ནི་དམ་ཚིག་རིམ་པའི་མཆོག །མེ་ཏོག་འདི་རྣམས་བཟང་ཞིང་དགེ། །དག་པའི་སྐྱེ་གནས་ལས་དགེ་བ། །བདག་གིས་དད་པས་འབུལ་ལགས་ཀྱིས། །བཞེས་ནས་བདག་ལ་དགྱེས་པར་མཛོད། །ཚལ་དག་རོ་ཡི་
D419.080.0062a04.01ཕན་པ་དང་། །གང་ཞིག་དྲི་དང་བདུག་སྤོས་མཆོག །བདག་གིས་དད་པས་འབུལ་ལགས་ཀྱིས། །བཞེས་ནས་བདག་ལ་དགྱེས་པར་མཛོད། །སྲིན་པོ་འཇོམས་ཤིང་དག་བྱེད་པ། །དགེ་ཞིང་མུན་པ་རྣམ་སེལ་བ། །བདག་གིས་དད་པས་འབུལ་ལགས་ཀྱིས། །བཞེས་ནས་བདག་ལ་དགྱེས་པར་
D419.080.0062a05.01མཛོད། །འདི་ནི་དྲི་བཟང་དགེ་བ་སྟེ། །དག་པའི་སྐྱེ་གནས་ལས་དག་པ། །བདག་གིས་དད་པས་འབུལ་ལགས་ཀྱིས། །བཞེས་ནས་བདག་ལ་དགྱེས་པར་མཛོད། །ཨོཾ་བཛྲ་གྷཎྜེ་ཨཿ། དྲིལ་བུ་བླང་བའི་སྔགས་སོ། །ཨོཾ་མ་ཧཱ་བཛྲོ་ཧཱུྃ། རྡོ་རྗེ་གཟུང་བའི་སྔགས་སོ། །དངོས་པོ་སྣ་ཚོགས་རྣམ་པར་ཕྱེ་
D419.080.0062a06.01པའི་ལེའུ་སྟེ་བཅུ་བཞི་པའོ།། །།དེ་ནས་རྡོ་རྗེ་འཛིན་རྒྱལ་པོ། །རྣལ་འབྱོར་མ་ཡི་རྡོ་རྗེའི་གུར། །སངས་རྒྱས་ཀུན་དང་སངས་རྒྱས་ལ། །ཚིག་ནི་འདི་དག་བཀའ་སྩལ་པ། །ཕྱག་གཉིས་པ་ལ་ཞལ་གཅིག་པ། །རྡོ་རྗེ་ལས་སྐྱེས་རང་བཞིན་ཅན། །ལག་པར་ཐོད་པ་ཁ་ཊྭཱཾ་ག། །བསམས་ནས་སྤྲོ་
D419.080.0062a07.01