完整藏文原文 · 德格版页 当前仅加载第 81 函德格 122b 版页；藏文 NFD、目录标记与异常页序保留在来源切片中，重复版页行以稳定序号区分。
ཚིག་རྣམ་པར་འཕྲུལ་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་འཛིན་ཐམས་ཅད་ཀྱི་དམ་ཚིག་ཁྲོ་བོ་ཆེན་པོ་གནོད་མཛེས་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །ཨོཾ་སུམྦྷ་ནི་སུམྦྷ་ཧཱུྃ། གྲྀཧྞ་གྲྀཧྞ་ཧཱུྃ། གྲྀཧྞ་པ་ཡ་གྲྀཧྞ་པ་ཡ་ཧཱུྃ། ཨཱ་ན་ཡ་ཧོཿ བྷ་ག་བཱ་ན། བིདྱཱ་
D442.081.0122b01.01རཱ་ཛ་ཧཱུྃ་ཕཊ། དེ་ནས་འདི་ནི་གསུངས་ཙམ་གྱིས། །བུ་མོ་མཐུ་ཆེན་ཐམས་ཅད་ནི། །སྐྲ་བཤིག་གོས་དང་བྲལ་བདག་ཉིད། །རྡོ་རྗེ་སེམས་དཔའ་རྗེས་སུ་དྲན། །རྡོ་རྗེ་སེམས་དཔའི་ཞབས་ཀྱིས་མནན། །དེ་བཞིན་གཤེགས་ཀུན་བདག་པོ་ནི། །རྡོ་རྗེ་ལྕགས་ཀྱུ་ཞགས་པ་ཡིས། །
D442.081.0122b02.01བཅིངས་ན་བུ་མོ་དགུག་པའི་མཆོག །དེ་ནས་བཅོམ་ལྡན་འདས་དམ་ཚིག་ཆེན་པོའི་དེ་ཁོ་ན་ཉིད་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དམ་ཚིག་ཆེན་པོ་རྡོ་རྗེ་གསུམ་གྱི་གསང་བ་གསུང་གི་དམ་ཚིག་གི་དེ་ཁོ་ན་ཉིད་ཀྱི་གནས་འདི་ཉིད་ཀྱི་སྐུ་གསུང་ཐུགས་རྡོ་རྗེ་
D442.081.0122b03.01ལས་ཕྱུང་ངོ་། །སངས་རྒྱས་རྡོ་རྗེའི་སྐུ་གསུམ་ལ། །རྡོ་རྗེ་སེམས་དཔའ་རྣམ་བསྒོམ་པ། །ཞགས་པ་རྡོ་རྗེ་ཀྱོ་བ་འཛིན། །སངས་རྒྱས་དགུག་པ་དམ་པའོ། །སངས་རྒྱས་གསུང་སྐུའི་སྦྱོར་བ་ཡིས། །འཁོར་ལོ་ཆེན་པོ་སྦྱོར་བ་ལས། །རྡོ་རྗེ་སེམས་དཔའ་རྒྱལ་ཆེན་པོ། །རྟག་
D442.081.0122b04.01ཏུ་ངེས་པར་འགུགས་པར་འགྱུར། །འཁོར་ལོ་པདྨོ་རྡོ་རྗེ་ཆེས། །མི་ཕྱེད་རྡོ་རྗེ་གསུམ་བསྒོམས་པས། །རྡོ་རྗེ་ཀྱོ་བའི་དབྱེ་བ་ཡིས། །སྔགས་རྣམས་ཐམས་ཅད་དགུག་པའི་མཆོག །རང་སྔགས་སྐྱེས་བུ་བསྒོམས་ནས་ནི། །ཐམས་ཅད་རྡོ་རྗེའི་དངོས་ཞི་བ། །མི་ཡི་བུ་མོ་
D442.081.0122b05.01མཆོག་རྣམས་ཀྱི། །སྙིང་གར་རྡོ་རྗེ་ཀྱོ་བ་སྦྱར། །རླུང་གི་དཀྱིལ་འཁོར་སྦྱོར་བ་ཡིས། །ངེས་པར་རྟག་ཏུ་འགུགས་པར་འགྱུར། །རྣམ་པར་སྣང་མཛད་གཟུགས་ཆེན་པོ། །ཟླ་བའི་དཀྱིལ་འཁོར་བསྒོམ་པར་བྱ། །ཤ་ཙི་དེར་ནི་གནས་པར་བསམ། །རྡོ་རྗེ་བདུད་རྩིའི་སྦྱོར་བ་
D442.081.0122b06.01ཡིས། །ལན་གྲངས་ལྔ་བཅུ་བརྗོད་ན་ནི། །ངེས་པར་རྟག་ཏུ་འགུགས་པར་འགྱུར། །རྡོ་རྗེ་ལྕགས་ཀྱུ་གཟུགས་པོ་ཆེ། །འབར་བ་རྣོན་པོ་འདྲ་བའི་འོད། །རྡོ་རྗེ་དཀྱིལ་འཁོར་རབ་བསྒོམས་ལ། །ནམ་མཁའི་པདྨོ་དགུག་པའི་མཆོག །ཁྲོ་བོ་རྡོ་རྗེའི་དམ་ཚིག་རང་། །
D442.081.0122b07.01