完整藏文原文 · 德格版页 当前仅加载第 81 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར་འདིར་གདོན་མི་ཟ། །དཀྱིལ་འཁོར་གྲུ་གསུམ་བྱས་པ་ལ། །བ་ལང་ཤ་དང་རྟ་ཡི་ཤ །ཁྱི་ཡི་ཤ་འམ་སྣ་ཚོགས་ཀྱིས། །རྡོ་རྗེའང་གདོན་མི་ཟ་བར་འཇིག །ཤ་ཆེན་པོ་ཡིས་འཇིག་པ་ནི། །ཐམས་ཅད་རྡོ་རྗེ་ལས་བྱུང་དྲན། །འདི་ནི་དགྲ་རྣམས་ཐམས་ཅད་ཀྱི། །འཇིགས་པ་ཤིན་ཏུ་མི་བཟད་
D442.081.0128b01.01དྲན། །ཆོས་མཆོག་ཅན་གྱི་བཤང་གཅི་ཡིས། །དགྲ་ཡི་གཟུགས་བརྙན་བྱས་ནས་ནི། །ཚེར་མའི་མེ་ལ་ཁྲོས་ནས་བསྲེགས། །སངས་རྒྱས་དག་ཀྱང་ངེས་པར་འཇིག །ཅེས་གསུངས་སོ། །ཆུ་བོའི་འགྲམ་གཉིས་ས་ཡིས་ཀྱང་། །དགྲ་ཡི་གཟུགས་བརྙན་བྱས་ནས་ནི། །དུག་ལས་བྱུང་བའི་
D442.081.0128b02.01ཚེར་མ་ནི། །ཏིལ་འབྲུ་ཙམ་གྱིས་ཡན་ལག་ཀུན། །དགང་ཞིང་སྐུལ་བའི་ཚིག་དང་བཅས། །སངས་རྒྱས་དག་ཀྱང་ངེས་པར་འཇིག །ཅེས་གསུངས་སོ། །སྐེ་ཚེ་ལན་ཚྭ་འབྲུ་མར་དང་། །དུག་དང་དྷ་དུ་ར་དག་ནི། །སངས་རྒྱས་ཐམས་ཅད་གསད་པ་ལ། །འདི་དག་རབ་མཆོག་གྱུར་པར་
D442.081.0128b03.01བཤད། །སོལ་ཁུས་གཤེར་བའི་གོས་དག་ནི། །གྱོན་ཏེ་སེམས་ནི་ཁྲོས་ནས་སུ། །ལིངྒ་རྐང་པས་མནན་ནས་ནི། །སྲིན་པོས་འཛིན་པར་གདོན་མི་ཟ། །རུས་ཕྱེ་ཁྲག་དང་དུག་རྣམས་ཀྱིས། །གཟུགས་བརྙན་རབ་ཏུ་བྱས་ན་ནི། །རྡོ་རྗེ་སེམས་དཔའ་དྲག་པོ་ཡང་། །མྱུར་བ་དག་
D442.081.0128b04.01ཏུ་འཛིན་པར་འགྱུར། །སྐེ་ཚེ་དང་ནི་ཡང་དག་ལྡན། །བཤང་གཅི་དག་གིས་རྫོགས་པ་ཡི། །ལིངྒ་རྐང་པས་མནན་ན་ནི། །ཚ་བ་ཆེན་པོས་འཛིན་པར་འགྱུར། །དེ་ལ་འདི་ནི་དེ་བཞིན་གཤེགས་པ་ཐམས་ཅད་ཀྱི་དམ་ཚིག་ཆེན་པོ་རྡོ་རྗེ་ཁྲོ་བོའི་སྙིང་པོའོ། །ན་མཿས་མནྟ་ཀཱ་ཡ་བཱཀྩིཏྟ་བཛྲཱ་
D442.081.0128b05.01ཎྃ། ཨོཾ་ཧུ་ལུ་ཧུ་ལུ། ཏིཥྛ་ཏིཥྛ། བནྡྷ་བནྡྷ། ཧ་ན་ཧ་ན། ད་ཧ་ད་ཧ། པ་ཙ་པ་ཙ། གརྫ་གརྫ། བི་སྥོ་ཊ་ཡ་བི་སྥོ་ཊ་ཡ། སརྦ་བིགྷྣ་བི་ནཱ་ཡ་ཀཱན། མ་ཧཱ་ག་ཎ་པ་ཏི་ཛཱི་བི་ཏ་ཨནྟ་ཀ་རཱ་ཡ་ཧཱུྃ་ཕཊ། སྦྱིན་སྲེག་སླར་ཡང་བསམ་གཏན་དག །ལུས་དང་ངག་སེམས་འཇིག་པ་སྟེ། །མ་ཡེངས་
D442.081.0128b06.01པ་ཡི་སེམས་ཀྱིས་ནི། །གསོད་པ་ཡིན་ན་མཆོག་འདི་བྱ། །རྡོ་རྗེ་སེམས་དཔའ་ཁྲོ་བོ་ཆེ། །རྣམ་པར་བགྲད་པ་འཇིགས་འཇིགས་ལྟ། །སྟ་རེ་ཐོ་བ་ཕྱག་ན་བསྣམས། །བསམས་ནས་བསམ་གཏན་རབ་ཏུ་བརྟག །དེ་ལ་འདི་ནི་དྲག་པོ་ཆེན་པོ་ཁྲོ་བོའི་དམ་ཚིག་གོ། །མཁའ་
D442.081.0128b07.01