完整藏文原文 · 德格版页 当前仅加载第 81 函德格 125a 版页；藏文 NFD、目录标记与异常页序保留在来源切片中，重复版页行以稳定序号区分。
བྱུང་། །དམ་ཚིག་མཆོག་གིས་ལྡང་བར་འགྱུར། །ཉམས་པའི་གནས་སུ་མི་འགྱུར་ནའོ། །སྐུ་གསུང་ཐུགས་ཀྱི་སྦྱོར་བ་ཡིས། །ཆོ་ག་ཡང་དག་བྱས་ཙམ་གྱིས། །མཁའ་དབྱིངས་རྡོ་རྗེ་མཐའ་ཀླས་པར། །ཕུར་བུས་འདེབས་འདིར་གདོན་མི་ཟ། །བཅོམ་ལྡན་
D442.081.0125a01.01འདས་རྡོ་རྗེ་ཕུར་བུ་ཆེན་པོས་དེ་སྐད་ཅེས་བཀའ་སྩལ་ཏོ། །དེ་ནས་སངས་རྒྱས་སྐུ་གསུམ་མཆོག །སེམས་ཅན་ཁམས་ལ་ཕན་མཛད་པ། །མཉེས་ཤིང་རབ་ཏུ་དགྱེས་གྱུར་ནས། །གསུང་ནི་འདི་སྐད་བཀའ་སྩལ་ཏོ། །ཨེ་མའོ་གསང་བའི་གནས་ཀྱི་མཆོག །ཨེ་མའོ་སྙིང་པོ་
D442.081.0125a02.01ཀུན་བཏུས་པ། །ཨེ་མའོ་ཆོས་ཀྱི་གནས་ཞི་བ། །ཨེ་མའོ་རྡོ་རྗེ་རྣམ་པར་འཇོམས། །ཕུར་འདེབས་སངས་རྒྱས་ཐམས་ཅད་དང་། །བྱང་ཆུབ་སེམས་དཔའ་གྲགས་ཆེན་པོ། །སྐུ་གསུང་ཐུགས་ཀྱི་རྡོ་རྗེ་རྣམས། །ཕུར་བུས་གདབ་པ་ཡང་དག་བཤད། །འདི་ནི་སྔགས་
D442.081.0125a03.01རྣམས་ཐམས་ཅད་ཀྱི། །ཕུར་གདབ་དེ་ཉིད་ལས་བྱུང་བ། །སྐུ་གསུང་ཐུགས་ལས་མཆོག་སྦྱིན་པ། །སྔགས་ཀྱི་དེ་ཉིད་བསྡུས་པའོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་སྐུ་དང་གསུང་དང་ཐུགས་རྨད་དུ་
D442.081.0125a04.01བྱུང་བ་སྔགས་ཀྱིས་འགུགས་པ་རྣམ་པར་སྤྲུལ་པའི་རྒྱལ་པོ་ཞེས་བྱ་བའི་ལེའུ་སྟེ་བཅུ་བཞི་པའོ།། །།དེ་ནས་རྒྱལ་པོ་རྡོ་རྗེ་འཛིན། །ཐམས་ཅད་ནམ་མཁའ་མི་འགྱུར་ཆེ། །ཐམས་ཅད་དབང་བསྐུར་ཀུན་མཁྱེན་པས། །རྡོ་རྗེ་གསུང་ནི་བཀའ་སྩལ་པ། །སྨེ་
D442.081.0125a05.01ཤ་ཅན་གྱི་བདག་ཉིད་ཆེ། །བུ་མོ་ལོ་གྲངས་བཅུ་གཉིས་པ། །དབེན་པའི་གནས་སུ་ཁྱད་པར་དུ། །སྒྲུབ་པ་པོས་ནི་རྟག་ཏུ་བསྒྲུབ། །བཤང་གཅིའི་དམ་ཚིག་ལ་སོགས་པས། །གྲུ་བཞི་པ་ནི་ཆོ་ག་ཡིས། །དཀྱིལ་འཁོར་བྱའོ་དེ་རུ་ནི། །རྡོ་རྗེ་དཀྱིལ་འཁོར་བསྒོམས་པ་
D442.081.0125a06.01ཡིས། །མཚན་ཉིད་ཐམས་ཅད་ཡོངས་སུ་དག །བཞིན་ཡང་མཛེས་ལ་རབ་ཏུ་བཟང་། །རྒྱན་རྣམས་ཐམས་ཅད་ཡོངས་རྫོགས་པ། །པང་པར་བཞག་ནས་རྣམ་པར་བསྒོམ། །དཀྱིལ་འཁོར་ལྔ་ཡི་འཁོར་ལོ་ཡིས། །སངས་རྒྱས་གཟུགས་ནི་རྣམ་པར་བསྒོམ།
D442.081.0125a07.01