完整藏文原文 · 德格版页 当前仅加载第 81 函德格 128a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་ཆོས་ཀྱི་གཟུགས་ཆེན་པོ། །པདྨ་རཱ་གའི་འོད་འདྲ་བ། །སྐུ་གསུང་ཐུགས་ཀྱི་རྡོ་རྗེ་ནི། །གནས་གསུམ་དུ་ནི་རིགས་བརྟག་གོ། །དབབ་པའི་ཆོ་ག་ཐམས་ཅད་ནི། །བྱས་ན་གདོན་མི་ཟ་བར་འགྲུབ། །བསྐུལ་དང་རེངས་པ་ལྷ་ཆེན་པོ། །འཕགས་པའི་ས་ནི་བཞི་པོ་དག །
D442.081.0128a01.01རྡོ་རྗེ་གྲུབ་པ་དག་གིས་བྱ། །དེ་ལྟར་བྱས་ན་རྟག་པར་འགྲུབ། །བུ་མོ་ལོ་གྲངས་བཅུ་གཉིས་མའམ། །ཁྱེའུ་ལོ་གྲངས་བཅུ་གཉིས་པ། །མཚན་ཉིད་ཐམས་ཅད་ཡོངས་རྫོགས་པ། །བཟུང་ནས་དབབ་པར་རབ་ཏུ་བརྟག །ཆོ་ག་ཐམས་ཅད་བྱས་ནས་ནི། །ལས་རྣམས་རབ་ཏུ་བསྒྲུབ་
D442.081.0128a02.01པར་བྱ། །རྣམ་པ་གཞན་དུ་བྱས་ན་ནི། །ཁམས་གསུམ་སྐྱེ་བོས་དཔྱས་པར་འགྱུར། །དེ་ལ་སྙིང་པོའི་སྔགས་ཀྱི་ཡི་གེའི་ཚིག་ནི་འདི་རྣམས་སོ། །ཧཱུྃ་ཧཱཿཨཱཿཛྷཻཿ། ནམ་མཁའི་ཁམས་ནི་སེམས་མེད་ཅིང་། །རྟོག་པ་ཐམས་ཅད་རྣམ་སྤངས་དང་། །རྡོ་རྗེ་སེམས་དཔའ་རང་ཉིད་ཀྱང་། །
D442.081.0128a03.01འབབ་པར་འགྱུར་རོ་ཆོ་ག་ཡིས། །ཧཱུྃ་ཡིག་རྡོ་རྗེ་སེམས་དཔའི་བདག །ཧཱཿཡིག་སྐུ་ཡི་རྡོ་རྗེ་ཅན། །ཨཱཿཡིག་ཆོས་འཛིན་རྒྱལ་པོ་སྟེ། །འདི་ནི་སྔགས་ཚིག་བསྟན་པའོ། །ཡི་གེ་ཛྷཻཿཡིས་བསྐུལ་བར་བཤད། །འཁོར་བ་དང་ནི་གཡོ་བ་ཡིན། །འདི་ནི་བསྐུལ་བ་ཐམས་ཅད་ཀྱི། །
D442.081.0128a04.01གསང་བ་ཡིན་པར་འདི་རབ་བཤད། །ཁྲུ་གང་ཙམ་མམ་ཁྲུ་དོ་འམ། །ཇི་སྲིད་ཁྲུ་བརྒྱད་ལྔ་ཙམ་དུ། །རྡོ་རྗེ་རྒྱལ་པོ་རབ་བསྐུལ་ན། །འཇིགས་ཤིང་སྐྲག་ནས་འཕར་བར་འགྱུར། །དེ་བཞིན་ཐམས་ཅད་སྔར་ཇི་ལྟར། །འདི་ནི་གསང་བ་ཐོབ་བྱེད་པའོ། །དེ་ནས་རྒྱལ་པོ་རྡོ་རྗེ་འཛིན། །དེ་
D442.081.0128a05.01བཞིན་གཤེགས་པ་ཀུན་གྱི་བདག །སྐུ་གསུམ་གནས་ནི་ཡོངས་དག་པས། །གསུང་ནི་འདི་སྐད་བཀའ་སྩལ་ཏོ། །རྩེ་གཅིག་མ་གྱུར་པ་ཡིས་ཀྱང་། །བརྟུལ་ཞུགས་བརྟན་པས་བྱ་བ་འདི། །སྦྱོར་བ་གཞན་མིན་པ་ཡིས་བྱ། །གདུག་པ་ཐམས་ཅད་རྣམ་གཞིག་པའོ། །དུར་ཁྲོད་སོལ་དང་
D442.081.0128a06.01ཕུབ་སོགས་ལས། །དགྲ་ཡི་གཟུགས་བརྙན་བྱས་ནས་ནི། །སྐྲ་བཤིག་གཅེར་བུར་བྱུང་བ་ཡིས། །ཁམས་གསུམ་དག་ཀྱང་འཇིག་པར་བྱེད། །དུར་ཁྲོད་རོ་བསྲེགས་ཐལ་བ་ཡིས། །དགྲ་ཡི་གཟུགས་བརྙན་བྱས་ནས་ནི། །སྟོང་བརྒྱ་རྩ་བརྒྱད་བཟླས་པས་ཀྱང་། །འཆི་བར་
D442.081.0128a07.01