完整藏文原文 · 德格版页 当前仅加载第 81 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་རྫུ་འཕྲུལ་ཆེས། །དམ་ཚིག་བཞི་པོ་བསྲུང་བྱ་སྟེ། །ཁྲག་དང་ཁུ་བ་སྦྱར་བ་དག །བརྟུལ་ཞུགས་བརྟན་པས་རྟག་ཏུ་བཟའ། །སྐུ་གསུང་ཐུགས་ཀྱི་རྡོ་རྗེ་ཡི། །དམ་ཚིག་དེ་ནི་རྨད་བྱུང་ཆེ། །སངས་རྒྱས་ཀུན་གྱི་རྟག་པ་ནི། །རྡོ་རྗེ་འཛིན་ཕྱིར་ཡང་
D442.081.0139a01.01དག་བསྲུང་། །གང་ཞིག་དམ་ཚིག་འདི་སྲུང་བ། །རྡོ་རྗེ་སེམས་དཔའ་འོད་པོ་ཆེ། །དེ་ཡི་སྐུ་གསུང་ཐུགས་རྟོགས་པ། །དེ་མ་ཐག་ཏུ་སངས་རྒྱས་འགྱུར། །དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་རང་སངས་རྒྱས་ཀྱི་དོན་གྱི་དམ་ཚིག་འདི་ཉིད་
D442.081.0139a02.01ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །སྟོན་པ་ལུས་ཀྱིས་དེ་རྣམས་ནི། །རྡོ་རྗེ་སྐུ་ལ་རབ་ཏུ་གནས། །སེམས་ཅན་འཇུག་པའི་ངང་ཚུལ་ཏེ། །མཆོག་ཏུ་རྟག་པའི་དམ་ཚིག་གོ། །དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་ཉན་ཐོས་ཀྱི་བསླབ་
D442.081.0139a03.01པའི་དམ་ཚིག་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །དགེ་བ་བཅུ་ཡི་ལས་ཀྱི་ལམ། །བྱེད་པ་ཡེ་ཤེས་སྤངས་པ་རྣམས། །དམན་པར་མོས་པ་ཐམས་ཅད་ཀྱི། །དམ་ཚིག་དེ་ནི་རྨད་བྱུང་ཆེ། །དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་པོས་
D442.081.0139a04.01ཚངས་པའི་དམ་ཚིག་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །གཏི་མུག་ལམ་གྱིས་ལས་གང་རྣམས། །བྱེད་པ་འཇིགས་ཤིང་མི་སྡུག་པ། །སངས་རྒྱས་བྱང་ཆུབ་སྟོན་པ་སྟེ། །སྐུ་ཡི་རྡོ་རྗེ་ཉིད་དུ་འགྱུར། །དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་
D442.081.0139a05.01པོས་དྲག་པོའི་དམ་ཚིག་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །ཁམས་གསུམ་པར་ནི་གནས་པ་ཡི། །བུད་མེད་རྡོ་རྗེ་ལས་བྱུང་ཀུན། །སྣ་ཚོགས་དངོས་པོས་སྤྱད་པ་ནི། །དམ་ཚིག་མཆོག་ཏུ་རྨད་བྱུང་བའོ། །དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་ཐམས་ཅད་ཀྱི་བདག་
D442.081.0139a06.01པོས་ཁྱབ་འཇུག་གི་དམ་ཚིག་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །སེམས་ཅན་སྐྱེས་པ་ཇི་སྙེད་པ། །སྐུ་གསུམ་དབྱེར་མེད་ལ་གནས་རྣམས། །བསམ་གཏན་རྡོ་རྗེས་གསད་པར་བྱ། །རྡོ་རྗེ་མཁའ་ཁམས་བདག་ཉིད་ཀྱང་། །དེ་ནས་ཕྱག་ན་རྡོ་རྗེ་དེ་བཞིན་གཤེགས་པ་
D442.081.0139a07.01