完整藏文原文 · 德格版页 当前仅加载第 81 函德格 138a 版页；藏文 NFD、目录标记与异常页序保留在来源切片中，重复版页行以稳定序号区分。
ཞུགས་ཆེན་པོས་ཐུན་བཞིར་ནི། །གསང་བའི་མཆོད་པ་རབ་ཏུ་བྱ། །སྡོང་བུ་རྩ་བ་འབྲས་བུ་རྣམས། །བཟའ་དང་བཅའ་བ་ཐམས་ཅད་སྤྱད། །འདི་ཡིས་མྱུར་དུ་སངས་རྒྱས་འགྱུར། །བདག་པོ་ཡེ་ཤེས་རྒྱ་མཚོ་ཆེ། །ཟླ་བ་དྲུག་གིས་དེ་དག་ཀུན། །གདོན་
D442.081.0138a01.01མི་ཟ་བར་འདིར་ཐོབ་འགྱུར། །རྟག་ཏུ་གཞན་གྱི་ནོར་བརྐུ་ཞིང་། །གསད་པའང་རྨད་དུ་བྱུང་བ་ཆེ། །འདོད་ཆགས་རྡོ་རྗེའི་གནས་སྤྱད་པ། །སྡོམ་པ་འདིས་ནི་ཀུན་དུ་བསྡམས། །འདོད་ཆགས་རྡོ་རྗེའི་ལྕགས་ཀྱུ་ཡུམ། །ཡོན་ཏན་ལུག་རྒྱུད་མཱ་མ་ཀཱིར། །གསུང་གི་རྡོ་རྗེ་
D442.081.0138a02.01མཆོག་ཐུགས་ཀྱིས། །འདི་ནི་རྣམ་པ་ཀུན་དུ་རིགས། །རང་གི་ཕྱག་རྒྱའམ་སེམས་ཀྱིས་བསམ། །བསམ་གཏན་ཡིག་གསུམ་རྡོ་རྗེ་ཅན། །དེ་ལྟར་སངས་རྒྱས་ཀུན་མཁྱེན་ཡང་། །མཉེས་པར་འགྱུར་འདིར་གདོན་མི་ཟ། །སྒྲུབ་པ་པོ་ནི་བློ་བརྟན་པས། །ནགས་ཚལ་
D442.081.0138a03.01དག་ཏུ་བསོད་སྙོམས་ཚོལ། །ཁ་ཟས་བཟང་པོ་བསྟར་བ་དག །འཇིགས་ཤིང་སྐྲག་ནས་སྟེར་བར་འགྱུར། །རྡོ་རྗེ་གསུམ་བདག་ཉིད་འདས་ན། །འཇིག་ཅིང་རྡོ་རྗེའི་ཡི་གེར་འགྱུར། །ལྷ་མོ་ཀླུ་མོ་གནོད་སྦྱིན་མ། །ལྷ་མ་ཡིན་མོ་མི་མོའང་རུང་། །རྙེད་ནས་རིག་པའི་
D442.081.0138a04.01བརྟུལ་ཞུགས་བྱ། །རྡོ་རྗེ་གསུམ་གྱི་ཡེ་ཤེས་བསྟན། །འདི་དེ་སྔགས་རྣམས་ཐམས་ཅད་ཀྱི། །གསང་བའི་དེ་ཉིད་ཚུལ་ཆེན་ཏེ། །རྡོ་རྗེ་གསུམ་གྱི་ཡེ་ཤེས་འབྱུང་། །སངས་རྒྱས་བྱང་ཆུབ་རབ་འཇུག་པའོ། །བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་
D442.081.0138a05.01རིག་པའི་བརྟུལ་ཞུགས་ཀྱི་དམ་ཚིག་གི་དེ་ཁོ་ན་ཉིད་ཀྱི་རྡོ་རྗེས་དེ་སྐད་ཅེས་བཀའ་སྩལ་ཏོ། །དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་གསང་ཆེན་གསང་བ་འདུས་པ་ལས་དངོས་གྲུབ་ཐམས་ཅད་ཀྱི་དཀྱིལ་འཁོར་རྡོ་རྗེ་མངོན་པར་རྫོགས་པར་བྱང་ཆུབ་པ་ཞེས་བྱ་བའི་
D442.081.0138a06.01ལེའུ་སྟེ་བཅུ་དྲུག་པའོ།། །།དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཡང་འདུས་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྡོ་རྗེ་དེ་བཞིན་གཤེགས་པ་ལ་གསོལ་བ་བཏབ་པ། མི་བསྐྱོད་རྡོ་རྗེ་ཡེ་ཤེས་ཆེ། །
D442.081.0138a07.01