完整藏文原文 · 德格版页 当前仅加载第 81 函德格 123a 版页；藏文 NFD、目录标记与异常页序保留在来源切片中，重复版页行以稳定序号区分。
རྡོ་རྗེ་ས་འོག་གནས་པ་ལ། །ཤཱུ་ལ་རྡོ་རྗེ་ཀྱོ་ཞགས་པས། །ལྷ་མིན་བུ་མོ་འགུགས་པའི་མཆོག །བཙག་གམ་རྡོ་རྒྱུས་དག་ཀྱང་རུང་། །རྡོ་རྗེ་ཀྱོ་བའི་སྦྱོར་བ་ཡིས། །ཟླ་བ་གཟའ་ཡིས་ཟིན་པའི་ཚེ། །ཁར་བཅུག་ནས་ནི་བསྒྲུབ་པར་བྱ། །ཚངས་དབང་དྲག་པོ་ལ་
D442.081.0123a01.01སོགས་ལྷ། །རང་གི་མིང་རྣམས་བྲིས་ན་ནི། །རྡོ་རྗེ་གསུང་གི་བཀའ་བཞིན་དུ། །འཇིགས་ཤིང་སྐྲག་ནས་འོང་བར་འགྱུར། །རྣམ་པ་ཀུན་གྱི་མཆོག་ལྡན་པའི། །འཇམ་པའི་རྡོ་རྗེ་རབ་ཏུ་བསྒོམ། །ཁྲོ་བོ་ཆེན་པོ་གཤིན་རྗེ་གཤེད། །རྡོ་རྗེ་ལྕགས་ཀྱུ་རྣམ་པར་བསམ། །བསྐལ་
D442.081.0123a02.01པ་སྲེག་པའི་འཁོར་ལོ་ཆེ། །བསྒོམས་ནས་གནོད་སྦྱིན་མོ་དང་སྤྱད། །ཕྱག་རྒྱའི་དབྱེ་བས་ཐམས་ཅད་ཀྱི། །སྔགས་ཀྱི་དབྱེ་བས་ཐམས་ཅད་དུ། །དགུག་པའི་རབ་ཏུ་སྦྱོར་བ་གསུངས། །གཞན་དུ་བྱས་ན་འཇིག་པར་འགྱུར། །རྡོ་རྗེ་སེམས་དཔའ་རྒྱལ་པོ་ཆེ། །ཡང་དང་ཡང་
D442.081.0123a03.01དུ་བསྐུལ་བར་བྱ། །དེ་ཉིད་སྔགས་རྣམས་ཐམས་ཅད་ཀྱི། རྒྱལ་པོ་མཆོག་ཏུ་རྟག་པའོ། །དེ་ནས་བཅོམ་ལྡན་འདས་ནམ་མཁའ་ཀུན་དུ་རྣམ་པར་འཕྲུལ་པའི་ཡེ་ཤེས་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། རྡོ་རྗེ་རལ་པ་གཅིག་མ་དམ་ཚིག་ཆེན་པོའི་གསུང་རྡོ་
D442.081.0123a04.01རྗེའི་མཆོག་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །ཨོཾ་ཤཱུ་ལི་ནི་སྭཱ་ཧཱ། དེ་ནས་འདི་ནི་གསུངས་ཙམ་གྱིས། །ཀླུ་ཡི་བུ་མོ་མཐུ་ཆེན་རྣམས། །ཚིག་པར་གྱུར་ཅིང་གོས་དང་བྲལ། །སངས་རྒྱས་བྱང་ཆུབ་རྗེས་སུ་དྲན། །སྔགས་ཀྱི་རིག་པ་འདི་ཡིས་ནི། །ཀླུ་རྣམས་
D442.081.0123a05.01ཐམས་ཅད་འགུགས་པར་འགྱུར། །ཀླུ་ཡི་བུ་མོ་མིག་{བཟངས་,བཟང་}དག །བཀུག་ནས་ཉེ་བར་སྤྱད་པར་བྱ། །དེ་ནས་བཅོམ་ལྡན་འདས་ནམ་མཁའི་དམ་ཚིག་འབྱུང་བ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཆོས་ཆེན་པོའི་དམ་ཚིག་རྡོ་རྗེ་ཁྲོ་གཉེར་ཅན་འདི་ཉིད་ཀྱི་སྐུ་གསུང་
D442.081.0123a06.01ཐུགས་རྡོ་རྗེ་ལས་ཕྱུང་ངོ་། །ཨོཾ་སརྦྦ་བྷ་ཡ། ནཱ་ཤ་ནི། ཏྲཱ་ས་ནི་ཏྲཱ་སེ། ཏྲཱ་ས་ཡ་ཏྲཱ་ས་ཡ། བཻ་ར་ཊ་བྷྲྀ་ཀུ་ཊཱི་ཏ་ཊི། བཻ་ར་ཊི་བཻ་ར་ཊི། ཤྭེ་ཏེ་ཤྭེ་ཏ། ཛ་ཊི་ནི་སྭཱ་ཧཱ། དེ་ནས་འདི་ནི་གསུངས་ཙམ་གྱིས། །རིག་འཛིན་བདག་ཉིད་སྐྱེས་མ་ཀུན། །འདར་ཞིང་འཇིགས་པར་གྱུར་པས་ནི། །ཡེ་ཤེས་
D442.081.0123a07.01