完整藏文原文 · 德格版页 当前仅加载第 81 函德格 133a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་ཐམས་ཅད་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །དེ་ནས་དེ་ཕྱིར་སྐུའི་དཀྱིལ་འཁོར། །མཆོག་ཐུགས་དཀྱིལ་འཁོར་རབ་འདྲ་བ། །དཀྱིལ་འཁོར་རྣམས་ནི་ཀུན་གྱི་མཆོག །ལེགས་པར་རབ་ཏུ་བཤད་པར་བྱ། །ཁྲུ་ནི་བཅུ་དྲུག་ཚད་དུ་བྱ། །གྲུ་
D442.081.0133a01.01བཞི་ལྷམ་པ་རབ་ཏུ་མཛེས། །སངས་རྒྱས་ཀུན་གྱི་དཀྱིལ་འཁོར་ཏེ། །སྐུ་ཡི་རྡོ་རྗེ་རབ་ཏུ་གནས། །དེ་ཡི་ནང་དུ་འཁོར་ལོ་ནི། །ཆོ་ག་རྡོ་རྗེས་བྲི་བར་བྱ། །སྔགས་རྣམས་ཀྱི་ནི་གསང་བ་མཆོག །དབུས་སུ་རྣམ་པར་སྣང་མཛད་གནས། །ཕྱག་རྒྱ་རྡོ་རྗེའི་གནས་བྱའོ། །
D442.081.0133a02.01མི་བསྐྱོད་པ་ལ་སོགས་པའང་བྲི། །སྐུ་དང་གསུང་ཐུགས་རྡོ་རྗེ་མཆོག །གྲྭ་རྣམས་ཀུན་དུ་དགོད་པར་བྱ། །ཁྲོ་བོ་དང་པོ་རྣམས་སྒོར་བྲི། །སྟོབས་ཆེན་ཕ་རོལ་གནོན་པ་རྣམས། །རྡོ་རྗེ་གསང་བ་རབ་བསྒོམ་པའི། །མཆོད་པ་སྔགས་ཤེས་པ་ཡིས་བྱ། །འདི་ནི་སྔགས་རྣམས་
D442.081.0133a03.01ཐམས་ཅད་ཀྱི། །དམ་ཚིག་ཤིན་ཏུ་འདའ་དཀའ་བའོ། །བཤང་དང་གཅི་བ་ལ་སོགས་པ། །བྱེ་བྲག་ཏུ་ནི་ངེས་པར་དབུ་ལ། །འདི་ནི་སྐུ་ཡི་རྡོ་རྗེ་ཅན། །སྔགས་རྣམས་ཀུན་གྱི་དམ་ཚིག་གོ། །འདི་ནི་དེ་བཞིན་གཤེགས་པ་ཐམས་ཅད་ཀྱི་སྐུའི་དཀྱིལ་འཁོར་རོ། །དེ་ནས་བཅོམ་
D442.081.0133a04.01ལྡན་འདས་ཕྱག་ན་རྡོ་རྗེ་དེ་བཞིན་གཤེགས་པས་གསུང་རྡོ་རྗེ་ཐམས་ཅད་ཀྱི་དམ་ཚིག་གི་སྤྲིན་བཀོད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས་གསུང་རྡོ་རྗེའི་དཀྱིལ་འཁོར་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །དེ་ནས་དེ་ཕྱིར་གསུང་དཀྱིལ་འཁོར། །མཆོག་ཐུགས་
D442.081.0133a05.01དཀྱིལ་འཁོར་རབ་ཏུ་འདྲ། །དཀྱིལ་འཁོར་རྣམས་ནི་ཀུན་གྱི་མཆོག །ལེགས་པར་རབ་ཏུ་བཤད་པར་བྱ། །ཁྲུ་ནི་ཉི་ཤུའི་ཚད་དུ་བྱ། །གྲུ་བཞི་ལྷམ་པ་ཆོ་ག་བཞིན། །གྲྭ་བཞི་པ་ལ་སྒོ་བཞི་པར། །རྡོ་རྗེ་བསྒོམས་པས་ཐིག་གདབ་བོ། །ཉིད་ཀྱི་སྐུ་ཡི་དཀྱིལ་འཁོར་གནས། །རྡོ་
D442.081.0133a06.01རྗེའི་གསུང་གི་ཡོན་ཏན་བསྐྱེད། །རྒྱལ་པོ་ཆེན་པོ་རྡོ་རྗེ་ཆོས། །རིག་པའི་དབང་པོ་འཇུག་པར་བྱ། །དེ་དབུས་འཁོར་ལོ་ཆེན་པོ་ནི། །ཀུན་དུ་ཟླུམ་པོ་བྲི་བར་བྱ། །མདོར་ན་ཕྱག་རྒྱ་ཐམས་ཅད་ནི། །ཆོ་ག་བརྩོན་པས་བྲི་བར་བྱ། །ཚེ་དཔག་མེད་ཀྱི་ཕྱག་རྒྱ་ཆེ། །དེ་ཡི་དབུས་སུ་
D442.081.0133a07.01