完整藏文原文 · 德格版页 当前仅加载第 81 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
དབྱིངས་སངས་རྒྱས་ཐམས་ཅད་ཀྱིས། །ཡོངས་སུ་གང་བར་རབ་བསྒོམས་ལ། །གདུག་པ་དེ་ཡིས་བསད་པར་ནི། །བསམས་ནས་དེ་མ་ཐག་ཏུ་འཆི། །སངས་རྒྱས་བྱང་ཆུབ་སེམས་དཔའ་ཡིས། །ཡོངས་སུ་གང་བར་བསྒོམས་ནས་ནི། །གདུག་པའི་སེམས་དཔས་བསད་
D442.081.0129a01.01ན་ནི། །རྡོ་རྗེ་འཛིན་པ་ཉིད་ཀྱང་འཆི། །སངས་རྒྱས་གནོད་བྱེད་དགྲ་བོ་རྣམས། །སྐྲག་ཅིང་འཇིགས་པས་དཀྲུགས་པར་ནི། །སྔགས་མཁན་གྱིས་ནི་མདུན་བསམས་ན། །འཆི་བར་འགྱུར་འདིར་གདོན་མི་ཟ། །སྲིན་པོ་ཁྲོ་བོ་སྣ་ཚོགས་པ། །གཏུམ་ཞིང་ཁྲོ་བོ་མི་བཟད་པས། །སྐྲག་པར་
D442.081.0129a02.01གྱུར་པར་བསམས་དེས་ནི། །རྡོ་རྗེ་འཛིན་པ་ཉིད་ཀྱང་འཆི། །འུག་པ་ཁྲ་དང་བྱ་རྒོད་དང་། །མཆུ་རིངས་པ་དང་ཝ་རྣམས་ཀྱིས། །ཟོས་པར་བསམས་ན་དེ་ཡིས་ནི། །སངས་རྒྱས་དག་ཀྱང་ངེས་པར་འཇིག །སྦྲུལ་ནག་རབ་ཏུ་ཁྲོ་བ་ནི། །འཇིགས་པ་དག་ཀྱང་འཇིགས་བྱེད་པ། །དུག་གི་
D442.081.0129a03.01མཆོག་གི་དམ་ཚིག་ནི། །དཔྲལ་བར་བསམས་ན་འདི་ཁྱད་འཕགས། །སྦྲུལ་དེས་ཟོས་པར་གྱུར་པ་ཡིས། །བསྒྲུབ་བྱ་དག་ཀྱང་ངེས་པར་འཇིག །ཕྱོགས་བཅུའི་སེམས་ཅན་ཐམས་ཅད་ཀྱི། །ཡམས་སམ་ཉེ་བར་འཚེ་བ་རྣམས། །འཇིགས་པ་དགྲ་ལ་དབབ་པའི་མཆོག །འདི་ནི་
D442.081.0129a04.01བསྐུལ་བའི་མཆོག་ཡིན་ནོ། །ཐོ་བ་རབ་ཏུ་དྲག་པོ་ཡིས། །བརྟུལ་ཞུགས་ཅན་གྱིས་སྙིང་གར་བརྡེག །རྡོ་རྗེ་འཛིན་པའི་བཀའ་བཞིན་དུ། །དགྲ་ཡི་སྲོག་ནི་མེད་པར་འགྱུར། །རྡོ་རྗེ་ཅན་གྱིས་སྟ་རེ་སོགས། །གཤེག་ཅིང་གཏུབ་པར་བསམས་ན་ནི། །སྐུ་གསུམ་གྱི་ནི་མཆོག་སྦྱིན་
D442.081.0129a05.01པ། །རྡོ་རྗེ་སེམས་དཔའ་དྲག་པོའང་འཆི། །བསྲུང་བ་ལ་སོགས་དང་པོ་སྔགས། །ལྷ་རྣམས་ཀྱང་ནི་ཕུར་བུས་གདབ། །འདི་ནི་གསོད་བྱེད་མཆོག་གི་མཆོག །དམ་ཚིག་ཤིན་ཏུ་འདའ་དཀའ་བའོ། །ཕུང་པོ་རྡོ་རྗེས་དཀྱིལ་འཁོར་དུ། །སེམས་ཅན་ཇི་སྙེད་གནས་པ་ལ། །གསང་བདག་
D442.081.0129a06.01ཉིད་གཏོགས་བསམས་ན་ནི། །འདི་ལྟས་མཉེས་འགྱུར་གཞན་དུ་མིན། །སྟོན་པ་སངས་རྒྱས་རྡོ་རྗེ་འཛིན། །རྡོ་རྗེ་ཆོས་དང་རྡོ་རྗེ་ཅན། །བསམ་གཏན་སྦྱོར་བས་འཆི་བར་འགྱུར། །རྡོ་རྗེ་ཐུགས་ཀྱི་བཀའ་ཇི་བཞིན། །བཅོམ་ལྡན་འདས་ཁྲོ་བོ་ཆེན་པོའི་དམ་ཚིག་རྡོ་རྗེ་ཁྲོ་བོས་དེ་སྐད་ཅེས་བཀའ་
D442.081.0129a07.01