完整藏文原文 · 德格版页 当前仅加载第 81 函德格 124b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱོར་བས་བྱ་བ་ཡིན། །སངས་རྒྱས་བདག་ཉིད་ཆེན་པོའི་ཡང་། །སྙིང་ག་ནས་ནི་རྐང་པའི་བར། །རྡོ་རྗེ་ཕུར་བུ་རྣམ་པར་བསྒོམ། །དེ་ཉིད་གོང་དུ་དམ་ཚིག་བྱ། །ཕུར་བུའི་རྣམ་པར་འཕྲུལ་པ་འདི། །བསམ་གཏན་རྡོ་རྗེའི་སྦྱོར་བ་ཡིས། །སངས་རྒྱས་ཀྱིས་ཀྱང་ངེས་པར་འདེབས། །
D442.081.0124b01.01རྡོ་རྗེ་སེམས་དཔའ་རྒྱལ་པོ་ཆེ། །ཕུར་བུས་བཏབ་ན་མྱུར་དུ་འཆི། །དེ་ནས་བཅོམ་ལྡན་འདས་རྣམ་པར་སྣང་མཛད་ཆེན་པོའི་སྐུ་རྣམ་པར་འཕྲུལ་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། སྐུའི་དམ་ཚིག་ཚམ་ངམ་གྱི་རྡོ་རྗེ་ཕུར་བུའི་སྔགས་འདི་ཉིད་ཀྱི་སྐུ་གསུང་ཐུགས་རྡོ་རྗེ་
D442.081.0124b02.01ལས་ཕྱུང་ངོ་། །ཨོཾ་ཙྪིནྡྷ་ཙྪིནྡྷ། ཧ་ན་ཧ་ན། ད་ཧ་ད་ཧ། དཱིཔྟ་བཛྲ་ཙཀྲ་ཧཱུྃ་ཕཊ། ཕན་ཚུན་དཀྲི་བའི་ཚུལ་དང་ནི། །མཐེ་བོང་བཞི་ནི་རབ་ཏུ་བསྡམ། །རྣམ་པར་སྣང་མཛད་གནས་མནན་ཏེ། །རྡོ་རྗེ་ཕུར་བུ་ངེས་པར་གདབ། །བཏབ་མ་ཐག་ཏུ་སེམས་དཔའ་ཆེ། །རྡོ་རྗེ་སྐུ་གསུམ་
D442.081.0124b03.01ལས་བྱུང་བ། །དམ་ཚིག་མཆོག་གིས་ལྡང་བར་འགྱུར། །ཉམས་པའི་གནས་སུ་མི་འགྱུར་ནའོ། །དེ་ནས་བཅོམ་ལྡན་འདས་འཇིག་རྟེན་དབང་ཕྱུག་གསུང་གི་རྣམ་པར་འཕྲུལ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། གསུང་གི་དམ་ཚིག་ཚམ་ངམ་གྱི་
D442.081.0124b04.01རྡོ་རྗེ་ཕུར་བུའི་སྔགས་འདི་ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །ཨོཾ་ཧྲཱིཿབྷཱུར་བྷུ་བཿ། ཡེ་ཤེས་པདྨོ་ཁ་ཕྱེ་བ། །རྡོ་རྗེ་སོར་མོ་ངེས་པར་བཞག །འདོད་ཆགས་རྡོ་རྗེའི་གནས་མནན་ཏེ། །རྡོ་རྗེ་ཕུར་བུ་ངེས་པར་གདབ། །བཏབ་མ་ཐག་ཏུ་རྡོ་རྗེ་ཆེ། །སྐུ་གསུམ་དྲི་མེད་ལས་བྱུང་བ། །
D442.081.0124b05.01དམ་ཚིག་མཆོག་གིས་ལྡང་བར་འགྱུར། །ཉམས་པའི་གནས་སུ་མི་འགྱུར་ནའོ། །དེ་ནས་བཅོམ་ལྡན་འདས་རྡོ་རྗེ་འཆང་ཆེན་པོས་ཐུགས་རྣམ་པར་འཕྲུལ་པ་རྡོ་རྗེ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། ཐུགས་ཀྱི་དམ་ཚིག་ཚམ་ངམ་གྱིས་གནོན་པའི་སྔགས་འདི་
D442.081.0124b06.01ཉིད་ཀྱི་སྐུ་གསུང་ཐུགས་རྡོ་རྗེ་ལས་ཕྱུང་ངོ་། །ཨོཾ་བཛྲ་རཱ་ཛ་ཧཱུྃ། རྩེ་མོ་ལྔ་པར་བཅིངས་ནས་ནི། །འོད་འཕྲོ་མང་པོ་འཁྲིགས་པར་བསྒོམ། །སེམས་ཀྱི་རྡོ་རྗེའི་གནས་མནན་ཏེ། །རྡོ་རྗེ་ཕུར་བུས་ངེས་པར་གདབ། །བཏབ་པ་ཙམ་གྱིས་རྡོ་རྗེ་ཆེ། །རྡོ་རྗེ་དྲི་མེད་གསུམ་ལས་
D442.081.0124b07.01