完整藏文原文 · 德格版页 当前仅加载第 83 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
༄༅༅། །རྒྱ་གར་སྐད་དུ། ཤྲཱི་མཱཾ་རཀྟ་ཡ་མཱ་རི་ཏནྟྲ་རཱ་ཛ་ནཱ་མ། བོད་སྐད་དུ། དཔལ་ལྡན་གཤིན་རྗེ་གཤེད་དམར་པོའི་རྒྱུད་ཀྱི་རྒྱལ་པོ་ཞེས་བྱ་བ། གཤིན་རྗེ་མཐར་བྱེད་དམར་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་
D475.083.0215a01.01ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་འདྲེས་པར་གྱུར་པ་བདག་མེད་མའི་བྷ་ག་ལ་བཞུགས་སོ། །དེ་ལ་མགྲིན་པར་དམ་འཁྱུད་དེ། །རང་ཉིད་སེམས་ཅན་ཆེད་ཞུས་པ། །ཀྱཻ་རྡོ་རྗེར་གསུངས་པ་དང་། །ཐར་པ་དེ་བཞིན་སྡོམ་པར་ཡང་། །འདུས་པ་ལ་སོགས་རྒྱུད་དུ་
D475.083.0215a02.01ཡང་། །སླར་ཡང་ཆེས་མང་དུ་གསུངས་ཀྱང་། །སེམས་ཅན་བསམ་པ་ཡོངས་རྫོགས་བྱེད། །ད་ནི་བདག་གིས་རབ་བཤད་བྱ། །ཁ་ཅིག་རྒྱལ་སྲིད་འདོད་པ་དང་། །ཚེ་རིང་ནད་མེད་ཕུན་སུམ་ཚོགས། །ཞི་བ་ལ་སོགས་ལས་རྒྱས་པ། །སྣ་ཚོགས་རྒྱུད་དུ་གསུངས་པ་ཡང་། །
D475.083.0215a03.01གང་ཡང་མངོན་པར་སྤྱོད་པ་དང་། །དགྲ་ཡི་སྡེ་ཉམས་བྱེད་པ་དང་། །སྐྲོད་དང་འགུགས་དང་གསོད་པ་དང་། །སྣ་ཚོགས་རྒྱུད་དུ་མ་བརྗོད་པའི། །འཁྲུལ་འཁོར་འཇིག་རྟེན་གསུམ་རྙེད་དཀའ། །ཁྱོད་ལ་ཕན་པའི་ཐབས་གཟུང་ཕྱིར། །བཤད་བྱ་ལྷ་མོ་གུས་བཅས་ཉོན། །འཁྲུལ་
D475.083.0215a04.01འཁོར་གང་གི་མཐུ་སྟོབས་ཀྱིས། །རྟག་ཏུ་རྒྱལ་སྲིད་ཐོབ་བྱ་ནི། །ཇི་སྲིད་ཉི་མ་ཟླ་བ་བཞིན། །འཚོ་བར་འདོད་དོ་གལ་ཏེ་མིན། །ད་ནི་མིང་གི་སྤྱོད་ཡུལ་དུ། །ཁུ་བ་རེངས་དང་སྡེ་འགུགས་དང་། །མཁའ་སྤྱོད་ཉིད་དང་མཆོག་ཏུ་མྱུར། །དེ་ཡི་སྨན་ནི་བཤད་པར་བྱ། །དང་
D475.083.0215a05.01པོར་བྱམས་པ་བསྒོམ་པར་བྱ། །གཉིས་པར་སྙིང་རྗེ་དེ་བཞིན་ནོ། །གསུམ་པར་དགའ་བ་བསྒོམ་པར་བྱ། །བཞི་པར་བཏང་སྙོམས་རྣམ་བསྒོམ་བྱ། །འཇིག་རྟེན་ཆོས་རྣམས་བརྒྱད་པོ་ནི། །ཡོངས་བཏང་སྟོང་པར་བསམ་པར་བྱ། །སླར་ཡང་སྟོང་ཉིད་བྱང་ཆུབ་སྟེ། །གཉིས་
D475.083.0215a06.01པ་ལ་ནི་ས་བོན་བསྡུ། །བཞི་པར་ཡི་གེ་དགོད་པའོ། །ར་ཡིག་ལས་བྱུང་ཉི་མ་ལ། །ཧཱུྃ་བྱུང་སྣ་ཚོགས་རྡོ་རྗེའོ། །དེ་ཉིད་ཀྱིས་ནི་རྡོ་རྗེ་ཡི། །ར་བ་ཞེས་དང་དེ་བཞིན་དུ། །ས་གཞི་རྡོ་རྗེ་བཅིངས་པའོ། །དང་པོར་སྟོང་པར་བསྒོམ་པར་བྱ། །དེ་ནས་ཡི་གེ་ཨཾ་དམར་པོ་ཡོངས་
D475.083.0215a07.01