完整藏文原文 · 德格版页 当前仅加载第 83 函德格 231a 版页；藏文 NFD、目录标记与异常页序保留在来源切片中，重复版页行以稳定序号区分。
གཏོང་བྱེད་པ། །གང་གྲུབ་ཐོབ་པ་རྣམ་པར་སྤྱོད། །ཇི་སྲིད་ཀུན་དུ་དགའ་བའི་མཆོག །བདེ་བའི་གཟུགས་ནི་དེ་ཉིད་ཀྱིས། །ཡང་དག་ལྡན་པའི་སངས་རྒྱས་གཟུགས། །ཇི་སྲིད་ཁུ་བ་བསྟན་གྱུར་པར། །བདག་ཉིད་རྟག་ཏུ་བསྒོམ་པར་བྱ། །དེ་ནི་འཇིག་
D475.083.0231a01.01རྟེན་བདེན་པར་གྲགས། །ཡང་ན་དོན་མེད་ད་གང་ལས། །བཞི་པ་སླར་ཡང་དེ་བཞིན་ནོ། །འདིར་ནི་ཤེས་རབ་ཡེ་ཤེས་གང་། །མངོན་པར་དབང་བསྐུར་བཞི་པ་རུ། །བྱིས་པའི་སྐྱེ་བོ་སྨྲ་བར་འགྱུར། །དེ་ནི་སླར་ཡང་དེ་བཞིན་ཞེས། །བཞི་པ་དེ་ཉིད་གསུམ་པ་རུ། །དེ་
D475.083.0231a02.01བཞིན་བྱས་པར་མི་འགྱུར་ཏེ། །དང་པོའི་ཡན་ལག་ལས་སླར་ཡང་། །སྨོས་པ་སྐྱོན་འགྱུར་དེ་བཞིན་དུ། །བྱིས་པ་རྣམས་ཀྱི་རྒྱུ་གསུམ་པ། །གང་ཡིན་འབྲས་བུ་བཞི་པ་སྟེ། །རྒྱུ་འབྲས་དབྱེ་བ་མེད་པའི་ཕྱིར། །བཞི་པའང་གསུམ་པར་གྲུབ་པོ་ཞེས། །སྔར་བརྗོད་དོན་དམ་
D475.083.0231a03.01བདེན་པ་ཉིད། །གང་ལས་ཕྱག་རྒྱ་གསུམ་གྱིས་ནི། །འབྲས་བུ་གསུམ་ནི་སྒྲུབ་པའི་ཕྱིར། །གསང་སྔགས་ཚུལ་འདིར་སྦྱིན་སྲེག་འབྲས། །ཕྱག་རྒྱ་གསུམ་དང་བྲལ་བ་ཡིན། །ཨེ་མ་ཕྱག་རྒྱ་གསུམ་སྒྲུབ་ལ། །ལས་རྒྱ་ཡེ་ཤེས་ཕྱག་རྒྱ་ནི། །རྒྱུ་རུ་མི་འགྱུར་རོ་ཞེས་པ། །ལས་
D475.083.0231a04.01རྒྱ་ཡེ་ཤེས་ཕྱག་རྒྱ་ནི། །སྒོམ་པ་ཡོངས་སུ་སྤངས་པ་ལས། །ཕྱག་རྒྱ་ཆེན་པོ་ངེས་པར་སྒོམ། །འདིར་ནི་དབང་པོ་གཉིས་སྦྱོར་བ་དེ། །འདོད་པ་ཀུན་སྤྱོད་བདེ་བ་ཞེས། །འཛག་དང་མི་འཛག་མཚན་ཉིད་ཀྱི། །ངོ་བོའི་ཀུན་སྤྱོད་བདེར་མི་འགྱུར། །གསུམ་པ་རྒྱུ་ལ་མ་སྐྱེས་པ། །
D475.083.0231a05.01རིགས་ཀྱི་འཛག་པ་གསུམ་པའི་འབྲས། །དོན་དམ་བཞི་པར་མི་འགྱུར་རོ། །ཞེས་པས་ཁོང་དུ་ཆུད་པར་བྱའོ། །དབང་བསྐུར་བའི་ཆོ་གའི་ལེའུ་སྟེ་བཅུ་པའོ།། །།བཅོམ་ལྡན་འདས་བྲིས་སྐུའི་ཆོ་ག་གསུང་དུ་གསོལ། བཅོམ་ལྡན་འདས་ཀྱིས་
D475.083.0231a06.01བཀའ་སྩལ་བ། དམར་ཞིང་དཀར་བའི་བུད་མེད་དེ་ལ་འབད་པས་མཆོད་པར་བྱའོ། །སྐར་མ་རྒྱལ་ལ་བརྩམ་པར་བྱ་སྟེ། དེ་ཡང་མངོན་པར་དབང་བསྐུར་བར་བྱའོ། །དེ་ལ་དོག་བ་དམར་ཞིང་དཀར་བ་ཐག་པས་འབད་པས་འཐག་པའི་རྒྱུ་དང་སྤུན་དེ་ལ་སྦྱིན་པར་བའོ། །
D475.083.0231a07.01