完整藏文原文 · 德格版页 当前仅加载第 83 函德格 237b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གསུམ་འབྱུང་སྟེ། སྡུག་བསྔལ་ཞེས་བྱ་བ་རྣམས་སུ་ཉོན་མོངས་པ་ཞེས་བྱ་བ་གཉིས་པོ་དེ་ཉིད་ནི་རབ་ཏུ་འཁོར་བར་བྱེད་པས་སྲིད་པའི་འཁོར་ལོའོ། །དེ་ལ་སྲིད་པ་ནི་ལས་ཀྱི་གཟུགས་ཀྱིས་སྒྲ་གཅན་ནོ། །དེ་ཡང་མིང་གསུམ་པ་ཅན་འདིར་འཁོར་ལོ་བྱུང་བ་ལས་འཇིག་རྟེན་
D475.083.0237b01.01བདུན་པོ་དེར་ཡོངས་སུ་འཁོར་བར་བྱེད་དོ། །ནིའི་སྒྲ་ནི་ངེས་པའི་དོན་ནོ། །དཔེར་ན་ཟླ་བ་ཤར་དུ་ཡོངས་སུ་འཁོར་བར་བྱེད་པ་བཞིན། སྲིད་པའི་འཁོར་ལོའོ། །དེ་བཞིན་དུ་རྫོགས་པར་འབྱུང་བ་ནི་མ་ཡིན་ནོ། །དེ་ལྟ་མོད་ཀྱི་ངེས་པ་ནི་མེད་དོ། །ཞེས་པས་ནི་སྒྲའོ། །
D475.083.0237b02.01དེ་ནས་ད་ནི་ལུས་ཅན་ཐམས་ཅད་དབང་ཕྱུག་བྱེད་པ་པོ་དང་། བྱེད་པ་ཅི་ཡིན་ཞེ་ན་བརྗོད་པར་བྱ་སྟེ། འགྲོ་བ་ཐམས་ཅད་ཕན་ཚུན་དུ་རྒྱུ་དང་འབྲས་བུ་ཡང་འགའ་ཞིག་ཀྱང་འདིར་མེད་དེ། སེམས་ཅན་ལ་གཞན་དུ་ཉེ་བར་བཏགས་པ་ལས་སོ། །རྒྱུ་ཡི་ཡང་འདི་ཡོངས་སུ་བྱེད་
D475.083.0237b03.01པ་ལ་རྒྱུར་ཉེ་བར་བཏགས་པ་ཙམ་མོ། །དེའི་ཕྱིར་རྫས་གཞན་ལ་སེམས་ཅན་དུ་བདེན་ནོ་ཞེས་སོ། །དེ་ནས་ད་ནི་གནས་པའི་འཇིག་རྟེན་ལས་ཕ་རོལ་གྱི་འཇིག་རྟེན་དུ་རྗེས་སུ་འགྲོ་བ་ཅི་ཞེ་ན་བརྗོད་པར་བྱ་སྟེ། འཇིག་རྟེན་ཕ་རོལ་གྱི་དོན་ཙམ་ཡང་དངོས་པོ་སྟེ། འཕོ་བ་ནི་མེད་དོ། །
D475.083.0237b04.01འོན་ཀྱང་སྟོང་པ་ཁོ་ན་ལས་སྟོང་པའི་ཆོས་རྣམས་རབ་ཏུ་འབྱུང་སྟེ། འཕོ་བ་ཡང་མེད་དོ། །ཆོས་རྣམས་ལས་ནི་བདག་གི་བ་མེད་པའི་ཉོན་མོངས་དང་ལས་ཀྱི་མིང་ཅན་ལྔ་པོ་རྣམས་ལས་བདག་དང་བདག་གི་བས་སྟོང་པའི་འབྲས་བུའི་མིང་ཅན་བདུན་པོའི་ཆོས་རྣམས་རབ་
D475.083.0237b05.01ཏུ་འབྱུང་སྟེ། འཕོ་བ་ཡང་མེད་དོ་ཞེས་པ་དེ་ལྟ་བུར་འཛིན་པའི་རང་བཞིན་དུ་བདག་ཏུ་གནས་པ་རྣམས་ལས་རང་བཞིན་དང་བྲལ་བའི་སྟོང་པའི་ཆོས་བདུན་པོ་རྣམས་རབ་ཏུ་འབྱུང་སྟེ། འཕོ་བ་ཡང་མེད་དོ། །དེའང་འདི་དག་བསྟན་པ་ཅི་ཞེ་ན། འདིར་བརྗོད་པར་བྱ་སྟེ། ལེགས་
D475.083.0237b06.01པར་ཀློག་དང་སྒྲོན་མེ་རྒྱ། །མེ་ལོང་སྒྲ་དང་ཉི་མ་འཕོ། །ས་བོན་མིག་གི་ངེས་བསྟན་པ། །ཞེས་པ་ནི་དེ་ཁོ་ན་ཉིད་ལས་འགྲོ་བ་མེད་པ་ཉིད་དང་། རང་བཞིན་གྱིས་བདག་ཀྱང་མེད་དེ། ཐ་སྙད་དུ་འཇིག་རྟེན་ཕ་རོལ་ཡོད་དོ། །ཞེས་པའོ། །དཔེར་ན་བླ་མ་ལས་ཀློག་པར་བྱེད་པ་
D475.083.0237b07.01