完整藏文原文 · 德格版页 当前仅加载第 83 函德格 217a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་མ་དཀར་མོ་དང་སྦྱོར་བའོ། །བྱང་གི་འདབ་མའི་ཉི་མ་ལ་ཕྲག་དོག་གཤིན་རྗེའི་གཤེད་སྔོ་བསངས་གཽ་རཱི་མ་དང་སྙོམས་པར་འཇུག་པའོ། །ཡང་ན་ཐམས་ཅད་ཀྱང་གཤིན་རྗེའི་གཤེད་དམར་པོ་དང་། རོ་ལངས་མ་དང་མཚུངས་པར་བསྒོམ་པར་བྱའོ། །མེ་རུ་མུ་
D475.083.0217a01.01མེན་གྱི་བུམ་པ་བཞི་མཉམ་སྦྱར་བས་གང་བའོ། །བདེན་བྲལ་དུ་གསེར་གྱི་བུམ་པ་གླ་རྩིས་གང་བའོ། །དེ་བཞིན་དུ་རླུང་དུ་བྱི་རུའི་བུམ་པ་སི་ཧླས་གང་བའོ། །དབང་ལྡན་དུ་དངུལ་གྱི་བུམ་པ་ག་བུར་གྱིས་གང་བ་ཇི་ལྟ་བ་བཞིན་ནོ། །ཐོད་པ་གང་བ་བལྟས་ནས་ཉི་མ་དང་ཟླ་བ་ཀུན་རྫོགས་པ་
D475.083.0217a02.01དག་ལའོ། །འདི་ཉིད་བདེ་བ་ཆེན་པོ་དང་ཟུང་དུ་འཇུག་པ་མཆོག་ལས་གཞན་པ་མ་ཡིན་པའོ། །དེ་ནས་རང་གི་སྙིང་གར་པདྨ་དང་། ཉི་མ་ལ་གནས་པའི་ཧཱུྃ་ཡིག་ལས་སྐྱེས་པ་དེའི་འོད་ཟེར་རྣམས་ཀྱིས་དཀྱིལ་འཁོར་གྱི་འཁོར་ལོ་ལ་མཆོད་པ་ཀུན་གྱིས་མཆོད་ནས། ཛཿཧཱུྃ་བཾ་ཧོཿཞེས་པས་
D475.083.0217a03.01བདེན་པར་དགུག་པ་དང་། གཞུག་པ་ལ་སོགས་པ་དང་མཆོད་པར་བྱའོ། །སེམས་ཅན་རྣམས་ཐམས་ཅད་བླ་མའི་མན་ངག་ཇི་ལྟ་བ་ལས་སོ་ཞེས་རྣལ་འབྱོར་གཉིས་པའོ། །དེ་ནས་ཕྱོགས་བཅུར་བཞུགས་རྣལ་འབྱོར། །རྣལ་འབྱོར་མ་ཚོགས་དེ་རྣམས་ལ། །བློ་དང་ལྡན་པས་སྔར་
D475.083.0217a04.01བཞིན་དགུག །མཆོད་ཅིང་དབང་བསྐུར་ལ་སོགས་པ། །ཞེས་ཏེ། དེ་བཞིན་གཤེགས་པ་རྣམས་ཀྱིས་དབང་བསྐུར་བཞིན་པ་ལ་སྤྱན་མ་ལ་སོགས་པ་རྣམས་ཀྱིས་ཀུན་དགའ་བའི་ཐུགས་ཀྱིས་སྣ་ཚོགས་པར་གྱུར་པའི་གླུ་ལ་སོགས་པ་དང་གར་གྱིས་བདུད་རྩི་ལྔ་ཡིས་གང་བའི་བུམ་པ་
D475.083.0217a05.01རྣམས་ཀྱིས། །དབང་བསྐུར་རིན་ཆེན་ཆེན་པོ་ལ། །ཁམས་གསུམ་པ་ཡིས་ཕྱག་བྱས་པ། །སངས་རྒྱས་ཀུན་གྱི་གསང་གསུམ་གྱི། །གནས་ལས་བྱུང་བ་སྦྱིན་པར་བྱ། །ཞེས་ཀློག་ཅིང་བསྟོད་པས། དཀྱིལ་འཁོར་བ་ཐམས་ཅད་ཀྱི་དབུ་ལ་ཁུ་བ་སྟེར་དུ་འབྱུང་བ་ལས། རྡོ་རྗེ་
D475.083.0217a06.01སེམས་དཔའི་རྒྱས་བཏབ་པར་བསམ་མོ། །ཆོ་གའོ། །གཏི་མུག་དང་། ཕྲ་མ་དང་། འདོད་ཆགས་དང་། ཕྲག་དོག་རྣམས་ཀྱིས། གསོལ་བ་འདེབས་པར་བྱེད་པ་ནི། ཀྱེ་ཀྱེ་གཤིན་རྗེའི་གཤེད་དམར་པོ། །བླ་མ་སྲིན་པོའི་གཟུགས་རང་བཞིན། །ཁོ་བོས་ཁྱོད་མཐོང་རྣམ་པར་
D475.083.0217a07.01