完整藏文原文 · 德格版页 当前仅加载第 83 函德格 237a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་རྣམས་སུ་ཇི་ལྟ་བ་བཞིན་དུ་བསྡུས་ནས་འགྲོ་སྟེ། དཔེར་ན་ཆུ་བཞིན་ནོ། །སླར་ཡང་ཉོན་མོངས་པ་རྣམས་དང་། ལས་རྣམས་དང་། སྡུག་བསྔལ་ཏེ་དེ་རྣམས་ཇི་ལྟ་བ་བཞིན་དུ་འདི་གསུམ་བསྡུས་ནས་ཇི་ལྟར་འགྲོ་ཞེ་ན། བརྗོད་པར་བྱ་སྟེ། དང་པོ་བརྒྱད་དགུ་
D475.083.0237a01.01ཉོན་མོངས་འགྱུར་ཞེས་པ་ནི། ཡན་ལག་བཅུ་གཉིས་པོ་འདི་རྣམས་ཀྱི་ཁྱད་པར་གྱི་ནང་ནས། དང་པོ་མ་རིག་པ་དང་བརྒྱད་པ་སྲེད་པ་དང་། དགུ་པ་ཉེ་བར་ལེན་པ་ཞེས་པ་གསུམ་པོ་འདི་རྣམས་ཉོན་མོངས་པ་སོ་སོར་བསྡུས་པར་རྟོགས་པར་བྱའོ། །གཉིས་པ་བཅུ་པ་ལས་ཡིན་ཏེ་ཡང་ཅི།
D475.083.0237a02.01འདུ་བྱེད་ནི་གཉིས་པའོ། །སྲིད་པ་ནི་བཅུ་པའོ། །འདི་དག་ལས་སུ་བསྡུས་པར་རིག་པར་བྱའོ། །ལྷག་མ་བདུན་ནི་སྡུག་བསྔལ་ཡིན། ཉོན་མོངས་པ་དང་ལས་སུ་བསྡུས་པ་འདི་རྣམས་ཀྱི་ལྷག་མ་གང་ཡིན་པའི་ཡན་ལག་གི་ཁྱད་པར་བདུན་ནི་སྡུག་བསྔལ་དུ་བསྡུས་པར་རིག་
D475.083.0237a03.01པར་བྱའོ། །འདི་ལྟ་སྟེ། རྣམ་པར་ཤེས་པ་དང་། མིང་དང་། གཟུགས་དང་། སྐྱེ་མཆེད་དྲུག་དང་། རེག་པ་དང་། ཚོར་བ་དང་། སྐྱེ་བ་དང་། རྒ་ཤི་ཡང་ངོ་ཞེས་པ་སྟེ། ཡང་གི་སྒྲ་རབ་ཏུ་སྦྱོར་བ་ནི་བསྡུ་བ་ཡང་དག་པར་རབ་ཏུ་སྦྱོར་བ་སྟེ། མ་རིག་པ་ལ་སོགས་པ་
D475.083.0237a04.01རྣམས་སྡུག་བསྔལ་དུ་ཡང་དག་པར་སྡུད་པར་བྱེད་དོ། །དེ་བཞིན་ཆོས་བཅུ་གཉིས་པོ་འདི་རྣམས་ཐམས་ཅད་ནི་ཉོན་མོངས་པ་དང་། ལས་དང་། སྡུག་བསྔལ་ཞེས་བྱ་བ་གསུམ་དུ་བསྡུས་ཏེ། དམན་པ་དང་ལྷག་པ་ཡོད་པ་མ་ཡིན་པར་ཤེས་པར་བྱེད་པའི་དོན་ལས་སོ། །ནིའི་སྒྲ་
D475.083.0237a05.01ནི་འདི་རྣམས་མདོ་རུ་ངེས་པར་བསྟན་པ་དེ་སྲིད་དུ་ཡོངས་སུ་བགྲངས་པ་འདི་དག་མཆོག་ཏུ་ཡོད་དོ་ཞེས་བརྗོད་པར་བྱའོ། །ཅི་སྟེ་གང་ལས་འདི་རྣམས་ལས་དང་ཉོན་མོངས་རྣམས་ཀྱིས་དང་། ལས་དང་སྡུག་བསྔལ་རྣམས་ཀྱིས་འགྱུར་ཞེ་ན། བརྗོད་པར་བྱ་སྟེ། གསུམ་རྣམས་ཟླས་
D475.083.0237a06.01དབྱེར་འགྱུར་བ་ནི། ཟླས་དབྱེ་བ་ལས་འགྱུར་རོ། །བདུན་པ་ཉོན་མོངས་པ་ཞེས་བྱ་བ་ནི། གསུམ་རྣམས་སུ་ཟླས་དབྱེ་བར་འགྱུར་རོ། །ལས་ཞེས་བྱ་བ་ཟླས་དབྱེར་འགྱུར་ཏེ། ཟླས་དབྱེ་བ་ལས་རབ་ཏུ་འགྱུར་བ་ཁོ་ནའོ། །སྡུག་བསྔལ་ཞེས་པ་སྔར་བཞིན་དུ་ངེས་པར་བསྟན་པ་ལས་བདུན་
D475.083.0237a07.01