完整藏文原文 · 德格版页 当前仅加载第 83 函德格 236b 版页；藏文 NFD、目录标记与异常页序保留在来源切片中，重复版页行以稳定序号区分。
ནི་མིང་དང་གཟུགས་ལ་སོགས་པའི་ཡན་ལག་བཞིའོ་ཞེས་སོ། །ཡན་ལག་བཅུ་གཉིས་ཁྱད་པར་ལས། །ཐུབ་པས་རྟེན་ཅིང་ཀུན་འབྱུང་བསྟན། །ཇི་སྲིད་ཉོན་མོངས་ལས་དང་ནི། །སྡུག་བསྔལ་གསུམ་དུ་དེ་རྣམས་འདུས། །དང་པོ་བརྒྱད་པ་དགུ་ཉོན་མོངས། །གཉིས་པ་
D475.083.0236b01.01བཅུ་པ་ལས་སུ་འགྱུར། །ལྷག་མ་བདུན་ནི་སྡུག་བསྔལ་ཡིན། །བཅུ་གཉིས་པོ་ནི་གསུམ་འདུས་ཕྱིར། །ཆོས་གསུམ་པོ་ནི་བསྟན་པར་འགྱུར། །བཟླས་དབྱེ་གཉིས་སུ་དེ་འགྱུར་རོ། །བདུན་བདུན་དག་ཏུ་འགྱུར་པ་ཡིན། །དེ་ཉིད་ཡང་ཡང་དེ་འཁོར་ཞིང་། །འཁོར་བས་སྲིད་
D475.083.0236b02.01པའི་འཁོར་ལོའོ། །འགྲོ་བ་ཕན་ཚུན་རྒྱུ་དང་འབྲས། །འགའ་ཞིག་འདིར་མེད་སེམས་ཅན་སྟོང་། །དེ་ལྟར་སྟོང་ལས་ཆོས་རབ་འབྱུང་། །ཆོས་ལས་འཕོ་བའང་ཡོད་མིན་ཏེ། །ལེགས་པར་ཀློག་དང་མར་མེ་རྒྱ། །མེ་ལོང་སྒྲ་དང་ཉི་མ་འཕོ། །ས་བོན་ལས་ནི་ཕུང་པོ་འདི། །
D475.083.0236b03.01མཚམས་སྦྱོར་བ་དང་འཕོ་བ་མེད། །སེམས་ཀྱི་ཀུན་སྤྱོད་འདུལ་བར་འགྲོ། །འདིར་བརྗོད་ཡན་ལག་བཅུ་གཉིས་ནི། །ཁྱད་པར་ཐུབ་པས་བསྟན་པ་ཡིན། །ཅི་ལྟར་རྟེན་ཅིང་ཡང་དག་འབྱུང་། །དེ་རྣམས་བསྡུས་པར་ཤེས་པར་བྱ། །སོ་སོར་ངེས་བསྟན་ཉན་པར་
D475.083.0236b04.01འདོད། །དེ་དེ་སངས་རྒྱས་སྤྱོད་ཡུལ་ཞེས། །སློབ་དཔོན་འདིར་བརྗོད་གནས་པའོ། །ཉོན་མོངས་ལས་དང་སྡུག་བསྔལ་རྣམས། །ཞེས་པས་ཇི་སྲིད་བསྡུས་པའོ། །དེ་ལ་གཉིས་དག་གིས་ལྷག་པའི་བཅུ་སོ་སོར་བསྟན་པ་ལ། ཡན་ལག་ཅེས་པ་འདི་དག་གི་ཆ་ཤས་ཀྱི་ཁྱད་པར་
D475.083.0236b05.01རོ། །དཔེར་ན་ཨཾ་ག་བཾ་གའི་དངོས་པོའི་ཁྱད་པར་ནི་བསྔགས་པའོ། །ཞེས་ཏེ། ཨཾ་ག་ནི་ཁྱད་པར་རོ། །ལུས་དང་ངག་དང་ཡིད་འཁྲིག་པ་ལས་ཐུབ་པ་དེས་ནི་ཐུབ་པས་སོ། །བསྟན་པ་ནི་རབ་ཏུ་གསལ་བར་གསུངས་པའོ་ཞེས་པ་རྣམ་གྲངས་སོ། །དེ་རྣམས་ཀྱི་གཙོ་བོ་དང་།
D475.083.0236b06.01རང་བཞིན་དང་། དབང་ཕྱུག་ཏུ་ངེས་པ་དང་། ཕྱོགས་སྐྱོང་བ་དང་། ངོ་བོ་ཉིད་ལ་སོགས་པ་མ་ཡིན་གྱི། ཡན་ལག་བཅུ་གཉིས་ཀྱི་ཁྱད་པར་རོ། །དེ་ལྟ་མོད་ཀྱི་ཉོན་མོངས་པ་རྣམས་ལ་ལས་དང་སྡུག་བསྔལ་རྣམས་སུ་སྟེ། ཕན་ཚུན་བསྟེན་པ་དབྱུག་གུ་གསུམ་གྱི་ཚུལ་གྱིས་
D475.083.0236b07.01