完整藏文原文 · 德格版页 当前仅加载第 83 函德格 225a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་བྱིན་ནས་བཏུང་བར་བྱའོ། །དེ་ནས་བཟའ་བར་བྱའོ། །འཁོགས་པ་འོ་མས་བཏུང་བར་བྱ་སྟེ། ཉི་མ་བདུན་ནམ་གསུམ་གྱི་བར་དུ་ཇི་སྲིད་པར་རླུང་དང་ཚད་པ་སྤང་ངོ་། །བྱ་བ་ཇི་ལྟ་བུ་དང་། བྱ་བ་ཕྱི་མ་ཇི་ལྟ་བུས་དེའི་སྐྲ་ལ་སོགས་པ་ལྟུང་བར་བྱེད་
D475.083.0225a01.01དོ། །དེ་ནས་སྐྲ་དཀར་དང་གཉེར་མ་སྤངས་ཏེ་ལོ་བརྒྱ་ཕྲག་ལྔར་འཚོ་བར་བྱེད་དོ། །ཁྲག་སྐྲོད་པའི་རྩ་བ་དང་། མར་དང་སྦྲང་རྩི་བྱི་ལའི་རྐང་པ་ཙམ་བཟའ་བར་བྱ་སྟེ། འབྲས་བུ་ནི་ཇི་ལྟ་བ་བཞིན་ཁོ་ནའོ། །སྐྱུ་རུ་ར་དང་། ཨ་རུ་ར་དང་། བུང་བའི་རྒྱལ་པོ་དང་།
D475.083.0225a02.01པི་པི་ལིང་དང་། ན་ལེ་ཤམ་དང་། ལྕགས་ཀྱི་ཕྱེ་མ་རྣམས་སྦྲང་རྩི་དང་། ཤ་ཀ་ར་དག་གིས་ཨུ་དུམ་བཱ་རའི་འབྲས་བུའི་ཚད་ཀྱིས་རིལ་བུར་བྱའོ། །དེ་ནས་རིལ་བུ་བཟའ་བར་བྱ་སྟེ། ཟླ་བས་ཚེ་ལོ་སུམ་ཅུར་འགྱུར་རོ། །ཀུ་མཱ་རི་སྲང་གཅིག་དང་། མར་དང་། ཞོ་
D475.083.0225a03.01དང་ལྡན་པས་བཟའ་བར་བྱ་སྟེ་སྟོབས་ཆེན་པོར་འགྱུར་རོ། །བྷ་ཏྲཱ་ལཱི་དང་། ལི་ག་དུར་སུམ་འགྱུར་གྱི་ཨ་རུ་ར་དང་། ཆུ་ཆ་གཅིག་ལ་སོགས་པ་ཟོས་པས་སྟོབས་ཆེན་པོར་འགྱུར་རོ། །ཐམས་ཅད་དུ་བདག་ཉིད་ལྷའི་རྣམ་པར་བཟའ་བར་བྱའོ། །སྔགས་ཀྱིས་མཉེས་
D475.083.0225a04.01ཤིང་བྱིན་གྱིས་བརླབ་པར་བྱའོ། །ཁུ་བ་རེངས་པའི་ལེའུ་སྟེ་ལྔ་པའོ།། །།དེ་ནས་དན་དའི་ཤིང་གི་རྩ་བ་ཕབས་ཀྱིས་བཏགས་ནས་མགོ་ལ་མཉེ་བར་བྱ་སྟེ། མགོ་བོའི་གཟེར་འཇོམས་པར་བྱེད་དོ། །སྦྲང་དང་མར་དང་མིག་སྨན་དུ་བྱ་སྟེ། མཚན་མོ་
D475.083.0225a05.01ལོང་བ་འཇོམས་སོ། །ཤིང་སེ་ཕ་ལའི་འབྲས་བུའི་རྩ་བ་ཟོས་པ་ལས་སྦ་བ་འཇོམས་པར་བྱེད་དོ། །ལ་ཕུག་གི་ས་བོན་དང་། པྲི་ཡང་ཀུ་དང་། ཙནྡན་དམར་པོ་དང་། རུ་རྟ་བཏགས་ནས་དྲིལ་ཕྱིས་བྱས་པ་ལས་སྤྲེའུ་ལ་སོགས་པ་རྣམ་པར་འཇོམས་སོ། །
D475.083.0225a06.01ཤ་བའི་ཤ་སྐམ་པོ་དང་རའི་འོ་མ་བཏུང་བར་བྱ་སྟེ། གཟའ་རྣམས་འཇོམས་སོ། །སྐྱུ་རུ་ར་དང་པི་པི་ལིང་དང་། ཙི་ཏྲ་ཀ་དང་། སྒེའུ་གཤེར་དང་བུ་རམ་རྙིང་པ་དང་། མར་དང་སྦྲང་རྩི་མཉམ་པར་བཟའ་བར་བྱ་སྟེ། དུས་མ་ཡིན་པའི་ལུད་པ་དང་དབུགས་མི་
D475.083.0225a07.01