完整藏文原文 · 德格版页 当前仅加载第 83 函德格 233b 版页；藏文 NFD、目录标记与异常页序保留在来源切片中，重复版页行以稳定序号区分。
ཛཿ། ཞེས་པའི་སྔགས་འདིས་ཤར་ཕྱོགས་ཀྱི་ཆ་བ་རྣམས་ལ་བཀའ་བསྒོ་བ་དང་། རང་ཉིད་སོང་ནས་བགེགས་ཀྱི་ཚོགས་རྣམས་ཀྱི་མགྲིན་པར་ཞགས་པས་བཅིངས་ནས་སྙིང་གར་ལྕགས་ཀྱུས་ཕུག་སྟེ་འགུགས་བཞིན་པར་བསམ་པར་བྱའོ། །དབང་པོ་སེར་པོ་སྤྱན་སྟོང་པ་ཕྱག་ན་རྡོ་རྗེ་འཛིན་པས་སྲུང་དཀར་
D475.083.0233b01.01པོ་ལ་ཞོན་པའོ། །ལྷོ་རུ་གཤིན་རྗེ་ནག་པོ་ལག་ན་དབྱུག་པ་ཅན་མ་ཧེ་ལ་ཞོན་པའོ། །ནུབ་ཏུ་ཆུ་ལྷ་དཀར་པོ་ཆུ་སྲིན་མ་ཀ་ར་ལ་ཞོན་པ་ལག་ན་ཀུ་མུ་ད་ཅན་ནོ།།བྱང་གི་འདབ་མར་གནོད་སྦྱིན་སེར་པོ་མི་ལ་ཞོན་པ་ལག་ན་དཔལ་འབྲས་ཐོགས་པའོ། །འདི་རྣམས་ཐམས་ཅད་རྒྱན་ཐམས་ཅད་ཀྱིས་བརྒྱན་པ་རིན་པོ་
D475.083.0233b02.01ཆེའི་ཅོད་པན་ཅན། གཤིན་རྗེའི་ཉི་མའི་གདན་དང་ཉི་མའི་འོད་ཅན་ནོ། །ལྷག་མ་རྣམས་ཟླ་བའི་གདན་དང་ཟླ་བའི་འོད་ཅན་ནོ། །དབང་ལྡན་གྱི་འདབ་མར་འབྱུང་པོའི་བདག་པོ་དཀར་པོ་མིག་གསུམ་པ་རལ་པའི་ཅོད་པན་ཅན་ཁྱུ་མཆོག་ལ་ཞོན་པ་ལག་ན་མདུང་ཐོགས་པ་སྟག་གི་པགས་པའི་གོས་འཛིན་པ་ལུས་
D475.083.0233b03.01ཐལ་བས་བྱུགས་པ། རུས་པའི་རྒྱན་ཐམས་ཅད་ཀྱིས་བརྒྱན་པ་ཟླ་བའི་གདན་དང་ཟླ་བའི་འོད་དོ། །མེའི་འདབ་མ་ལ་མེ་ལྷ་སེར་པོ་བོང་ཐུང་ཞིང་གསུས་པ་འཕྱང་བར་ལ་ཞོན་པ་བགྲང་ཕྲེང་དང་རིལ་བ་སྤྱི་བླུགས་འཛིན་པ། རལ་པའི་ཅོད་པན་ཅན་ཉི་མའི་གདན་དང་ཉི་མའི་འོད་དཔའ་བོའི་གོས་སོ། །བདེན་བྲལ་གྱི་འདབ་མ་
D475.083.0233b04.01ལ་སྲིན་པོ་སྐྲ་གྲོལ་བ་ཅན་ལག་ན་གྲི་གུག་དང་ཐོད་པ་འཛིན་པ། ཁྲོས་པ་སྨིན་མ་ཁྲོ་གཉེར་དང་བཅས་པ་ནག་པོ་རོའི་སྟེང་ན་ཉི་མའི་གདན་དང་ཉི་མའི་འོད་མངའ་བའོ། །རླུང་ཕྱོགས་ཀྱི་འདབ་མ་ལ་རླུང་ལྷ་ལྗང་ཞིང་དམར་བ་ལག་ན་བ་དན་ཐོགས་པ། །རིན་པོ་ཆེའི་ཅོད་པན་ཅན། {རི་དགས་,རི་དྭགས་}ལ་ཞོན་པ་ཟླ་བའི་གདན་དང་
D475.083.0233b05.01ཟླ་བའི་འོད་ཅན། རྒྱན་ཐམས་ཅད་འཛིན་པའོ། །ཟེ་འབྲུ་ལ་སའི་ལྷ་མོ་སེར་མོ་ལྷའི་གོས་དང་རྒྱན་ཐམས་ཅད་ཀྱིས་བརྒྱན་པ། །ཟླ་བའི་གདན་དང་ཟླ་བའི་འོད་དང་{ཡི་དགས་,ཡི་དྭགས་}དང་སའི་ལྷས་ཀུན་ནས་བསྐོར་ཏེ་གནས་པའོ། །དབང་པོ་ལ་སོགས་པ་རྣམས་གཡོན་ན་ཀླུའི་ཞགས་པ་འཆང་བ་ཐམས་ཅད་ཀྱང་
D475.083.0233b06.01གཡོན་བརྐྱང་བའི་ཞབས་ཀྱིས་གནས་པའོ། །སྟེང་དུ་ཆོས་འབྱུང་ལ་གནས་པའི་པདྨ་འདབ་མ་བརྒྱད་ལ་ཤར་གྱི་འདབ་མ་ལ་ཟླ་བ་དཀར་པོ་རྟ་ལ་ཞོན་པ་རིན་པོ་ཆེ་དཀར་པོའི་ཅོད་པན་ཅན་ཟླ་བའི་འོད་དོ། །ལྷོའི་འདབ་མ་ལ་ཉི་མ་དམར་པོ་ཕྱག་གཉིས་པ་པདྨ་འཛིན་པ། རྟ་ལྗང་གུ་ལ་ཞོན་པ་རིན་པོ་ཆེའི་ཅོད་པན་དང་
D475.083.0233b07.01