完整藏文原文 · 德格版页 当前仅加载第 83 函德格 244b 版页；藏文 NFD、目录标记与异常页序保留在来源切片中，重复版页行以稳定序号区分。
གསོ་སྦྱོང་སྦྱིན་པར་བྱ། །ཕྱི་ནས་བསླབ་པའི་གནས་ལྔ་སྦྱིན། །བྱེ་བྲག་སྨྲ་བ་འབད་པས་བསླབ། །མདོ་སྡེ་པ་ཡང་དེ་བཞིན་ནོ། །དགེ་བ་བཅུ་ལ་གོམས་གྱུར་ཅིང་། །བླ་མ་ལ་གུས་འདུལ་ལ་མོས། །དབུ་མའང་སློབ་ཏུ་བཅུག་ནས་ནི། །སྔགས་ནི་ཀུན་ཏུ་བརྩམ་པར་བྱ། །གསང་ལས་ཤིན་ཏུ་གསང་བའི་
D475.083.0244b01.01རྒྱུད། །མྱུར་དུ་ཕུན་སུམ་ཚོགས་པའི་རྒྱུ། །ཆོ་གའི་སྦྱོར་བ་འདིས་མྱུར་དུ། །བསླབ་པ་ཐོས་ནས་སྤྱོད་ཡུལ་བཟང་། །བདུད་བཞི་རྣམས་སྤངས་རྣལ་འབྱོར་པས། །ལྷ་ཡི་སྦྱོར་བས་གནས་པར་བྱ། །སྟ་རེས་གཅོད་པ་དང་ཐོད་ལེ་ཀོར་བྱས་ནས་ཉི་མ་གཟས་ཟིན་པའི་དུས་སུ་མི་བསྐྱོད་པས་གཏོར་ཏེ། དེ་
D475.083.0244b02.01ནས་རྐང་པ་གཉིས་ཀྱིས་མནན་ནས་སྔགས་བཟླས་པར་བྱའོ། །གསང་སྔགས་འབུམ་ཕྲག་གཅིག་བཟླས་ན་ཐིག་ལེ་འཆིང་ངོ་། །གཤིན་རྗེའི་སྟོབས་སུ་འགྲོ་སྟེ་དེ་གསལ་བར་བྱེད་དོ། །བདག་གི་ལྟེ་བར་བསྒོམ་པའི་མན་ངག་གོ། །གང་གང་སྐད་ཅིག་ལས་བརྩམས་ཏེ། །དེ་ཡི་ཉི་མས་བསྒྲུབ་པར་
D475.083.0244b03.01བྱ། །ཉི་མ་ལྔ་ཡི་མཐར་ཐུག་བྱ། །ལོག་པར་སྨྲ་བའི་འཇིག་རྟེན་ལས། །ལེགས་སྦས་རབ་ཏུ་གསལ་བ་ནི། །དེ་ཉིད་འདུས་པའི་རྣལ་འབྱོར་མཆོག །རྣལ་འབྱོར་མ་ཀུན་དེ་ཉིད་བསྟན། །བཟླས་བརྗོད་འབུམ་ཕྲག་གཅིག་ཏུ་བརྗོད། །བརྟུལ་པོ་ཡིས་ནི་འབུམ་ཕྲག་ལྔ། །གང་ཞིག་རྒྱུད་དུ་
D475.083.0244b04.01གསུངས་རང་གི། །རང་བཞིན་ལས་ནི་འབུམ་ཕྲག་བཞི། །དེ་ནས་ཤིན་ཏུ་ཆུང་བ་འདི། །ལྷ་མོ་དེ་ཀུན་གསལ་བར་བསྟན། །དཔལ་ལྡན་གཤིན་རྗེའི་གཤེད་དམར་པོའི་རྒྱུད་ཀྱི་རྒྱལ་པོ་ལེའུ་ཉི་ཤུ་རྩ་གཉིས་པའོ།། །།རང་གི་རྒྱུད་འདི་མི་ཤེས་པར། །རྒྱུད་དང་རྒྱུད་དུ་ངེས་བརྗོད་པ། །
D475.083.0244b05.01གལ་ཏེ་འཚོ་བའི་བསམ་པ་ཡིས། །སྟོང་པའི་ས་ལ་དེ་འཁོར་རོ། །དཔལ་ལྡན་གཤིན་རྗེའི་གཤེད་དམར་པོའི་རྒྱུད་ཀྱི་རྒྱལ་པོ་རྫོགས་སོ།། །།སྐད་གཉིས་སྨྲ་བ་ཆེན་པོ་ཐར་པ་ལོཙྪ་བའི་བཀའ་དྲིན་གྱིས་བསྐྱངས་པ། བོད་ཀྱི་ལོ་ཙྪ་བ་ཤཱཀྱའི་དགེ་སློང་རིན་ཆེན་གྲུབ་ཀྱིས། ཆོས་ཀྱི་རྗེ་ཁྲོ་ཕུ་ལོཙྪ་བའི་
D475.083.0244b06.01གདན་ས་གནས་གསར་དགོན་པར་བསྒྱུར་ཅིང་ཞུས་ཏེ་གཏན་ལ་ཕབ་པ།། །།རྒྱུད་འདི་འགྱུར་ལས་འབད་པའི་བསོད་ནམས་ཀྱིས། །ནག་པོའི་རྩ་ལག་མ་ལུས་ཀུན་བཅོམ་སྟེ། །བསྟན་པའི་བྱ་བ་ཡིད་བཞིན་འགྲུབ་པ་དང་། །མཐར་ཐུག་འཇམ་པའི་རྡོ་རྗེ་ཉིད་གྱུར་ཅིག། །།
D475.083.0244b07.01