完整藏文原文 · 德格版页 当前仅加载第 83 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
གསེར། །གང་བའི་སྣོད་ལ་དེ་བརྗོད་པ། །ས་སྟེངས་ཐམས་ཅད་གནོད་མེད་པའི། །ལྷ་ཡི་རྒྱལ་སྲིད་བདག་ལ་སྩོལ། །འཁོར་ལོས་སྒྱུར་བའི་རྒྱལ་སྲིད་དང་། །དབང་པོ་ཉིད་ཀྱང་བདག་ལ་གསོལ། །དེ་ནས་དཔལ་ལྡན་གཤིན་རྗེའི་གཤེད། །དམར་པོའི་སློབ་དཔོན་བདེན་
D475.083.0229a01.01པ་ལ། །རྒྱལ་པོ་ཆེན་པོ་འདི་དག་ནི། །ཡིད་ཀྱི་ཤིང་རྟ་རྫོགས་པར་གྱིས། །གཤིན་རྗེ་གཤེད་ཀྱི་རྣལ་འབྱོར་པས། །སྔགས་དང་བསམ་གཏན་མཆོག་གཞོལ་བ། །བློ་ལྡན་གུས་པས་ཅུང་ཟད་ཉོན། །ཤེས་རབ་ཕ་རོལ་ཕྱིན་པ་བཀླག །ཛམྦྷ་ལ་ལ་ཆུ་སྦྱིན་དང་། །{ཡི་དགས་,ཡི་དྭགས་}གཏོར་མ་
D475.083.0229a02.01དེ་བཞིན་སྟོན། །བརྩེ་བའི་ངང་ཚུལ་འཇིག་རྟེན་སྐྱོང་། །དེང་ཁྱོད་ལ་སོགས་བརྗོད་པར་བྱ། །མི་བདག་བདག་ལ་བདེན་པར་སྨྲོས། །མངའ་བདག་བདེན་ལས་གཞན་མིན་པས། །མི་བདག་གིས་བདེན་བརྗོད་པར་བྱ། །མགོ་དང་སྙིང་གར་རྡོ་རྗེ་ནི། །ལན་གསུམ་བྱིན་ནས་རྒྱལ་སྲིད་
D475.083.0229a03.01བྱ། །དཀྱིལ་འཁོར་བསྟེན་པར་བྱ་བའོ། །གནས་སུ་བདག་ལ་སྨྲ་བ་ནི། །དེང་བདག་སྐྱེ་བ་འབྲས་བུར་བཅས། །མི་ཡི་འགྲོ་བ་ལེགས་པར་ཐོབ། །དེ་ནས་དཔལ་ལྡན་གཤིན་རྗེའི་གཤེད། །དམར་པོའི་རྣལ་འབྱོར་པ་བདག་ནི། །འཇིག་རྟེན་གསུམ་རྒྱལ་སྲིད་བྱས་ནས། །ཕྱིས་ནས་
D475.083.0229a04.01དབང་པོ་ལ་སོགས་པ། །བཟློག་པ་བདག་གིས་བྱེད་པ་ཡིན། །དེ་བཞིན་སླར་ཡང་ཀཻ་ལཱ་ཤར། །བུད་མེད་རྒྱལ་སྲིད་བྱས་ནས་ནི། །རྒྱལ་སྲིད་འབྱོར་གྲུབ་ཆེན་མང་དང་། །མཐའ་དག་རྒྱལ་སྲིད་ཁུར་བཟུང་ནས། །མི་བདག་འཕྲོག་བྱེད་ཟླ་བ་ལྟར། །སངས་རྒྱས་ཀུན་དང་དངོས་གྲུབ་ཀུན། །གང་གིས་
D475.083.0229a05.01མྱུར་དུ་འབྱུང་འགྱུར་བ། །ད་ལྟར་ལྷ་ཡི་དེ་མཛོད་ལ། །མངའ་བདག་བདག་ལ་མཆོག་སྩོལ་ཅིག །དེ་བཞིན་ཁོ་ནར་བདེན་དང་བདེན། །ས་ཡི་གནས་སུ་ཕྱག་བྱས་ནས། །བཟོད་པར་གསོལ་ནས་ཁྱིམ་འགྲོ་བྱ། །དེ་བཞིན་སྣ་ཚོགས་གླུ་དང་ནི། །རོལ་མོ་ལ་སོགས་པ་རྣམས་ཀྱིས། །
D475.083.0229a06.01སྤྲོ་བར་བཅས་པས་སྦྱིན་སྲེག་བྱ། །ཉི་མ་སོ་སོར་ཉེར་སྤྱོད་བཅས། །མཚན་མོ་ཕྱེད་ནས་ཚོགས་འཁོར་དང་། །ཤེས་རབ་བཅས་ཤིང་ཡོན་དང་བཅས། རིམ་འདིས་ཉི་མ་ཉི་ཤུ་ལྡན། །ཟླ་བ་དྲུག་གིས་མཆོད་སྦྱིན་རྫོགས། །དེ་བཞིན་ཀུན་དུ་འོངས་ནས་གར། །གླང་པོ་རྟ་ལ་སོགས་
D475.083.0229a07.01